San Lucas 8:47 - Bible in Tzeltal de Oxchuc y Tenejapa

⁴⁷ Te antse la yil te la sna' stojol te Jesuse. Jich yac ta nijq'uel te tal ta stojole. La squejan sba ta stojol, soc la yal ta jamal ta stojol spisil ants-winiquetic te bi swentailuc te la spicbey sc'u' te Jesuse soc te bit'il col ta orae.

Nuevo Testamento Tzeltal de Amatenango

⁴⁷ Te antse la yil te ma spas te mukul naxe. Xmetmuntal ta sik tal skejan sba ta yok te Jesuse, sok la yal ta jamal ta stojol spisil te genteetike te tut sluwaril te la spikbey te xkamix te Jesuse, sok te tutꞌil a lekub ta orae.

Bible in Tzeltal Bachajón

⁴⁷ C'alal la yil te ants te ma xhu' ta muquel, yac ta nihquel a tal squejan sba ta ye'tal yoc Jesús, la yalbe ta stojol spisilic te bin scuentahiluc la spicbe sc'u' soc bin ut'il lecub ta ora.

San Lucas 8:47 Referans Kwoze

San Marcos 5:33

Jich te antse caj ta nijq'uel yu'un xiwel, yu'un la sna' te bila c'otix ta swentae. Jich tal squejan sba ta stojol, soc la yal ta jamal te bit'il aye.

2 Corintios 7:15

Jelawen to xan c'ux ya yaiyex ta yo'tan ta ora to, te melel ya sna'ulay te bit'il la ach'uunbeyic smandal ta apisilic, soc te jun awo'tanic la awic' ta atojolic, soc te bit'il la awich'ic ta muq'ue.

Hebreos 12:28

Te bit'il jo'otic ya x'ac'ot ainucotic yu'un Dios tey a te banti ma stac' ta jinele, jich yu'un ac'a me calbeytic bayal wocol yu'un. Spisiluc me co'tantic ya cac' jbajtic ta abatinel ta stojol te Diose. Lecuc me yo'tan cu'untic, soc bayaluc me sc'oplal ta co'tantic te ya jlajin jbatic ta stojole.

1 Corintios 2:3

Te c'alal ayon ta atojolique, mero ma'yuc te quipe. Ayon ta xiwel soc ta nijq'uel.

Salmos 2:11

Binuc nax me awo'tan ya aquejan abaic ta stojol Cajwaltic soc ich'aic ta muc'; nijc'uc me awo'tanic, tinana abaic ta stojol, ma me xawac' x'ilin ta atojolic, teme repente ya xlajex jilel ta be yu'un, melel ma me wocoluc ya xtil jichuc c'ajc' te yilimbae. ¡Bin nax me yutsil te mach'a ya sle canantayel yu'un te Cajwaltique!

Hechos 16:29

Jich te jcanan-chuquele la sc'an tel c'ajc' yil. Animal och bael. Yac ta nijq'uel te c'o stinan sba coel ta yacan te Pablo soc te Silase.

1 Samuel 16:4

Jich la spas te Samuel te bit'il albot yu'un te Cajwaltique. C'alal c'ot ta Belén te Samuele, te mamaletic yich'oj yat'elic yu'un te lum, yacalic ta nijq'uel yu'un xiwel ta yo'tanic a loq'uic ta yilel. Jich la yalbeyic: —¿Swenta bal lamal-o'tanil te talate? —la yutic.

Habacuc 3:16

C'alal la caiy stojol spisil, xiwon yu'un. Jajch' ta nijq'uel te que yu'une, ma ba ipajemonix ta cacan la caiy, spisil jbaq'uetal ch'ay ta jc'axel te yipe. Ja'uc me to, lamal co'tan la jmaliy te bi c'aalil Dios ya yac'bey smel yo'tanic te soldado-j'uts'inwanejetique.

Isaías 66:2

Jo'on jpasoj spisil te bitic aye, jich a chicnajic jajch'el. Jo'on Ajwalilon tulan ya cal. “Te mach'a yacon ta sna'el, ja' te me'ba te ay swocole, te yich'ojbon ta muc' te jc'ope.

Salmos 38:9

Cajwal, ja'at ya ana' spisil te bila ya sc'an te co'tane, te bila ya jic' co'tan yu'une, ma muquenuc ay ta atojol.

Filipenses 2:12

Jich yu'un, quermanotac te bayal c'uxex ta co'tane, jich te bit'il la ach'uunbonic jmandal spisil ora te c'alal joinejex to ae, c'axem to xan ch'uunbonic me jmandal te bit'il q'uejel ayonixe. Ayuc me sc'oplal ta awo'tanic te acolelique. Xiwanic me, soc nijc'uc me awo'tanic.

San Mateo 28:8

Jich te antsetique la yijq'uitayic te muquenale. Bajt'ic ta ora. Ayic ta xiwel soc ay bayal sbujts' yo'tanic yu'un te bila la yaiyiquix stojole. Animajic bael yu'un ba yalbey yaiyic te jnopojeletique.

Oseas 13:1

C'alal c'opojic te yajwal Efraín, te yantic ta chajbalchajp te israeletic la yich'ic ta muc'. Ja'uc me to, laj te Efraín te c'alal la sta smul ta xch'uunel Baal.

Oseas 5:3

Ya jna'bey sba te Efraín; te Israel ma yu'unuc ma jna'bey sba. Te Efraín yac'oj sba ta mulwej; te Israel la sboltes sba —xi'.

Salmos 66:16

La'ic ta apisilic ja'ex te axi'ojic te Diose, aiya awaiyic, ya calbeyex awaiyic te bila spasojbon ta jwenta.

San Lucas 8:46

Jesús la yal: —Ay nax mach'a la spicon, melel chican la caiy te ay loc' bael te cu'ele —xi'.

San Lucas 8:48

Te Jesús la yalbey te antse: —Me'tic, ta swenta xch'uunjel awo'tan, jich colatix. Jun awo'tan baan —xi'.