San Lucas 8:42 - Bible in Tzeltal de Oxchuc y Tenejapa

⁴² yu'un lajelix te jip jtul yantsil-nich'ane te ay niwan lajchayeb ja'wil ya'wilale. Te c'alal yac ta beel te Jesuse, stenten nax sbaic ta spat te ants-winiquetique.

Nuevo Testamento Tzeltal de Amatenango

⁴² yuꞌun ya xchamix te úniko yantsil-nichꞌane te ayix wan lajchayeb jaꞌbil yaꞌbilale. Te kꞌalal yipal kꞌael ta beel a te Jesuse, stenten sbaik kꞌael ta spat te genteetike.

Bible in Tzeltal Bachajón

⁴² yu'un chamelix te hip jtuhl yantsil-nich'an, te ay wan lahchayeb (12) ya'bilal. C'alal yac ta bahel a, lats'bil bahel yu'un bayel ants-winiquetic te Jesús.

San Lucas 8:42 Referans Kwoze

San Lucas 8:45

Te Jesús la sjojc'o yaiy: —¿Mach'a la spicon? —xi'. La yalic spisilic te ma'yuc mach'a picot yu'une. La yal te Pedro soc te sjo'taque: —Maestro, ja' ya stenat te ants-winiquetique. Tojol ya ajojc'oy te mach'a la spicate —la yut.

San Lucas 7:12

Te bit'il nopol ayiquix ta ti'lume, la yil q'uechbil loq'uel tel ta lum anima te ya xbajt'ix ta muquele. Sjoinej tel te tsobol ants-winiquetique. Te sme' te animae, me'ba ants. Jip jtul a te yal te laje.

Romanos 5:12

Ta swenta nax jtul winic te och mulil ta balumilale, soc ta swenta mulil te och lajele. Jich te lajele, c'ax ta stojol spisil te ants-winiquetic, melel spisil la sle smulic.

San Marcos 5:24

Jich te Jesús bajt' soc te winique. Ay tsobol ants-winiquetic la sts'aclinic bael soc stenten nax sbaic ta spat.

Ezequiel 24:25

Soc la yalbon te Cajwaltic: —Yo'tic ya me jpojbey te anjibal yu'un israeletic, ja' te templo. Ja' te bin nax yo'tanic ta smulanel te st'ujbilale, soc te ya smulanic ta leque, ja' te mero bayal sc'anojique. Soc ya me jpojbey te squerem-nich'nabic soc te yantsil-nich'nabique.

Ezequiel 24:16

—Ya me cac' lajuc ta ora nax te mach'a mero c'ux ta awo'tane. Pero ma me xamel awo'tan, soc ma me x'oc'at, ma me xamal ya'lel asit yu'un.

Eclesiastés 6:12

Ta mero melel, ma'yuc mach'a ya sna' bila lec ta stojol te ants-winic te jayeb c'aal ajtaybil te xcuxlejal te tojol c'oeme. Te jayeb c'aal ac'bil xcuxlejale, jich me ya xc'ax te bit'il axinale. ¿Mach'a ya x'albot yaiy yu'un te bila ya xc'ot ta pasel ta balumilal te c'alal lajemixe?

Job 4:20

Ta jun nax c'aal ya yich' lajinel stuquel; sbajt'el q'uinal ya xlaj, ma'yuc mach'a ya xc'opojix yu'un.

Zacarías 12:10

“Ya me jnojesbey ta yo'tanic yutsil-o'tanil ta sc'oponel Dios, te patil alnich'anetic yu'un David soc te mach'atic nainemic ta Jerusalén. Jich me ora ya yilic te mach'a la slowique. Ya me smel yo'tanic yu'un, ya me x'oq'uic yu'un, jich me ta yo'tanic te bit'il laj te jip jtul snich'an, o teme ja' te ba alale.

San Lucas 8:41

Tal ta stojol Jesús jtul winic, Jairo sbiil te yich'oj yat'el ta bay te sinagogae. La squejan sba ta stojol te Jesuse, yu'un tal yalbey wocol te yacuc xbajt' ta snae,

San Lucas 8:43

Ay jtul ants tey a te ay ta chamele. Ayix lajchayeb ja'wil te ma xmajc' te xchamele. [Spisil la slajinix staq'uin ta swenta jpoxtaywanejetic,] ja'uc me to, xujt' ma'yuc banti col yu'un.