San Lucas 8:28 - Bible in Tzeltal de Oxchuc y Tenejapa

²⁸ Te c'alal la yil te Jesuse, te winic la squejan sba ta stojol. Caj ta aw: —Jesús, ¿bistuc tal awochintayon ja'at te Snich'anat te Ch'ul Dios te ay ta ch'ulchane? Ya calbat wocol te ma me x'awuts'inone —xi' ta aw.

Nuevo Testamento Tzeltal de Amatenango

²⁸ Te kꞌalal la yil te Jesuse la skejan sba ta sit, y lijk awunuk: —Jesus, ¿tuꞌun te tal awochintayone? Jaꞌat te Xnichꞌanat te Chꞌul Dios te ay ta chꞌulchane. Awokoluk ma me xꞌawilbajinon —xchi ta aw.

Bible in Tzeltal Bachajón

²⁸ C'alal la yil te Jesús, tulan awon, c'oht squejan sba ta ye'tal yoc te Jesús, hahch ta aw: ¿Bin awochelon a, Jesús, Snich'anat te Dios te mero toyol ay? Awocoluc, ma me xawuts'inon, xchi.

San Lucas 8:28 Referans Kwoze

San Mateo 8:29

Tulan jajch'ic ta aw te winiquetique. Jich la yalic: —Jesús ¿bistuc tal awochintayotic, ja'at te Snich'anat te Diose? ¿Yu'un bal tal awuts'inotic te ma to sta yoraile? —xiic ta aw.

2 Pedro 2:4

Melel te Diose ma la spasbey perdón te ch'ul abatetic te la sta smulic ta stojole. La xch'oj coel ta bay infierno. Tey la yac' ta chuquel ta cadena ta bay te ijc' q'uinale, q'uejbilic tey a, ja' to teme la sta sc'aalelal te ich'el ta c'ope.

Apocalipsis 20:10

Te pucuj te lo'layotic yu'une, la yich' ch'ojel ochel ta muc' pamal c'ajc' te yac ta tilel soc azufre, ta banti yich'ojix ch'ojel te muc'ul chambalam te xi'bantic sbae soc te lotil j'alwanej yu'une. Tey me ya xc'ax swocolic a ta c'aal ajc'ubal ta sbajt'el q'uinal.

1 Juan 3:8

Yan te mach'a yat'elinej sleel te smule, ja' yu'un te pucuje. Melel te pucuje stalel yat'elinej sleel smul ta xjajch'ibal to tel. Melel ja' swentail te xtaluc ta balumilal te Snich'an Diose, yu'un tal slajinbey sc'oplal te bila yat'elinej spasel te pucuje.

Santiago 2:19

Te ja'ate ach'uunej te jun nax Dios aye. Lec nax te bit'il jich ach'uuneje. Ja'uc me to, jich xch'uunejic uuc te pucujetique, soc ya xnijc' yo'tanic yu'un xi'el.

Isaías 27:1

Te bi c'aalil ya cale, te Cajwaltic ya me yac'bey castigo te Leviatán, te chan te busul ta lume, ja' te Leviatán, te sbets'unaj ya xbeene; ya me smil ta spuñal te xiweltic nax sbae, te c'axem to xan smuc'ul te yu'ele, ya to sta ta milel a te muc'ul chan te ay ta mar.

San Lucas 8:27

C'alal loq'uemix ta barco a te Jesuse, noptsaj tel ta stojol jtul winic te loq'uem tel ta lume. Ayix bayal c'aal te ay pucujetic ta yo'tan, soc te ma'yuquix sc'u'-spac' ya xbeene, soc te ma'yuc bay ya x'ainix ta snae. Ja' snainejix te muquenaletique.

San Lucas 8:29

Jich la yal te winique, yu'un pasotix ta mandal yu'un Jesús te pucuje te ya xloc' ta yo'tan te winique. Bayal ac'bil yip yu'un te pucuje. Ay la yich'ix chuquel ta cadena yoc-sc'ab yu'un te ants-winiquetique, yu'un jich me ya scanantayic. Ja'uc me to, ta jujun buelta ya xtuch' yu'un te cadenae, soc ya xtenot bael yu'un te pucuje, c'alal ta banti ma'yuc yajwal te q'uinale.