San Lucas 8:24 - Bible in Tzeltal de Oxchuc y Tenejapa

²⁴ Jich ba stijic jajch'el te Jesuse, soc la yalbeyic: —¡Maestro, Maestro! ¡Ya xlajotic ta ja'! —la yutic. Jajch' te Jesuse. La scom te iq'ue soc te yip sbul te mare. Jich quejch'aj soc lamal q'uinal c'ot ta lec.

Nuevo Testamento Tzeltal de Amatenango

²⁴ Jicha ba stijik jajchel te Jesuse, y la yalbeyik: —¡Maestro, Maestro! ¡Ya skꞌan smulotik jaꞌ! —xyutik. Te Jesus jajch, y la skom te ikꞌe sok te spuersa jaꞌe. Jicha kom spisil y ben lek senel a laj jil.

Bible in Tzeltal Bachajón

²⁴ Te jnopojeletic baht stijic hahchel te Jesús: ¡Maestro, Maestro, ya xlajotiquix! xchihic. Cux yo'tan te Jesús, la scom te ic' soc te mar te yac ta ixtalanel ta ic'. Hich quehchaj, lamal bahel q'uinal.

San Lucas 8:24 Referans Kwoze

San Lucas 4:39

Te Jesús la stinan sba yil, la scombey te sc'aale. Ora nax a lamaj te xchamele. Tejc'aj jajch'el ta ora, och ta mac'linwanej.

San Lucas 5:5

La yal te Simone: —Maestro, ma niwan, yu'un at'ejotiquix sjunal ajc'ubal. Ni cojt'uc chay la jtsactic. Yan te bit'il ja'at la awalixe, ya me cac' ochel jiche —xi'.

Nahúm 1:4

Ya scom te mar, soc ya staquintes; ya me staquintes spisil te muc'ja'etique. Te spamlejetic yu'un Basán soc te wits Carmelo, ya sayubic, soc ya xlubaj te nichimetic ta Líbano.

Salmos 65:7

Ja'at ya acom te c'alal ya xjajch' niletel yip te ja'e, soc te c'alal ya xjajch' ch'inlajanel yajwal te lumetique.

San Mateo 14:30

Ja'uc me to, la yil te bit'il tulan te iq'ue. Och xiwel ta yo'tan yu'un. Mul coel ta ja'. Jich jajch' ta aw: —¡Cajwal, coltayawon! —xi'.

Jeremías 5:22

Jo'on, Ajwalilon jich ya cal: ¿Yu'un bal ma x'axi'onic te ja'exe? ¿Yu'un bal ma xnijq'uex ta jtojol? Jo'on la jpas te bay ya xquejch'aj te sti'il mar, ja' te sti'il te bay ma xc'ax tel te ja'e. Tulan ya stij sbaic ta jyalel te sbule soc te yipe, soc ya x'awunic; ja'uc me to, ma xju' xc'ax tel.

Isaías 50:2

¿Bi yu'un, te c'alal talone, ma'yuc mach'a la jta? ¿Bi yu'un, te c'alal ay mach'a la quic', ma'yuc mach'a la sjac'bon? ¿La bal acuyic te mero ma xju' cu'un pojbelex loq'uel tele? ¿La bal acuyic te ma xju' cu'un caq'uex ta libre? Ta jp'al nax mandal cu'un, tic' ya xtaquej a te mare, soc te beja'etic ya xc'atp'ujic ta taquin q'uinal, swenta yu'un ya me xlajic ta taquinti'il te chayetique, soc ya me xc'a'ic yu'un te ma'yuc ya'lele.

San Mateo 8:25

Te jnopojeletique la stijic jajch'el. Jich la yalbeyic: —¡Cajwal, coltayawotic! ¡Ya xlajotic ta ja'! —la yutic.

San Marcos 4:39

Te Jesús jajch'. La scom te iq'ue. La yalbey te mare: —¡Ch'aban, senajan! —la yut. Te iq'ue ch'ab. Lamal nax q'uinal c'ot yu'un.

San Lucas 4:35

Jesús la scom ta c'op te pucuje: —¡Ma xc'opojat! ¡Loc'an tel ta yo'tan te winique! —la yut. Te winic jipot ta lum yu'un te pucuj ta bay yolilic. Jich a loc' ta yo'tan. Ma'yuc yejch'en jilel.

San Lucas 8:25

Te Jesús la yalbey te jnopojeletique: —¿Bi la apasic te ma'yuc xch'uunjel awo'tanique? —la yut. Toj bael xch'ulelic yu'un soc xiw yo'tanic yu'un. Caj sjojc'obey sbaic: —¿Mach'a junuc a in to te ya xju' yu'un spasel ta mandal te iq'ue soc te mare soc te ya xch'uunbot smandal yu'une? —xiic.