San Lucas 8:22 - Bible in Tzeltal de Oxchuc y Tenejapa

²² Ta yan c'aal och ta barco Jesús soc te jnopojeletic yu'une. Jich la yal: —C'axucotic bael te jejch' mar —xi'. Jich jajch'ic ta beel ta mar.

Nuevo Testamento Tzeltal de Amatenango

²² Ay jun kꞌaal och ta barko te Jesuse sok te jnopojeletik yuꞌune. Jich a yaltalanbe: —Konik, kꞌaxukotik bael ta jejch mar —xchi. Jicha laj bajt.

Bible in Tzeltal Bachajón

²² Ta yan c'ahc'al och Jesús ta barco soc te jnopojeletic yu'un, hich la yalbe: Con, sohlucotic bahel ta jehch mar, xchi. Hich hahchic bahel.

San Lucas 8:22 Referans Kwoze

San Marcos 6:45

Laj nax yo'tanic a te la sticun ochel ta barco te jnopojeletic yu'un te Jesuse, yu'un jich me ya xneelajic c'axel yu'un ta bay lum Betsaida. Te Jesús jil to ta sc'oponel te ants-winiquetique.

San Lucas 8:23

Te c'alal yacalic ta beel c'axel ta mare, way te Jesuse. Tal buen tulan ic' ta sba te mare. C'an nojuc ta ja' te barcoe. Jajch' bayal swocolic yu'un.

San Lucas 5:1

Ay jun buelta te ay ta bay ti'mar Genesaret sbiil te Jesuse. Tey c'o stsob sbaic a te bayal ants-winiquetique. C'an stenic te Jesuse, yu'un toyol yo'tan ya yaiyic stojol te sc'op Diose.

San Marcos 8:13

Jich la yijq'uitay jilel. Cha'och bael ta barco. Bajt' ta jejch' mar.

San Mateo 14:22

Laj nax yo'tanic a te la sticun ochel ta barco te jnopojeletic yu'un te Jesuse, yu'un ya xneelajic c'axel yu'un ta mar. Te Jesús jil to stuquel ta sc'oponel te ants-winiquetique.

San Juan 6:1

Patil c'ax bael ta bay jejch' mar yu'un Galilea te Jesuse, ja' nix mar yu'un Tiberias.

San Marcos 5:21

C'alal sujt'ix tel ta barco te xc'otuc ta jejch' mar te Jesuse, tal tsobol ants-winiquetic ta ti'mar. Jich te Jesús tey nax jil a.

San Mateo 8:18

C'alal la yil Jesús te ay tsobol mach'atic joytaybil yu'une, jich la yal mandal te ya xc'axic bael ta bay te jejch' mare.

San Lucas 8:33

Jich te pucujetic loc' ta yo'tan te winique, ba ochuc ta yo'tan te chitametique. Spisil te chitametic la xch'oj sbaic coel ta wits c'alal ta muc' pamal ja'. Tey la sjic'anic ja' ta spisilic a.

Hechos 27:2

Ay jun barco julem ta lum Cesarea te talem ta lum Adramitio te ya xbajt'ix c'alal ta bay te lumlumtic te ayic ta ti'ti'mar ta sq'uinal Asia. Tey ochotic bael a, soc sjoinejotic bael uuc te Aristarco te talem ta lum Tesalónica te ay ta sq'uinal Macedonia.