San Lucas 8:2 - Bible in Tzeltal de Oxchuc y Tenejapa

² Soc ay antsetic te la sloq'uesbeyix pucuj ta yo'tanique soc te la slamantesbeyix xchamelic te sjoinejic ta beel uuc te Jesuse. Ja' te Mariae te Magdalena yan sbiile, te loq'uem juqueb pucuj ta yo'tane,

Nuevo Testamento Tzeltal de Amatenango

² Sok ay antstik te la slokꞌesbeyix pukuj ta yoꞌtanike sok te la slekutesbeyik xchamelik te sjoyinejik ta beel euk te Jesuse. Jaꞌ te xMaria te xMagdalena sbiile te lokꞌem jukeb pukuj ta yoꞌtane.

Bible in Tzeltal Bachajón

² soc cha'oxtuhl antsetic te loq'uesbot bohl espírituhetic ta yo'tanic soc te lecubtesotic ta chamel yu'un te Jesús: ha te María, te Magdalena yan sbihil, te loq'uesbot huqueb pucujetic ta yo'tan,

San Lucas 8:2 Referans Kwoze

San Marcos 16:9

Te c'alal cha'cuxix tel Jesús ta sacubel q'uinal ta sbabial c'aal yu'un te semanae, ja' sbabial te la yac' sba ta ilel ta stojol te María Magdalena te loq'uesbil juqueb pucujetic ta yo'tan yu'une.

San Juan 19:25

Ta bay yanil scruz tey teq'uelic a te sme' te Jesuse, soc te yijts'in te sme'e, soc te María te yinam Cleofase, soc te María Magdalenae.

Hechos 1:14

Spisilic jun nax la stsobilay sbaic ta sc'oponel Dios soc te yijts'inab Jesús, soc te Mariae te sme' te Jesuse, soc te yantic antsetique.

San Lucas 23:55

Te antsetic te talic soc Jesús c'alal ta sq'uinal Galilea, la sts'aclinic bael te Joseje. La yilic te muquenale soc te bit'il tey jil a te sbaq'uetal te Jesuse.

San Lucas 23:49

Spisil te mach'atic sna'ojbeyic sba te Jesuse soc te antsetic te la sts'aclinic tel c'alal ta sq'uinal Galilea, q'uejel to teq'uelic ta yilel spisil te bila c'ot ta pasele.

San Lucas 23:27

Spisil te lume la sts'aclinic bael soc ay tsobol antsetic te tulan yacalic ta oq'uel soc mel-o'tan ta swenta te Jesuse.

San Lucas 8:30

Te Jesús la sjojc'obey te winique: —¿Bi abiil? —xi'. Te winique la yal: —Te jo'one Tsobolon xi' te jbiile —xi'. Jich la yal yu'un tsobol te pucujetic te ochem ta yo'tane.

San Marcos 16:1

C'alal c'axemix a te sc'aalelal cux-o'tane, te María Magdalena, soc te yan María te sme' te Jacobo, soc te Salomé, ba smanic perfume yu'un ya xba yac'beyic ta sbaq'uetal te Jesuse.

San Mateo 4:24

Pujc' sc'oplal ta spamal sq'uinal Siria te Jesuse. La yiq'uic tel ta stojol Jesús spisil te mach'atic ayic ta chamele, chican bila chameliluc te yich'ojique soc chican te bila toyol xc'uxul ya yaiyic ta sbaq'uetalique. Ay mach'atic ay pucuj ta yo'tanic, soc ay mach'atic ayic ta tujp'ul ic', soc ay mach'atic lajem xchial te yoc sc'abique. Spisil lecub yu'un te Jesuse.