San Lucas 7:47 - Bible in Tzeltal de Oxchuc y Tenejapa

⁴⁷ Jich yu'un ya calbat awaiy: Ja' bayal c'uxon ta yo'tan yu'un te bit'il bayal smul la jpasbeyix perdón yu'une. Yan te mach'a jteb nax smul la jpasbey perdón yu'une, jteb nax c'uxon ta yo'tan yu'un —xi'.

Nuevo Testamento Tzeltal de Amatenango

⁴⁷ Jaꞌ yuꞌun ya kalbeyat awaꞌi: Jaꞌ bayal kꞌuxon ta yoꞌtan yuꞌun te tutꞌil bayal smul a chꞌaybotixe. Yan te machꞌa chꞌin nax smul ya xchꞌaybote, chꞌin nax ay xkꞌuxul yoꞌtan yuꞌun —xchi.

Bible in Tzeltal Bachajón

⁴⁷ Ha yu'un ya calbat te pasbotix perdón yu'un bayel smul, como bayel sc'uxul yo'tan. Yan te mach'a mayuc bayel smul ya yich' pasbeyel perdón yu'un, mayuc bayel sc'uxul yo'tan, xchi.

San Lucas 7:47 Referans Kwoze

1 Juan 4:19

Te jo'otique c'ux ya caiy ta co'tantic te Diose, yu'un ja' neel c'ux la yaiyotic ta yo'tan te Diose.

1 Juan 3:18

Cal-jnich'nab, ma me sbauc nax jti'tic ya jmulantic yalel te c'ux ya caiy jbajtique. Ac'a me chicnajuc ta cat'eltic te bit'il c'ux ya caiy jbajtic ta melele.

Isaías 1:18

Te Cajwaltic la yal: —La'ic, ya jchaptic te aiyeje: Manchuc me jich amulic te bit'il mero tsaje, ya jc'atp'unbeyex ta sac, jichuc saquil toib; manchuc me jich te bit'il pac' ts'ajbil ta tsaj, sac ya xc'ot cu'un, jichuc saquil stsotsil chij.

Gálatas 5:6

Melel ta swenta te Cristo Jesuse, jich ma'yuc sc'oplal teme quich'ojtic circuncisión o teme ma ba quich'ojtique. Te bila ay sc'oplale, ja' te ay xch'uunjel co'tantique. In te xch'uunjel co'tantique, ya yac' cuxinucotic soc xc'uxul co'tantic.

Romanos 5:20

Melel te mandalile, la yac' toyuc xan yip te mulile. Jich toy xan te mulile. Ja'uc me to, c'axem to xan la yac' ta ilel te yutsil yo'tan te Diose.

Efesios 6:24

soc ac'a yac'beyex bayal yutsil yo'tan ta apisilic te c'ux ya awaiyic ta awo'tanic te Cajwaltic Jesucristoe, te xujt' ma xyanaj stuquel te sc'uxul yo'tane. Jichuc.

Isaías 55:7

Te mach'a amen yo'tane ya sc'an te ya yijq'uitay te sbee; te mach'a ay mulil ta yo'tan, ya me yijq'uitay te bitic sna'oje. Sujt'anic tel ta stojol te Cajwaltique, jich me ya sna'beyex yo'bolil abaic stuquel; sujt'anic tel ta stojol te Dios cu'untique, te ma p'isbiluc nax yutsil yo'tan ta spasel perdón.

1 Juan 5:3

Ja' in to, ja' xc'uxul co'tantic ta stojol Dios teme cat'elinejtic spasel te bi la yal ta mandale. In te smandal yalojbotique, ma ba wocol ta pasel.

1 Timoteo 1:14

Jich esmaj ta c'axem to xan ta jtojol te yutsil yo'tan te Cajwaltique, soc la yac'bon xch'uunjel co'tan soc xc'uxul co'tan ta swenta te Cristo Jesuse.

Filipenses 1:9

Jich ya jc'an ta sc'oponel Dios te yacuc xtoy ta c'axem to xan te c'ux ya awaiy abaic ta awo'tanique, soc te yacuc ata bayal sp'ijil awo'tanic soc spisil te bila ay ta na'ele.

Hechos 5:31

Dios la yaq'uix ta ich'el ta muc' ta swa'el sc'ab yu'un la yaq'uix ta Ajwalil soc ta Coltaywanej, swenta yu'un ya me yac'bey sujt'es yo'tanic ta stojol Dios te israeletique. Jich me ya spasbey perdón yu'un te smulique.

1 Juan 1:7

Yan teme ayotic ta bay te saquil q'uinale, jich bit'il ja' saquil q'uinal stuquel te Diose, jich jun nax ayotic ta jpisiltic abi, soc jich ya spocbotic spisil jmultic ta xch'ich'el te Jesucristoe, ja' te Snich'an te Diose.

San Lucas 7:39

Te fariseo te ic'awan ta we'ele la yil te bila la spas te antse. Jich la yal ta yo'tan: “Te ja'uc j'alwanej yu'un Dios te winique, ya me sna' te bit'il jmulawil-ants te tal ta piquel yacan yu'un te jichuque”, xi' ta yo'tan.

San Mateo 10:37

“Ja' te mach'a c'ax jich c'ux ya yaiy ta yo'tan sme'-stat te bit'il c'ux ya yaiyone, ma snujp'in te ja' cu'un ya xc'ote. Soc te mach'a ja' c'ax c'ux ya yaiy ta yo'tan yal-snich'an te bit'il c'ux ya yaiyone, ma snujp'in te ja' cu'un ya xc'ote.

2 Corintios 5:14

Melel ja' ya sujotic ta co'tantic ya caiytic te xc'uxul yo'tan te Cristoe. Yu'un ya jna'tic te laj yu'un spisilic te jtule, jich lajic ta spisilic.

Miqueas 7:19

Na'botic xan yo'bolil jbatic ta yan buelta; soc ac'a yich' muquel awu'un te bila amen jpasojtique. Ch'ojbotic coel jmultic ta sc'ubulil te mare.

Ezequiel 16:63

Ya me xtal ta awo'tan, soc ya me xtal bayal q'uexlal ta atojol. Ya me apejc'an aba, soc ma ba ya xc'opojatix te c'alal ya jpasbat perdón spisil te bitic apasoje. Jo'on Ajwalilon te jich caloje”, uta me —xi' te Cajwaltique.

San Lucas 7:46

Ma la amalbon aceite ta jol te ja'ate. Yan te antse, la smalbonix perfume ta cacan stuquel.

San Lucas 7:48

Jich te Jesús la yalbey te antse: —Pasbilatix perdón yu'un te amule —xi'.