San Lucas 7:46 - Bible in Tzeltal de Oxchuc y Tenejapa

⁴⁶ Ma la amalbon aceite ta jol te ja'ate. Yan te antse, la smalbonix perfume ta cacan stuquel.

Nuevo Testamento Tzeltal de Amatenango

⁴⁶ Ma la amalbon aseite ta jol te jaꞌate. Yan te ants to la smalbonix perfume ta kok stukel.

Bible in Tzeltal Bachajón

⁴⁶ Ma ba la amalbon aceite ta jol; yan te ants ini la smalbon perfume ta coc stuquel.

San Lucas 7:46 Referans Kwoze

Salmos 23:5

Achajbanejbon jwe'el ta mesa ta stojol te jcontrotaque. Amalojbonix perfume ta jol, soc la anojesbonix ta taza te bi ya cuch'e, yac ta malel loq'uel ta sti'il.

Eclesiastés 9:8

Spisiluc me ora buen sac ac'u'-apac' ya alap, spisiluc me ora ya awac'bey perfume ajol.

San Mateo 6:17

Yan te ja'exe, te c'alal ya apasic ayunoe, tesa ajolic, poca asitic.

Daniel 10:3

Ma ba la jwe' bujts'an we'elil, ma ba la jti' ti'bal, ma ba la cuch' vino, soc ma ba la cac'bey jba perfume te c'ax te oxeb semana.

Salmos 104:15

ja' te waj te ya x'ac'bot yip yu'un, soc te vino te ya xbujts'naj yo'tan yu'un, soc te aceite te ya x'ach'ub yelaw yu'un.

2 Samuel 14:2

Ja' yu'un la sticun ta iq'uel tel jtul ants nainem ta Tecoa te mero ay sp'ijil yo'tan, jich la yalbey: —Pasa aba te ayat ta mel-o'tan, lapa c'u'il swenta mel-o'tan, ma me xawac'bey aba perfume. Melel ya me sc'an te jich ya awac' aba te bit'il ants te ayix bayal c'aal te ay ta mel-o'tan ta swenta te ay mach'a lajem yu'une.

Rut 3:3

Jich yu'un ya me apas te bila ya calbate: Poca aba, atina perfume, soc lapa bael ta bay mero lec te ac'u'-apaq'ue. Ya me xbaat tey a; ja'uc me to, ma me xawac' yilat te Booz te c'alal ma to xlaj yo'tan ta we'el-uch'el a.

Miqueas 6:15

Ya awaiy ts'unbajel, ja'uc me to, ma ba ya ac'aj. Ya ajuch'bey sit olivo, ja'uc me to, ma ba ya atuuntesbey te yaceiteile. Ya apits' ta teq'uel te ts'usube, ja'uc me to, ma ba ya awuch'bey te ya'lele.

Amós 6:6

Ta muc'ul copaetic ya awuch'ic a te vino, ya atuuntesic mero lequil perfumeetic. Ja' ma'yuc sc'oplal ta awo'tan te quechel ta jinel te lume.

2 Samuel 12:20

Jich ora te David, jajch' ta lum, atin, la yac'bey sba perfume, la sjeltay sc'u'-spac', och bael ta templo ta xch'uunel te Cajwaltique. Patil bajt' ta sna, la sc'an swe'el.

San Lucas 7:47

Jich yu'un ya calbat awaiy: Ja' bayal c'uxon ta yo'tan yu'un te bit'il bayal smul la jpasbeyix perdón yu'une. Yan te mach'a jteb nax smul la jpasbey perdón yu'une, jteb nax c'uxon ta yo'tan yu'un —xi'.