San Lucas 7:38 - Bible in Tzeltal de Oxchuc y Tenejapa

³⁸ Noptsaj tel ta bay yacan te Jesuse, la yoq'uetay sba tey a te antse. T'ulaj coel ya'lel sit ta yacan te Jesuse, soc la scusbey ta stsotsil sjol. Caj sbujts'iybey te yacane, soc la smalbey ta perfume.

Nuevo Testamento Tzeltal de Amatenango

³⁸ Tijilaj tal te ba yok te Jesuse. La yokꞌetay sba te antse. Tꞌulaj koel yaꞌlel sit ta yok te Jesuse, sok la skusbe ta stsotsil sjol. La yujtsꞌibe te yoke y la smalbe ta perfume.

Bible in Tzeltal Bachajón

³⁸ teq'uel hulel ta spat ta banti yoc, yac ta oq'uel, hahch spocbe yoc ta ya'lel sit soc la scusbe ta stsotsel sjol, la yuhts'uybe yoc soc la smalbe ta perfume.

San Lucas 7:38 Referans Kwoze

Isaías 61:3

te mach'atic ay swocolic ta Sión tal cac'bey scorona swenta sjelol te c'ajc'al tane, tal cac'bey yutsil q'uinal yaiyic te mach'atic smeloj yo'tanique, tal jc'atp'unbey ta yutsilal c'ayoj te woclajel ya yaiy ta yo'tanique. Ya me x'ac'bot sbiilic: “C'antulan swenta toj-o'tanil”, te ja' nix sts'unoj te Cajwaltic swenta yu'un ya yac' ta ilel a te yutsilale.

Eclesiastés 9:8

Spisiluc me ora buen sac ac'u'-apac' ya alap, spisiluc me ora ya awac'bey perfume ajol.

Salmos 51:17

Te majt'aniletic ya sc'an te Diose, ja' te mach'a mero ya smel yo'tan yu'un te smule; Dios cu'un, ma ba ya awilay atuquel te mach'a peq'uel ya yaiy sba soc te ma'yuquix ta q'uinal ya yaiy ta yo'tane.

Génesis 18:4

Ya me jc'an tel jtebuc ja' te ya apoc awacanic ae. Cuxa awo'tanic ta yaxinal te te'e.

Jeremías 31:9

Ya me xtal sc'opononic soc oq'uel. Jo'on ya quic' bael ta beja'etic soc ta pamal be, ta bay ma sc'ojch'in te yacanique. Melel jo'on Staton te Israele, soc te jnich'an Efraín, te ja' banquilale.

Salmos 38:18

Ya me cal ta jamal te jmule, swenta ma me stenon mel-o'tan.

Esdras 10:1

Te c'alal quejel ta sc'oponel Dios ta templo te Esdras, soc oq'uel yac ta yalel ta jamal te falta staojic, c'ot ta stojol tsobol israeletic te xchapoj sbaique: winiquetic, antsetic, soc ch'in alaletic te yacalic ta tulan oq'uele. La stsob sbaic ta sts'eel.

Santiago 4:9

Mela awo'tanic soc oq'uetaya abaic. Te atse'ejique ac'a c'atp'ujuc ta oq'uel; te sbujts' awo'tanique ac'a c'atp'ujuc ta mel-o'tan.

San Lucas 6:21

“Bin nax me awutsilic ja'ex te ayex ta wi'nal ta ora to, te melel ya me xnoj ach'ujt'ic. “Bin nax me awutsilic ja'ex te yacalex ta oq'uele, te melel ya me stse'en awo'tanic.

San Mateo 5:4

“Bin nax me yutsil te mach'atic ayic ta oq'uel, te melel ya me xmuc'tesbot q'uinal yaiyic yu'un te Diose.

Zacarías 12:10

“Ya me jnojesbey ta yo'tanic yutsil-o'tanil ta sc'oponel Dios, te patil alnich'anetic yu'un David soc te mach'atic nainemic ta Jerusalén. Jich me ora ya yilic te mach'a la slowique. Ya me smel yo'tanic yu'un, ya me x'oq'uic yu'un, jich me ta yo'tanic te bit'il laj te jip jtul snich'an, o teme ja' te ba alale.

Joel 2:12

Ya yal te Cajwaltic: —Pero yo'tic in to, sujt'anic tel ta jtojol, sujt'anic ta jtojol ta spisil awo'tanic. Coma awe'elic, awunanic, oq'uetaya abaic —xi' te Cajwaltique.

Isaías 57:9

“Ja' animajat bael ta stojol te dios Mélec, la awich'ic bael aceite soc c'ax bayal perfumeetic; la aticun bael abatetic awu'un ta mero c'ax c'ubul, asta la awac' coel c'alal ta yawil te lajele.

Cantares 1:3

Buen t'ujbil sbujts' te perfumeetic awu'une; malem perfume c'oem te abiile. Ja' yu'un ya smulanat te antsetique.

San Lucas 22:62

Jich loc' bael. Bayal la yoq'uetay sba yu'un.

San Lucas 7:37

Ay jtul jmulawil-ants tey a ta bay te lume te la yaiy stojol te ic'ot ta we'el Jesús ta bay sna te fariseoe. Jich bajt' tey a te antse. Yich'oj bael limeta te pasbil ta alabastro-ton te nojel ta perfume.

San Lucas 7:39

Te fariseo te ic'awan ta we'ele la yil te bila la spas te antse. Jich la yal ta yo'tan: “Te ja'uc j'alwanej yu'un Dios te winique, ya me sna' te bit'il jmulawil-ants te tal ta piquel yacan yu'un te jichuque”, xi' ta yo'tan.

San Juan 11:2

(Ja' in to, ja' te María te la smalbey perfume te yacan te Cajwaltique soc te la scusbey yacan ta stsotsil sjole. Ja' yijts'in te ay ta chamele.)