San Lucas 7:37 - Bible in Tzeltal de Oxchuc y Tenejapa

³⁷ Ay jtul jmulawil-ants tey a ta bay te lume te la yaiy stojol te ic'ot ta we'el Jesús ta bay sna te fariseoe. Jich bajt' tey a te antse. Yich'oj bael limeta te pasbil ta alabastro-ton te nojel ta perfume.

Nuevo Testamento Tzeltal de Amatenango

³⁷ Ay jtul jmulawil-ants te ba jtejklume te la yaꞌibe sluwar te ikꞌot ta weꞌel te Jesus te ba sna te fariseoe. Jicha bajt teꞌa te antse. Yichꞌoj bael jun limeta te pasbil ta alabastro-ton te nojel ta perfumee.

Bible in Tzeltal Bachajón

³⁷ Ay jtuhl jmulawil ants te tey slumal a, c'alal la sna' te yac ta we'el ta mesa ta sna fariseo te Jesús, la yich' tal perfume ta yawil pasbil ta alabastro;

San Lucas 7:37 Referans Kwoze

San Lucas 5:32

Melel ma ja'uc tal quic' te mach'atic tojique. Ja' tal quic' te jmulawiletic te ya sujt'es yo'tanic ta stojol te Diose —xi'.

San Mateo 21:31

¿Mach'a ta xchebalic awaiy te la spasbey te bila la sc'an yo'tan te state? —xi' te Jesuse. La yalic: —Ja' te sbabiale —xiic. Te Jesús jich la yal: —Jamal ya calbeyex, te jc'an-patanetic soc te jmulawil-antsetique, ya me xneelajic ochel awu'unic tey a ta banti ay ta ajwalinel te Diose.

1 Pedro 4:18

Teme wocol ya xcolic te mach'atic toj ayique, ¿ja'uc to balix a te mach'atic c'aemic ta mulil te ma sna'ic te Diose?

1 Timoteo 1:9

Te mandalile ma ja'uc ay ta swentaic te mach'atic tojique. Ja' ay ta swentaic te jch'ay-mandaletique, soc te jc'axintayej-mandaletique, soc te mach'atic ma xyich'ic ta muc' te Diose, soc te puro mulil baem ta yo'tanique, soc te mach'atic ixta yo'tanic te xujt' ma xyich'ic ta muc' te bitic ay ta ch'uunele, soc te mach'atic ya smil sme'-static soc yantic ants-winiquetic,

San Lucas 18:13

“Yan te jc'an-patane, q'uejel to la stejc'an sba jilel stuquel. La stinan sba ta stojol Dios. Ma la sc'an stoy moel te site. La smajulay yo'tan. Jich la yal: “Dios cu'un, pasbon perdón te bit'il jmulawilon ta atojol”, xi'.

San Lucas 5:30

Jich yu'un te fariseoetique soc te jts'ibojometique jajch' ayanbeyic sc'oplal te jnopojeletic yu'un te Jesuse. Jich ba yalbeyic: —¿Bistuc ya ajoinic ta we'el-uch'ajel te jc'an-patanetic soc te jmulawiletique? —xiic.

Romanos 5:8

Ja'uc me to, te Diose la yaq'uix ta ilel te bayal c'uxotic ta yo'tan te bit'il la yac' sba ta lajel cu'untic te Cristoe, manchuc teme mero jmulawilotique.

San Juan 11:2

(Ja' in to, ja' te María te la smalbey perfume te yacan te Cajwaltique soc te la scusbey yacan ta stsotsil sjole. Ja' yijts'in te ay ta chamele.)

1 Timoteo 1:15

Mero melel in to te ya sc'an ya yich' ch'uunel te ja' xtaluc ta balumilal yu'un scoltayel jmulawiletic te Cristo Jesuse. Jich bit'il te jo'one, ja' c'ax bayal te jmule.

San Juan 9:31

Jna'ojtic stojol ta jpisiltic te Dios ma xyaiybey stojol sc'op te jmulawiletique. Ja' nax ya yaiybey stojol sc'op te mach'atic jun yo'tanic ta stojole soc te ya spas te bila ya sc'an yo'tane.

San Juan 9:24

Jich yu'un te judioetique la xcha'yiq'uic xan tel te winic te ma'sit ta neelale. Jich la yalbeyic: —Albotic ta jamal ta stojol Dios te mach'a la sjambat te asite, yu'un jna'ojtic stojol jo'otic te jmulawil te winic ya awale —xiic.

San Lucas 19:7

Te c'alal la yilic spisil te ants-winiquetic te tey och a te Jesuse, la smuquen-ayanic. Ja' amen la yaiyic te la sjoin te mach'a jmulawile.

San Lucas 7:34

Patil tal te Nich'anile te ya xwe'-x'uch'aj ta leque. Jich ya awalic te toyol ya xwe'-x'uch'aje, soc te ya sjoin jmulawiletic soc jc'an-patanetic.

San Lucas 7:36

Ay jtul fariseo la yic' bael ta we'el te Jesuse. Jich bajt' ta na te Jesuse. La sjoin ta we'el ta mesa.