San Lucas 7:13 - Bible in Tzeltal de Oxchuc y Tenejapa

¹³ Te Cajwaltique la yil soc la sna'bey yolij sba te me'ba antse. Jich la yalbey: —Ma x'oc'at —xi'.

Nuevo Testamento Tzeltal de Amatenango

¹³ La yil te Kajwaltike sok la snaꞌbe yoꞌolil sba te meꞌba antse. Jich a yalbe: —Ma okꞌan —xyut.

Bible in Tzeltal Bachajón

¹³ Te Cajwaltic, c'alal la yil te antse, sts'ujet ta yo'tan la ya'iy, hich la yalbe: Ma x'oc'at, xchi.

San Lucas 7:13 Referans Kwoze

Isaías 63:9

yu'un spisil te swocolique. Ma yu'unuc yan mach'a la sticun tel te tal ta coltaywaneje; ja' nix tal stuquel te Cajwaltique. Ta swenta xc'uxul yo'tan la yac' ta libre soc yutsil yo'tan, la sjach, la stsac ta sc'ab. Jich la spas spisil ora.

Salmos 103:13

Te Cajwaltic ay xc'uxul yo'tan ta stojol te mach'atic ya x'ich'ot ta muc' yu'unic, jich bit'il tatil te c'ux ya yaiy ta yo'tan te snich'nabe.

Hebreos 4:15

Melel te Muc' Sacerdote cu'untique, ma yu'unuc ma sna'botic yo'bolil jbatic te bit'il ay jwocoltic yu'un te ma'yuc quiptique, melel la yaiy swocol yu'un spisil ta jchajp uuc te yiljibal yo'tane, jich nix te bit'il ya caiytic te jo'otique. Ja'uc me to, ma ba yal ta mulil yu'un.

Salmos 86:15

Pero ja'at Cajwal, Diosat te ya xtal xc'uxul awo'tan ta jtojol, te ya ana'bon yo'bolil jba, soc te ma orauc ya x'ilinat ta jtojol. Bayal xc'uxul awo'tan, soc muc' te smelelil ac'ope.

San Lucas 8:52

Spisilic yacalic ta oq'uel, soc x'awetic nax ta smelel yo'tanic yu'un te ach'ixe. Te Jesús jich la yalbey: —Ma x'oq'uex. Melel te ach'ixe ma ba lajem. Wayal nax —xi'.

Jeremías 31:20

“Te lum Efraín, ja' te jnich'an te c'ux ta co'tane; ja' te jnich'an te bayal sc'anoj te co'tane. Manchuc me ya cac'bey tulan comel, ma ba ya quijq'uitay ta sna'ulayel; ya stij sba co'tan yu'un, c'ax muc' ya jna'bey yo'bolil sba. Jo'on Ajwalilon, jich ya cal.

Salmos 86:5

Melel ja'at Cajwal, buen lec awo'tan soc jpas-perdonat atuquel; mero jc'uxtaywanejat yu'unic te mach'atic ya yalbat wocole.

Hebreos 2:17

Ja' swentail te puersa pajal c'ot soc te yermanotaque. Jich muc' sacerdote c'ot ta stojol Dios te jun yo'tane soc te ay xc'uxul yo'tane. Jich me ya staic perdón yu'un smulic spisil ants-winiquetic ta swenta te bit'il la yac' sba ta lajel yu'unique.

San Juan 20:15

Jich c'opoj te Jesuse: —Me'tic, ¿bistuc yacat ta oq'uel? ¿Mach'a ya ale? —xi'. Te María la scuy te ja' te jcanan-awalts'unubile. La yalbey: —Tatic, teme ja'at la aq'uech baele, albon caiy te banti la awac'bon jilele, yu'un ya xba jq'uech bael —xi'.

San Marcos 8:2

—Ya jna'bey yo'bolil sbaic in ants-winiquetic to, yu'un yoxebalix c'aal te sjoinejonic li'to, soc ma'yuc te swe'elique.

Jueces 10:16

Jich te israeletic la yijq'uitayic te diosetic yu'un jyanlumetic te xch'uunejique, swenta yu'un ja' ya xch'uunic xan te Cajwaltique. Te Cajwaltic ma la sc'anix te ya xc'ax xan swocol te israeletique.

San Juan 11:2

(Ja' in to, ja' te María te la smalbey perfume te yacan te Cajwaltique soc te la scusbey yacan ta stsotsil sjole. Ja' yijts'in te ay ta chamele.)

San Lucas 24:34

Soc ora albot yaiyic: —Melel nix a te cha'cuxemix te Cajwaltique, soc la yilix te Simone —utotic.

San Lucas 17:5

Te jpuc-c'opetique la yalbeyic te Cajwaltique: —Esmantesbotic xan xch'uunjel co'tantic ta lec —xiic.

1 Corintios 7:30

Te mach'atic ayic ta oq'uele, jichuc me c'oem te bit'il ma'yuquic ta oq'uele. Te mach'atic bin nax yo'tanique, jichuc me c'oem te bit'il ma'yuc sbujts' yo'tanique. Te mach'atic ya xmanbajique, jichuc me c'oem te bit'il ma yu'unuque.

San Juan 20:13

Te ch'ul abatetique la yalic: —Ants, ¿bistuc te yacat ta oq'uele? —xiic. La yal te antse: —¿Bi yu'un la yich'bonic bael sbaq'uetal te Cajwale? Ma jna' te banti la yac'bonic jilele —xi'.

San Lucas 13:15

Te Cajwaltique jich la sujt'esbey: —Cha'lam awo'tanic te ja'exe. ¿Ma bal yacuc acoltay ta sc'aalelal cux-o'tan te awacaxe, te aburroe te ya xba awac'bey ja' yuch'e?

San Lucas 10:1

Ta patil te Cajwaltic la stsa xan lajuneb xchanwinic (70) ta jtul winiquetic. Che'cheb la sticun bael ta juju-jpam lum soc ta juju-jsejp q'uinal ta banti ya xc'ax bael ta patile.

San Lucas 7:19

La sticun bael ta sjojc'oyel ta stojol te Jesús teme melel te ja'ix te Cristo te ya xtale o teme ay to yan te ya xtale.

1 Tesalonicenses 4:13

Quermanotac, ya jc'antic te ya ana'ic stojol ta lec te bit'il ay sc'oplal yu'un Dios te mach'atic wayemix sbaq'uetalic, swenta yu'un ma me jichuc ya amel awo'tanic te bit'il ya smel yo'tanic te mach'atic ma'yuc bila smuc'ulinej yo'tanique.

San Lucas 22:61

Te Cajwaltic la sujt'es sba ta yilel te Pedroe. Jich la sna' te Pedro te bila albilix yu'un te Cajwaltique: “Ma to x'oc' mut yo'tic a, te ya amucon ta awo'tan oxeb buelta”, te xie.

San Lucas 7:12

Te bit'il nopol ayiquix ta ti'lume, la yil q'uechbil loq'uel tel ta lum anima te ya xbajt'ix ta muquele. Sjoinej tel te tsobol ants-winiquetique. Te sme' te animae, me'ba ants. Jip jtul a te yal te laje.

San Lucas 7:14

Jich noptsaj bael te Jesuse. La spicbey scajcante'al te animae. In te mach'atic sq'uechojique la stejc'an sbaic. Te Jesús la yalbey te animae: —Querem, ya calbat, jajch'an —la yut.

San Lucas 11:1

Ay jun buelta te c'alal laj yo'tan ta sc'oponel Dios te Jesuse, ay jtul jnopojel te jich la yal: —Cajwal, p'ijubtesawotic ta sc'oponel Dios uuc jich bit'il te Juan la sp'ijubtes te jnopojeletic yu'une —xi'.

San Lucas 11:39

Te Cajwaltic jich la yalbey: —Te ja'ex fariseoetic, ja' nax ya asapbeyic spat te vasoe soc te platoe, ja'uc me to, nojel ta awo'tanic elec' soc mulil.

San Lucas 12:42

Jich la yal te Cajwaltique: —¿Mach'a a te mayordomo te jun yo'tan soc te ay sp'ijile? Ja' te ya x'ac'bot swentain te abatetic yu'un te yajwale soc te ya spucbey te bila ya xtuun yu'unic te jujun buelta te ya yich'ique.

San Lucas 17:6

La yal te Cajwaltique: —Teme ay jich xch'uunjel awo'tanic jtebuc te bit'il sbac' mostaza te biq'uit naxe, ya me xju' ya awalbeyic in sicómoro-te' to: “Bula aba loq'uel li'to, baan ts'una aba ta mar”, teme ya awute, jich me ya xch'uunbat amandal.

San Lucas 18:6

Soc la yal xan te Cajwaltique: —Awaiy bit'il la yal te juez te ma ba lec yo'tane.

San Lucas 19:8

Te Zaqueo tejc'aj jajch'el ta olilal. Jich la yalbey te Cajwaltique: —Cajwal, ya me jq'uebanbey oliluc jbiluc te me'baetique. Soc teme ay mach'a la jlo'laybey sbiluque, chaneb buelta ya quesmantesbey sujt'el te sjelole —xi'.

San Lucas 24:3

Ochic bael ta yutil muquenal, ja'uc me to, ma la staic tey a te sbaq'uetal te Cajwaltic Jesuse.

San Juan 4:1

Te fariseoetic la yaiyic stojol te bit'il ayix bayal jnopojeletic yu'un te Jesuse, soc c'ax jich yac ta yaq'uel ich'ja' te bit'il te Juane.

San Juan 6:23

Jich ora tal yantic barcoetic te talic ta lum Tiberias. Julic ta loq'uel ta bay nopol la swe'ic waj te la yalbey wocol Dios yu'un te Cajwaltique.

San Juan 11:3

Jich yu'un te cheb antsetique la sticunic ta alel ta stojol te Jesuse, jich la yalic bael: —Cajwal, ay ta chamel te mach'a c'ux ta awo'tane —xiic bael.