San Lucas 6:8 - Bible in Tzeltal de Oxchuc y Tenejapa

⁸ Jich te Jesuse sna'oj stojol te bit'il jich ay te yo'tanique, jich yu'un la yalbey te winic te sicuben xchial sc'abe: —Jajch'an, tec'lan ta olilal —xi'. Jich jajch' te winique, tejc'aj tey a.

Nuevo Testamento Tzeltal de Amatenango

⁸ Pero te Jesuse snaꞌoj te jich ay te yoꞌtanike. La yalbe te winik te mel makꞌ snik sba te skꞌabe: —Jajchan, tekꞌlan te ba olile —xchi. Te winike jajch, la stejkꞌan sba.

Bible in Tzeltal Bachajón

⁸ Pero na'bot yo'tanic yu'un te Jesús, hich la yalbe te winic te chamen schihal sc'ab: Hahchan, tehc'an aba ta ohlil, xchi. Hich la stehc'an sba te winique.

San Lucas 6:8 Referans Kwoze

Apocalipsis 2:23

Soc ya me quejch'entes ta lajel te yalataque. Jich me ya sna'ic stojol spisil jch'uunjeletic te jna'oj te bila snopoj ta sjolic soc ta yo'tanic. Jich me ya cac'bey stoj juju-jtul, chican bi yilel te yat'elique.

San Mateo 9:4

Te Jesús la sna' stojol te bila ay ta yo'tanique. Jich la yalbey: —¿Bi yu'un te amen te bila la yaan awo'tanique?

1 Pedro 4:1

Jich yu'un, te bit'il c'ax swocol ta sbaq'uetal ta jwentatic te Cristoe, ja' ya sc'an te jichuc co'tantic uuc te bit'il yo'tan stuquele. Yu'un te mach'a c'axix swocol ta sbaq'uetale, jich la stsalix te mulile.

Hebreos 4:13

Melel te Diose, ma'yuc bila pasbil yu'un te ma chicanuc ta ilel ya yile. Spisil jamal ta ilel ya yil. Xujt' ma'yuc bila macal ta sit te Mach'a ya yich'botic ta wenta te cat'eltique.

Filipenses 1:28

Xujt' ma me x'axi'ic te mach'a ya scontrainexe. Ja' seña ya yilic te ch'ayel ya xbajt'ique; soc ja' seña ya awilic uuc te ja'ex te ya xcolex atuquelique, yu'un jich nix yaloj te Diose.

Hechos 26:26

Te muc' ajwalil Agripa te nacal li'to, sna'oj stojol spisil in to. Ja' swentail te jamal co'tan yacon ta c'op ta stojole. Melel xcal te yaiyoj stojol spisil in to, melel ma muquenuc te bay c'ot ta pasele.

Hechos 20:24

Ja'uc me to, ma ba ya jmel co'tan yu'un. Ma'yuc sc'oplal te bit'il ay te jcuxlejale. Ja' nax ay sc'oplal ta co'tan te bin nax co'tan ya jloq'ues te jayeb c'aal ay ta jwenta, ja' to c'alal te ya xc'ot coraile, soc te ya ju'tes cat'el te yac'ojbon ta jwenta spasel te Cajwaltic Jesuse, ja' bi ja' te la yac'bon ta jwenta yalel sc'oplal te jcoleltic ta swenta nax yutsil yo'tan cu'untic te Diose.

San Juan 21:17

Ta yoxebal buelta la yalbey xan: —Simón te snich'anat Jonase, ¿c'uxon bal ta awo'tan? —xi'. Te Pedro la smel yo'tan yu'un te yoxebalix buelta te albot te “C'uxon bal ta awo'tan?”, te xie. Jich la yal: —Cajwal, ay ta awo'tan spisil. Ana'oj stojol te c'uxat ta co'tane —xi'. Jesús la yalbey xan: —Mac'linbon jiche te chijetic cu'une.

San Juan 9:4

Te bit'il ayotic to ta c'aleltique, puersa me ya jpasbey yat'el te mach'a la sticunon tele. Yu'un ya xtal te ajc'ubale, c'alal ma'yuquix mach'a ya xju' ya x'at'ej.

San Juan 2:25

Ma yejt'aluc te ay mach'a ya yalbey yaiy te bi yilel yo'tanique, melel ya sna' stuquel te bi yilel co'tantic juju-jtulotique.

San Lucas 5:22

Te Jesús la sna' stojol te bila yacalic ta yalel ta yo'tanique. Jich la yalbey yaiyic: —¿Bi yu'un te jich ya awal ta awo'tanique?

Isaías 42:4

Ma ba ya xlub, ni ma ba ya xch'ay te smuc'ul yo'tane, ja' to teme chicnaj te stojil chajbanel ta balumilale. Te lumetic ta ti'ti'mar jun me yo'tan ya yaiyic stojol te p'ijubtesele —xi' te Diose.

Salmos 44:21

Te jichuque la awilotic, melel te ja'ate ana'oj spisil te bila muquen yich'oj chapel.

Job 42:2

—Te jo'one jna'oj te spisil ya xju' awu'une, soc te ma'yuc bila ma xju' awu'un spasele.

1 Crónicas 29:17

Dios cu'un, ya jna' te ya atsajtaybotic te co'tantique, te ja' ya amulan te toj ya cac' jbajtique. Ja' swentail te toj co'tan jnopoj te tal cac' ta atojol spisil. Ta ora yo'tic to bin nax co'tan yu'un te lum awu'un te stsoboj sbaique, c'ax to xan la yaq'uic te majt'anil yu'unic ta atojole.

1 Crónicas 28:9

Te ja'at Salomón, te jnich'anate, ma me xch'ay ta awo'tan te Dios yu'un te atate. Ac'a aba ta abatinel ta stojol ta spisil awo'tan. Junuc me awo'tan ta stojol, melel te Cajwaltic ya sna'botic ta lec te co'tantique, ya sna'botic bitic ya snop co'tantic soc bitic ay ta co'tantic. Jich yu'un teme jun awo'tan ya ale, jich me ya yac'bat te ya ata ta leele. Yan teme ya ach'ay ta awo'tane, ya me sloq'uesat ta jc'axel ta sbajt'el q'uinal.

San Lucas 6:9

Te Jesús la yalbey yaiyic: —Ay bila ya jojc'obeyex caiy: ¿Ya bal stac' pasel ta sc'aalelal cux-o'tan te bila leque, o te bila amene? ¿Ja' bal lec te ayuc mach'a ya xcol cu'untic, o ja' bal lec te ayuc mach'a ya xlaj cu'untic ae? —xi'.

San Marcos 3:3

Te Jesús la sc'opon ts'iin te winic te sicuben xchial sc'abe: —Jajch'an, tec'lan ta olilal —la yut.

San Lucas 13:12

Te Jesús la yil soc la yic' tel ta stojol. Jich la yalbey: —Me'tic, libre ayatix yu'un te achamele —xi'.