San Lucas 6:7 - Bible in Tzeltal de Oxchuc y Tenejapa

⁷ Jich yu'un te jts'ibojometic soc te fariseoetique la smaliy yilic teme ya yich' coltayel yu'un Jesús te winique, te bit'il sc'aalelal te cux-o'tan. Yu'un jich ya xju' ya stabeyic smul ta sc'opic a te Jesuse.

Nuevo Testamento Tzeltal de Amatenango

⁷ Te maestroetik yuꞌun te mantaliletik sok te fariseoetike yipalik ta smaliyel me ya slekutes a te ta skꞌaalel kuxo-oꞌtane, yuꞌun jich ya xjuꞌ ya slebeyik smul ta skꞌopik a te Jesuse.

Bible in Tzeltal Bachajón

⁷ Te escribanohetic soc te fariseohetic yac stsahtaybel yilic teme ya slecubtes, yu'un hich ya stahbeyic smul a.

San Lucas 6:7 Referans Kwoze

San Lucas 20:20

Jich yu'un la sticunic jtsajtaywanejetic te scuyoj sbaic ta lec yo'tanic ta ilel ta stojol te Jesuse, swenta yu'un jich me ya yac'beyic yal te bila amene. Yu'un jich me ya yaq'uic ta sc'ab a te ajwalile.

San Lucas 13:14

Yan te mach'a yich'oj yat'el ta sinagoga, ilin yo'tan yu'un te bit'il Jesús la slamantesbey xchamel ta sc'aalelal cux-o'tan. Jich caj yalbey te mach'a stsoboj sbaique: —Ay waqueb c'aal te ya xju' ya x'at'ejotique. Ja' me yorail ya xtalex a te ya awac' ta lamantesel te achamelique. Ma me ja'uc ta sc'aalelal cux-o'tan —la yut.

San Marcos 3:2

Jich yu'un te ants-winiquetic la smaliy yilic teme ya scoltay ta sc'aalelal cux-o'tan te Jesuse, swenta yu'un jich ya xju' ya stabeyic smul ta sc'opic a.

San Juan 9:16

Ay cha'oxtul te fariseoetic la yalique: —Ma ba talem ta stojol Dios me to, melel ma scanantay te bi c'aalil swenta cux-o'tan —xiic. Soc ay la yalic: —¿Ya bal c'an ju'uc yu'un spasel jtul jmulawil in señailetic to? —xiic. Jich ma junuc yo'tan sbaic yu'un.

Jeremías 20:10

La caiy stojol te sajlajan ta c'op te ants-winiquetique: “Ay xiwel ta spisil ta bayuc”, xiic. Ya yalic: “La'ic, ya xba jlebetic smul”, xiic. Asta te jo'taque ya smaliy yilic te yacuc cal loq'uel jtebuc te lotil c'ope. Ya yalic: “Yacuc yac' sba ta lo'layel; jich me ya jtsaltic soc ya me jsutbeytic spacol”, xiic.

Isaías 29:21

jich nix te mach'atic tojol nax ya yac'beyic scuch bila amen ta pasel yu'un te yantique, soc te ya yaq'uic yaluc te juez, soc te ya xlo'laywanic te jich ya scombeyic chajbanel ta stojol te mach'a ma'yuc smule.

Salmos 38:12

Te mach'atic ya sc'an ya smilon, ya xchajbanbonic jyaquil; te mach'atic ya sc'an yuts'inon, ya yalbonic jc'oplal ta jinel ta jyalel, soc spisil ora ya xchajbanic te muquen milawe.

San Mateo 5:39

Ja'uc me to, jo'on ya calbeyex: Teme ay mach'a amen te bila ya spasbate, ma me xasujt'esbey spacol. Teme la smajbat te swa'el achoe, ac'a smajbat xan te yan mejch'e.