San Lucas 6:49 - Bible in Tzeltal de Oxchuc y Tenejapa

⁴⁹ Yan te mach'a ya yaiybon stojol te jc'ope, teme ma ba ya spas te bila ya cale, jich c'oem te bit'il jtul winic te sba lum nax la snajc'an te snae, te ma la yac'bey yiptajibe. C'alal tal snojel te ja'e, mal c'axel tey a ta bay loq'uem te snae. Bot'q'uej yu'un. Jc'axel jin te snae —xi' te Jesuse.

Nuevo Testamento Tzeltal de Amatenango

⁴⁹ Yan te machꞌa ya yaꞌibon sluwar te jkꞌope, teme makꞌ spas te tut ya kale, jaꞌ pajal kꞌoem sok tutꞌil jtul winik te ta ba lum nax a spas te snae te maꞌyuk yipajibe. Kꞌalal tal te nojel jaꞌe, xwilawet kꞌaxel teꞌa te ba spasoj te snae. Butkꞌej yuꞌun, jmel a jim ta nae —xchi te Jesuse.

Bible in Tzeltal Bachajón

⁴⁹ Yan te mach'a la ya'iybon jc'op pero teme ma ba la spas, ha pajal soc te winic te la scajan hahchel ta ba lum te snahe, mayuc yich'o-ip. Tulan hul ta tahel yu'un snojel ha', ora buch yu'un, jc'axel jihn te nahe, xchi.

San Lucas 6:49 Referans Kwoze

Ezequiel 33:31

Jich ya xtalic te lum cu'une, ya sep sbaic ta naclej ta atojol, jich nix te bit'il ya spasulayique, yu'un ja' ya yaiyic te bila ya awale, pero ma ba ya xch'uunic spasel bael. Ya smulanic sjaq'uel, jich ta yo'tanic te bit'il sjaq'uel c'ayoj swenta nax sbujts'-o'tanil, pero ja' nax ay ta yo'tanic te taq'uine.

San Mateo 23:3

Jich yu'un ch'uunaic spasel te bila ya yalbeyexe, ja'uc me to, ma me xac'ainic spasel te bila ya spasic stuquelique. Melel te bila ya yalic ta p'ijubteswaneje, ma xch'uunic spasel stuquelic.

Proverbios 28:18

Te mach'a lec yo'tan ay me ta coltayel stuquel; yan te mach'a ay mulil ta yo'tane, ya me sta falta yu'un.

1 Juan 2:19

Ja' nix te mach'a loq'uic bael ta coliltique. Ja'uc me to, yu'un nanix ma junuc ayotic soc a. Te yu'unuc junuc ayucotic soque, jc'axel jun ayotic soc te jichuque. Ja'uc me to, te bit'il loq'uic baele, yu'un tey me ya xchicnaj ta jamal a te ma jpisilticuc te jun ayotique.

San Juan 15:2

Spisil te sc'abc'ab te bay ma xyac' site, ya me sloq'ues. Spisil te banti ya yac' site, ya yutstes xan stuquel swenta yu'un ya yac' xan bayal sit ta lec a.

San Lucas 12:47

“Jich te abat te sna'oj te bila la sc'an yo'tan te yajwale, te ma la xchajban sba soc te ma la spas te bila la sc'ane, ya me x'ac'bot bayal ta jyalel majel.

San Lucas 6:46

“¿Bi yu'un te “Cajwal, Cajwal”, ya awutonic, te melel ma xapasic te bila ya calbeyexe?

San Marcos 4:17

Ja'uc me to, te bit'il ma ba c'uben ta lec te yisime, jich ma xjalajic. Teme ya xtal yiljibal yo'tanic soc uts'inel ta stojolic ta scaj te sc'op Diose, tic' ya xch'ay xch'uunjel yo'tanic a.

2 Pedro 2:20

Te mach'atic la sna'beyiquix sba te Jesucristoe te ja' Cajwaltic soc ja' Jcoltaywanej cu'untic stuquele, jich colemiquix loq'uel tey a ta bay sbolil te balumilale. Ja'uc me to, teme patil ya xcha'sujt'ic xan ta spasel te bila jil yu'unic ta neelale soc teme ya x'u'uninotic xan yu'une, c'axem to xan jich ya xbolobic a te bit'il ayic ta neelal toe.

1 Tesalonicenses 3:5

Jich yu'un te bit'il ma sts'ijq'uix cu'un te jo'one, jich la jticunex ta ilel. Yu'un jich me ya caiy stojol teme ay to te xch'uunjel awo'tanique. Ja' la jmel co'tan yu'un teme ay bit'il la ach'uunic lo'layel yu'un te pucuje. Jich tojol ch'ay a te cat'el abi.

Hechos 26:11

Bayal buelta la cac'bey castigo ta sinagogaetic. La cac' puersa ta stoybac'optayel. Scaj te bayal jajch'em slab co'tan yu'unique, jich boon ta yuts'inel ta bay slumalic te jyanlumetique.

Hechos 20:29

Jna'oj stojol te ay ya xtal yantic te c'alal baemonix ae, te ya xtal yuts'inex jich bit'il ya yuts'in chijetic te jti'awal ja'mal ts'i'etique.

San Lucas 19:27

Yan te mach'atic scontroinejone te ma la sc'anic te ya x'ochon ta muc' ajwalil ta swentaique, ic'bonic tel ta jtojol. C'ocbeyaic loq'uel sjol”, xi' te muc' ajwalile —xi' ta yalel te Jesuse.

San Lucas 19:14

“Ja'uc me to, te winique mero ilaybil yu'un te slumale. Jich yu'un te c'alal baemix a, ta spat nax la sticunic bael abat te jich ba yale: “Ma jc'antic te ya yich' yat'el ta muc' ajwalil ta jwentatic te winique”, xiic.

San Mateo 24:10

Ay me tsobol ta jtul ya xchebaj yo'tanic. Soc ya me xjajch' yilay sbaic soc ya me xjajch' yac' sbaic ta c'abal.

Oseas 4:14

Ja'uc me to, ma ba ya cac'bey castigo te awantsil-nich'nabic te yac'oj sbaic ta jmulawil ants, ni ja'uc te awalibic te ya yaiyic mulweje. Melel te ja'exe ya xbaex soc te jmulawil antsetique; ya ajoin ta yaq'uel milbil majt'anil te jich ya ach'uunic awajcananique. Jich ya xch'ay bael te lum te ma'yuc bi ya sna'e.

San Lucas 6:48

Jich c'oem te bit'il jtul winic te la spas sna. Najt' la sjoc'bey coel te yawile, ja' to la sta te p'ijom tone. Tey la yac' ipajuc jajch'el a te yiptajibe. C'alal tal snojel te ja'e, mal c'axel tey a ta bay loq'uem te snae, ja'uc me to, ma ju' yu'un sjinel. Melel ipajem ta bay p'ijom ton.

San Lucas 7:1

Te bit'il lajix yo'tan ta sc'oponel te ants-winiquetique, bajt' ta lum Capernaúm te Jesuse.