San Lucas 6:48 - Bible in Tzeltal de Oxchuc y Tenejapa

⁴⁸ Jich c'oem te bit'il jtul winic te la spas sna. Najt' la sjoc'bey coel te yawile, ja' to la sta te p'ijom tone. Tey la yac' ipajuc jajch'el a te yiptajibe. C'alal tal snojel te ja'e, mal c'axel tey a ta bay loq'uem te snae, ja'uc me to, ma ju' yu'un sjinel. Melel ipajem ta bay p'ijom ton.

Nuevo Testamento Tzeltal de Amatenango

⁴⁸ Jich kꞌoem te tutꞌil jtul winik te la spas snae. Toyol a sjokꞌbe koel te xchꞌenale, jaꞌ to te la sta te limlim tone. Teꞌ stsꞌun tal moel a te yipajib snae. Kꞌalal tal te nojel jaꞌe, te xwilawet kꞌaxel a te ba snae, ma nijk yuꞌun, yuꞌun ipajem lek sok te limlim tone.

Bible in Tzeltal Bachajón

⁴⁸ Ha pajal soc te winic te la spas sna, c'ubul la shotbe sch'enal, la ya'be yich'o-ip ta sba ton. C'alal tal snojel ha', tulan hul ta tahel te nahe, pero ma ba hu' syuc'bel, como ipajem ta ton.

San Lucas 6:48 Referans Kwoze

Salmos 62:2

Ja' nax stuquel ya scoltayon soc ya scanantayon. Ma'yuc bi ora ya xyalon, melel ja' anjibal cu'un stuquel.

Isaías 28:16

Jich yu'un ya yal te Cajwaltique: —Ya cac' jp'ij ton ta lum Sión, ja' te jp'ij ton te tsabil, soc te mero bayal yutsile, ja' te mero bayal sc'oplal yu'un spasel na, ja' te ya xtuun yu'un te yiptajibe. Te mach'a ya yac' smuc'ul yo'tan ta stojole, ma ba ya xiw yo'tan.

Judas 1:24

Te jip jtul Dios te bayal sp'ijile, te Jcoltaywanej cu'untic, ay yu'el ta scanantaybelex te manchuc ya xyalex ta mulile, swenta yu'un ma me ayuc amulic te ya atejc'an abaic ta stojol ta bay te yutsilale. Jich me bayal ya xbujts'naj awo'tanic yu'un. Ay yutsilal stuquel, soc ay ta ich'el ta muc', soc ay yu'el, soc ya xmandalaj spisil ora ta swenta te Cajwaltic Jesucristo, ja' to ta xjajch'ibal, soc ta ora to, soc ta sbajt'el q'uinal. Jichuc.

Isaías 26:4

Ja'uc me smuc'ul awo'tanic spisil ora te Cajwaltique, melel ja' anjibal sbajt'el q'uinal stuquel.

Efesios 2:20

Ts'ajc'ubilex moel ta muc'ul na. Ta sba te yiptajib la yotsesic te jpuc-c'opetic soc te j'alwanejetic yu'un te Diose. Ja' mero smuc'ul stonil chiquin-na te Jesucristoe.

1 Juan 2:28

Jich yu'un, cal-jnich'nab, jc'axel ainanic soc te Cristoe, swenta yu'un jun nax co'tantic te c'alal ya quilbeytic site. Jich me ma jtatic q'uexlal ta stojol te c'alal ya xchicnaj tele.

2 Timoteo 2:19

Ja'uc me to, te yiptajib yac'oj te Diose, ma'yuc ta nijq'uesel stuquel. Ay sello yich'oj te jich ya yale: “Na'bil sbaic yu'un Dios te mach'atic yu'une”, xi'. Soc ya yal: “Spisil te mach'atic ya yalic wocol ta stojol te Cajwaltique, ac'a jiluc yu'unic spisil te mulile”, xi' xan.

Salmos 32:6

Jich yu'un te c'alal ay woclajel ya yaiyique, te mach'atic toj yo'tanic ya sc'oponat; manchuc me ya xtal bayal snojel ja'etic, ma xtaotic c'oel yu'un.

2 Samuel 22:32

¿Ay bal yan dios a te bit'il Cajwaltique? ¿Ay bal yan dios te ya xju' ya scanantayotique?

Proverbios 10:25

C'alal ya xc'ax tulan ic' ta stojol te mach'a amen yo'tan, ya xch'ay ta jc'axel; yan te mach'a toj yo'tane, stalel ya xjil stuquel.

2 Samuel 22:47

“¡Viva Cajwaltic, jelawenuc yutsil sc'oplal te jcanantaywanej cu'une! Ac'a toyuc xan yutsil sc'oplal te Dios te ya scoltayon soc te ya scanantayone.

Isaías 59:19

Te mach'atic ayic ta spamal balumilal, c'alal ta sloq'uib c'aal ja' to ta smalib c'aal, ya me yich'ic ta muc' te Cajwaltic te c'alal ya yilbeyic yutsilal xojobil te yat'ele. Melel jich me ya xtal te bit'il snojel ja' te ya xtijot tel yu'un tulan iq'ue.

2 Pedro 1:10

Jich yu'un, quermanotac, te bit'il ic'bilex yu'un te Diose soc tsabilex yu'un, jc'axeluc me ismajuc ta awo'tanic. Teme jich ya apasique, jich ma ba ya xyalex xan ta mulil.

Hechos 14:22

Te banti c'axique, la yac'bey yip yo'tanic te jnopojeletique, soc la yalbey yaiyic te jc'axel ac'a yac' xch'uunjel yo'tanic. Soc la yalbeyic te puersa me ya xc'ax jwocoltic ta jpisiltic te ya x'ochotic ta banti ay ta ajwalinel te Diose.

San Juan 16:33

La calbeyex spisil in to, swenta yu'un jich me lamal q'uinal ya awaiyic ta jwenta. Yan ta bay te balumilale ya me xc'ax awocolic, ja'uc me to, ayuc me smuc'ul awo'tanic ta jwenta, melel tsalbilix cu'un te balumilale —xi' te Jesuse.

Nahúm 1:8

Ja'uc me to, jich bit'il snojel ja' ya smes bael spisil, ya slajin te mach'atic ya stoy sbaic ta stojole; ya xtaot ta ijc' q'uinal te scontrotaque.

Salmos 95:1

La'ic, la' jc'ajintaytic Cajwaltic soc yutsil co'tantic; jc'ajintaytic te ja' jcanantaywanej soc te ja' jcoltaywanej cu'untique.

2 Samuel 22:5

“La sbech'on ta slazoil te lajele; xiwon yu'un te la slicon ta yip ja' c'oeme.

Deuteronomio 32:15

Mero jujp' te Jesurún, xwilawet nax yu'un sbujts' q'uinal yaiy, (mero x'oquet nax yu'un sjujp'el), la xch'ay ta yo'tan te Diose, ja' te Jpaswanej yu'une; la yilay te Jcanantaywanej yu'un, la yilay te Jcoltaywanej yu'une.

2 Samuel 23:3

Te Dios yu'un Israel c'opojix, te Jcanantaywanej yu'un Israel jich yalojbon: ‘Ja' te mach'a mero stojil ya swentain te ants-winiquetique, ja' te mach'a yich'oj ta muc' Dios te ya x'at'ej ta muc' ajwalil,

2 Samuel 22:2

Jich la yal: “Ja'at Cajwal, Jcanantaywanejat, anjibalat cu'un, ja'at la awac'on ta libre atuquel.

1 Samuel 2:2

Ma'yuc mach'a yan jich ch'ul Dios te bit'il ja'at, Cajwal. Ma'yuc mach'a jich ya xcanantaywan te bit'il ja'at, Dios cu'untic. Jtul ma'yuc mach'a jich te bit'il te ja'ate.

Deuteronomio 32:31

Mero sna'ojic te jcontrotactic te ma pajaluc soc te Jcanantaywanej cu'untic te jcanantaywanej yu'unic stuquelique.

Deuteronomio 32:18

Israel, ch'ay me ta awo'tan te Atate, ch'ay me ta awo'tan te Jcanantaywanej awu'une; ma ba la ana'ix te mach'a la yac'bat acuxlejale.

San Lucas 6:47

Ya calbeyex awaiyic te bi yilel c'oem te mach'a ya xtal yaiybon stojol jc'op soc te ya spas te bila ya cale.

San Lucas 6:49

Yan te mach'a ya yaiybon stojol te jc'ope, teme ma ba ya spas te bila ya cale, jich c'oem te bit'il jtul winic te sba lum nax la snajc'an te snae, te ma la yac'bey yiptajibe. C'alal tal snojel te ja'e, mal c'axel tey a ta bay loq'uem te snae. Bot'q'uej yu'un. Jc'axel jin te snae —xi' te Jesuse.