San Lucas 6:40 - Bible in Tzeltal de Oxchuc y Tenejapa

⁴⁰ Soc ni jtuluc jnopojel te cajal ay yu'un te yajmaestroe. Ja' to pajal ya xc'ot soc teme ju' yu'un snopel ta lec te p'ijubtesele.

Nuevo Testamento Tzeltal de Amatenango

⁴⁰ Sok ni jtuluk eskuelero te ya xkꞌaxintay te yaj-nopeswaneje. Jaꞌ to pajal ya xkꞌot sok teme juꞌ yuꞌun te lek pꞌijutesele.

Bible in Tzeltal Bachajón

⁴⁰ Te jnopojel ma ha'uc toyol xan yu'un te maestro yu'une; pero spisil te mach'atic ts'acal la snopic, pajal ya xc'ohtic soc te maestro yu'unique.

San Lucas 6:40 Referans Kwoze

San Juan 13:16

Jamal ya calbeyex, te abate ma ja'uc cajal ya xc'ot ta stojol te yajwale. Soc te mach'a ticunbil tel, ja' peq'uel sc'oplal ya xc'ot ta stojol te mach'a ticunwanej.

San Juan 15:20

Juluc me ta awo'tanic bila la calbeyexe: “Ni jtuluc abat te cajal ya xc'ot ta stojol te yajwale”, te xoone. Teme la yuts'inon te jo'one, ya me yuts'inex uuc. Teme la yich'bonic ta muc' te jc'ope, jich nix ya yich'beyex ta muc' uuc te bila ya awalic te ja'exe.

San Mateo 23:15

¡Ya me awil awocolic jts'ibojometic, fariseoetic te cha'lam awo'tanique! Melel te ja'exe bayuc nax ya xbeenex ta spamal balumilal, yu'un awo'tan ya awaq'uic ta judioil te jyanlumetique. Ja'uc me to, teme la xch'uun awu'unique, c'axem to xan jich castigo ya yich' a te bit'il te ja'exe.

San Lucas 6:41

“¿Bistuc ja' ya awil te ch'in ac te ochem ta sit te awermanoe? Yan te muc'ul ts'amte' te c'atal ta asite, ma ba ya awil stuquel.