San Lucas 6:38 - Bible in Tzeltal de Oxchuc y Tenejapa

³⁸ Ac'beyaic te bila ma'yuc yu'un te yantique, jich me ya yac'beyex uuc te Diose: Lec p'isbil, tenbil ta nojesel ta lec, yuq'uilbil, xt'oquet nax me te ya scojc'an coel ta yawile. Te jich yipal ya ap'isbeyic te yantique, jich nix yipal ya sp'isbeyex uuc te Diose —xi' te Jesuse.

Nuevo Testamento Tzeltal de Amatenango

³⁸ Aꞌbeyaik te tut maꞌyuk yuꞌun te yane. Jich me ya yaꞌbeyex euk te Diose te lek pꞌisbil, te lek tembil ta nojesel, te yukꞌilanbil, kꞌeba nax me koel te ba yawile. Te Diose jich me ya spꞌisbeyex ta mismo pꞌisil te tut ya apꞌisike —xchi te Jesuse.

Bible in Tzeltal Bachajón

³⁸ A'beyahic, hich me ya x'a'botex: lec sp'isojbil, tembil, yuq'uilambil soc buen t'ocol yac awich'ic. Como te hich smuc'ul yac ap'is, hich nix yac awich' p'isbeyel, xchi.

San Lucas 6:38 Referans Kwoze

Deuteronomio 15:10

Ya me sc'an te ya acoltay, ma me ayuc awocol ya awaiy yu'un, melel te Cajwaltic te Dios cu'untique ya me yac'bat bendición yu'un te bitic ya apase soc te bitic ya ajach ta pasele.

San Marcos 4:24

Soc jich la yalbey xan: —Tey me xawac' awo'tanic a te bila la awaiyic stojole. Te jich yipal ya ap'ise, jich nix yipal ya sp'isbotat, soc c'axem to xan ya me yesmantesbeyex.

San Mateo 7:2

Melel te jich yipal ya alebey smul te yane, ja' nix jich yipal ya x'albotat amul uuc. Te bi yilel sp'isol ya awac'bey te yane, jich nix yilel sp'isol ya x'ac'botat uuc.

Proverbios 22:9

Te mach'a soc yutsil yo'tan ya yil yan, ya me x'ac'bot bendición ta swenta bit'il ya yac'bey swe'el te me'baetique.

Proverbios 19:17

Te bila ya cac'beytic smajan te me'ba, ja' ya cac'beytic smajan te Cajwaltique; soc ja' nix ya stojbotic te Cajwaltic te betile.

Proverbios 10:22

Te bendición yu'un Cajwaltic ya yac' jc'ulejaltic, te ma'yuc mel-o'tan yu'une.

San Mateo 10:42

Soc te mach'a ya yac'bey yuch' junuc tasa siquil ja' te mach'atic peq'uel sc'oplalic ta scaj te jnopojel cu'une, jamal ya calbeyex, ma xch'ay te smajt'an ya yich'e —xi' te Jesuse.

San Lucas 6:30

Spisil mach'a ay bila ya sc'anbeyex, ac'beyaic. Soc teme ay mach'a ya spojbeyex te bila ay awu'unique, ma me x'ac'anbeyic sujt'el.

Santiago 2:13

Melel te mach'a ma ba la yaiy c'uxtaywaneje, ja' nanix jich ma ba ya yich' c'uxtayel uuc c'alal ya yich' ich'el ta c'op. Yan te mach'a la yaiy c'uxtaywaneje, lec me ya x'ilot stuquel te c'alal ya yich' ilel te yat'ele.

Job 42:11

Jich bajt' ta ula'tayel yu'un spisil te yermanotac winiquetic antsetic, soc te mach'atic jun yo'tan sba soque, ta spisil te mach'atic ya xna'bot sba yu'un ta namey tele. Ta comon la stsob sbaic ta we'el swenta q'uin ta sna te Job. La smuc'ubtesbeyic q'uinal yaiy: “Pajal c'ux la caiytic te wocol la sticunbat ta atojol te Cajwaltique”, xiic ta stojol. Ta juju-jtul la yac'beyic taq'uin soc jujun ch'ocowil oro.

Salmos 79:12

Dios cu'un, sujt'esbeya spacol juqueb buelta c'oem ta stojolic te mach'atic ayic ta sti'il te jq'uinaltique, ja' te uts'inwanic ta atojole.

Ester 9:25

Pero c'alal c'ot ta stojol muc' ajwalil te Ester, te muc' ajwalil la yal mandal ta jun te spisil te bila chapal yu'un te Amán ta swenta swocol te judioetic, ja' nix ac'a sujt'uc ta stojol stuquel. Jich nix c'ot a. Te Amán soc te snich'nabe la yich'iquix jijp'anel ta te'.

Jueces 1:7

Te Adoni-bezec jich la yal: —Jo'on neel la jset'bey loq'uel lajuneb xchanwinic (70) ta jtul sme' sc'abic soc sme' yacanic te ajwaliletique. Ja' la stamic sobrail we'elil ta yet'al jmesa. Ora yo'tic sujt'ix ta jwenta yu'un Dios te bi la jpasbeye —xi'. La yiq'uic bael ta Jerusalén, tey laj a.

Ester 7:10

Ja' yu'un te Amán, tey jijp'anot ta te' te la xchajban yu'un ja' c'an sjijp'an a te Mardoqueo. Tey lamaj a te slab yo'tan te muc' ajwalile.

Jeremías 32:18

Te ja'ate ya awac' ta ilel xc'uxul awo'tan jmil ta caj te alnich'anetique; ja'uc me to, ya awac'bey castigo ta scaj smulic te me'il-tatiletique. Ja'at muc' Diosat soc bayal awu'el, te abiile ja' “Ajwalil te Spisil ya xju' yu'un”.

Éxodo 21:24

Teme la st'usbey te sit, teme la swuybey te sbaquel ye, teme la sc'asbey te sc'ab, o teme la sc'asbey te yacane,

2 Samuel 19:36

Ja' nax me ya xba joinat c'axel ta muc'ja' Jordán. ¿Bi yu'un te ya awal te ya awac'bon c'uxtayel, muc' ajwalil?