San Lucas 6:37 - Bible in Tzeltal de Oxchuc y Tenejapa

³⁷ “Ma me xalebey smul te yane, swenta yu'un jich ma ba ya yich'beyex ac'opic te Diose. Ma me xawac'beyic castigo yu'un smul te yantique, jich ma ba ya yac'beyex castigo yu'un amulic uuc te Diose. Pasaic perdón, jich me ya spasbeyex perdón uuc te Diose.

Nuevo Testamento Tzeltal de Amatenango

³⁷ Ma me xꞌawichꞌbe jkuenta yaꞌtel te yane. Jich me makꞌ yichꞌbeyex jkuenta euk te Diose. Ma me xꞌalebe smul te yane. Jich me makꞌ stabeyat amul euk te Diose. Akꞌaik perdon. Jich me ya yaꞌbeyex perdon euk te Diose.

Bible in Tzeltal Bachajón

³⁷ Ma me xawich'o-c'optayic yan, hich ma ba yac awich'ic ich'o-c'optayel. Ma me xawalbeyic smul yan, hich ma ba ya xhalot amulic a. Pasahic perdón, hich me ya xpasbotex perdón a.

San Lucas 6:37 Referans Kwoze

Efesios 4:32

Ja' ya sc'an te talel c'axel ay yutsil awo'tan abaique, soc te pajal ya ac'uxtay abaique. Pasbeya abaic perdón jich te bit'il Dios la spasbeyex perdón ta swenta te Cristoe.

Santiago 5:9

Quermanotac, ma me talel jc'axeluc ya ale abaic ta c'op, swenta yu'un ma me x'ac'botex castigo yu'un Dios. Te juez ayix ta ti'nail.

San Marcos 11:25

Te c'alal yacalex ta sc'oponel te Diose, pasbeya perdón neeluc teme ay mach'a ay falta yu'un ta atojole. Jich me ya spasbeyex perdón yu'un amulic uuc te Jtatic te ay ta ch'ulchane. [

Colosenses 3:13

Talel c'axel ts'icbeya abaic, soc pasbeya abaic perdón teme ay ma lecuc te bila ya apasbey abaique. Jich nix te bit'il la spasbeyex perdón te Cristoe, ja' nanix me jich ya sc'an te ya apasbey abaic perdón uuc te ja'exe.

San Mateo 5:7

“Bin nax me yutsil te mach'atic ya yaiyic c'uxtaywaneje, te melel ya me staic c'uxtayel yu'un uuc te Diose.

Isaías 65:5

La yalic: “Ainan tey a, ma me xnoptsajat tel; c'axem to xan ch'ulajemon, ma me xnoptsajat ta jtojol”, xiic. Te ants-winiquetic jich c'oemic te bit'il c'ajc' te ya xtil sjunal c'aal; jich ya yuts'inonic te bit'il ch'ail ta jni'tic.

San Mateo 18:30

Ja'uc me to, ma la sc'an smaliybey. La yac' ta chucjibal ja' to teme ya stoj te sbete.

San Lucas 6:36

Jich yu'un te ja'exe aiyaic me c'uxtaywanej uuc jich bit'il ya yaiy c'uxtaywanej te Atatique.

San Lucas 23:16

Ya me cac'bey castigo, patil ya me jcoltay bael —xi'.

Hechos 3:13

Ja' te Dios yu'un Abraham, Isaac, Jacob te ja' Dios yu'un te antiguo jme'-jtatique, la yaq'uix ta ich'el ta muc' te Snich'ane, ja' te Jesús te la awaq'uic ta c'abale. Te c'alal c'an yich' coltayel yu'un te Pilatoe, te ja'exe ma la ac'anic.

Santiago 2:13

Melel te mach'a ma ba la yaiy c'uxtaywaneje, ja' nanix jich ma ba ya yich' c'uxtayel uuc c'alal ya yich' ich'el ta c'op. Yan te mach'a la yaiy c'uxtaywaneje, lec me ya x'ilot stuquel te c'alal ya yich' ilel te yat'ele.