San Lucas 6:27 - Bible in Tzeltal de Oxchuc y Tenejapa

²⁷ “Yan te ja'ex te ya awaiybonic stojol te jc'ope, ya calbeyex: C'ux me xawaiy te acontroe. Soc pasbeyaic bila lec te mach'atic ya yilayexe.

Nuevo Testamento Tzeltal de Amatenango

²⁷ Yan te jaꞌex te ya awaꞌibikon sluwar te jkꞌope ya kalbeyex: Kꞌux me xꞌawaꞌiyik te machꞌatik ya skontrainexe sok pasbeyaik te tut lek te machꞌatik ya spꞌajexe.

Bible in Tzeltal Bachajón

²⁷ Pero ha'ex te yac awa'iybonic te jc'ope, ya calbeyex: C'ux me xawa'iy ta awo'tan te acontrahic, lec me bin yac apasbeyic te mach'atic ya sp'ajex;

San Lucas 6:27 Referans Kwoze

1 Tesalonicenses 5:15

Tsajtaya me abaic, ma me ayuc jtuluquex te ya awich'beyic spacol teme ay mach'a amen te bila ya spasbate. Ja' me xapasbey abaic spisil ora te bila leque, soc jich me xapasbey ta spisilic uuc te yantique.

San Lucas 6:35

Yan te ja'exe, c'ux me xawaiy ta awo'tanic te mach'atic ya scontroninexe. Pasbeyaic bila lec soc ac'beya smajanbat te bila ay awu'unique. Ma me x'ac'anbey sjol. Jich me bayal awutsilal ya awich'ic yu'un, soc jich me yal-snich'an ya xc'oex te ch'ul Dios te ay ta ch'ulchane. Melel ya xc'uxtay te mach'atic ma sna'ic yalel wocole soc te mach'atic amen yo'tanique.

Proverbios 24:17

Ma me binuc nax awo'tan yu'un, soc ma me xapas q'uin yu'un, teme pejc'ajix soc teme jajch' ta wocol te acontro.

Gálatas 6:10

Jich yu'un, te bay c'alal ya xju' cu'untique, ac'a me jpastic jpisiltic te bila leque. Ja' c'axem to xan ac'a jpastic ta stojol te quermanotactic te pajal ay xch'uunjel co'tantic soque.

San Marcos 4:24

Soc jich la yalbey xan: —Tey me xawac' awo'tanic a te bila la awaiyic stojole. Te jich yipal ya ap'ise, jich nix yipal ya sp'isbotat, soc c'axem to xan ya me yesmantesbeyex.

Hechos 10:38

Melel awaiyojbey stojol sc'oplal te Jesús te talem ta lum Nazarete. Dios la yac'bey yu'el ta swenta te Ch'ul Espíritu te la yac'bey yiq'ue. Jich bayuc been ta scoltayel te ants-winiquetic soc ta slamantesel spisil te mach'atic ay swocolic ta uts'inel yu'un te pucuje. Jich ju' yu'un spasel, melel sjoinej te Diose.

Hechos 7:60

La squejan sba. Tulan awun: —Cajwal, ma me xawich' ta wenta in mulil to —xi'. Te c'alal jich la yal te Estebane, way sbaq'uetal.

San Lucas 23:34

Te c'alal jipilix ta cruz yu'unic te Jesuse, jich la yal: —Jtat, pasbeya perdón, melel ma sna'ic stojol te bila ya spasique —xi'.] Te soldadoetic la spasic ta número yilic te bila ya xc'ot ta swentaic juju-jtul yu'un te sc'u'-spac' te Jesuse.

San Lucas 8:18

“Jich yu'un, tey me xawac' awo'tanic a te bila awaiyojic stojole. Melel te mach'a ay bila yich'oje, ya me x'ac'bot xan sjoy. Yan te mach'a ma'yuc bila ay yu'une, ya xpojbot te bila yich'oj jtebuque —xi' te Jesuse.

San Lucas 8:15

Yan te awalil te c'ot ta bay lequil lume, ja' sc'oplal te mach'atic jun nax yo'tanic ta yaiyel stojol te Sc'op Diose, soc te jc'axel ya yac' yo'tanic ta xch'uunel soc ma xchebaj yo'tanic. Ya me sitin ta yo'tanic ta lec c'oem te sc'op Diose.

San Lucas 8:8

Ja'uc me to, ay c'ot ta bay lequil lum te awalile. Te c'alal ch'ie, sitin ta lec. Ay la yac' jo'winic (100) ta jp'ij sit te juju-jpejt' awalile —xi' te Jesuse. Te bit'il jich yac ta yalel te Jesuse, la stoyes xan sc'op: —Te mach'a ay xchiquine, ac'a me yaiy stojol ta lec —xi'.

San Lucas 6:22

“Bin nax me awutsilic ja'ex teme ayex ta ilayel yu'un te ants-winiquetique, soc teme ya stenex loq'uele, soc teme ya sbolc'optayexe, soc teme ya sp'ajex te bit'il amenex ta sc'opic ta scaj te Nich'anile.

3 Juan 1:11

Te ja'at te c'uxat ta co'tane, ma me xac'ain te bila amene. Ja' me xapas a te bila leque. Te mach'a ya spas te bila leque, ja' me yu'un Dios abi. Yan te mach'a ya spas te bila amene, yu'un nanix ma yilojuc a te Diose.

Proverbios 25:2

Ja' yutsilal Dios te ay ta yo'tan te bitic muquen aye; soc ja' yutsilal te muc' ajwaliletic te ya sna'ic snopele.

Salmos 7:4

¿Yu'un bal jpasoj te bila amen ta stojol te mach'a lec bila spasojbone? ¿Yu'un bal yacon ta sleel yuts'inel te jcontroe?

1 Reyes 13:6

Ja' yu'un te muc' ajwalil la sc'opon te j'alwanej yu'un Dios, jich la yalbey: —Wocoluc c'oponbon te Dios awu'une, swenta yu'un ya me xlecub a te jc'abe —xi'. Te j'alwanej yu'un Dios la sc'oponbey te Diose. Te sc'ab te muc' ajwalil lecub, jich nix c'ot te bit'il ay ta neelal toe.

Hechos 16:28

Ja'uc me to, te Pablo jich la yal: —Ma me xamil aba. Jpisiltic li' ayotic to —xi' ta yawtayel.