San Lucas 6:26 - Bible in Tzeltal de Oxchuc y Tenejapa

²⁶ “¡Ya me awil awocolic ja'ex te lec nax ac'oplalic yu'un spisil te ants-winiquetique, melel te namey q'uinal me'il-tatiletic awu'unique jich nix lec sc'oplal la yalbeyic te lotil j'alwanejetique!

Nuevo Testamento Tzeltal de Amatenango

²⁶ Oꞌol me abaik jaꞌex te lek akꞌoplalik yuꞌun spisil te genteetike, yuꞌun te antibo smeꞌstatik te genteetik to jich lek skꞌoplal a yalbeyik euk te jlot-alwanejetike.

Bible in Tzeltal Bachajón

²⁶ ¡Ay me awocolic ha'ex te lec ac'oblalic yu'un spisil yantic! como hich la spasbeyic te lotil jalwanejetic te sme'statique.

San Lucas 6:26 Referans Kwoze

San Juan 15:19

Te junuc awo'tanic soc te mach'atic ayic ta swenta te balumilale, c'ux ya yaiyex te jichuque te bit'il jun ayex soque. Ja'uc me to, la jtsaex loq'uel tel ta yolilic. Ja' swentail te ya sp'ajex te mach'atic ayic ta swenta te balumilale.

Santiago 4:4

¡Jmulawil ants-winic! ¿Yu'un bal ma x'ana'ic te mach'atic jun yo'tan sba soc te balumilale ja' scontroinejic te Diose? Mach'auc a te jun yo'tan sba soc te balumilale, yu'un nanix ja' spasoj ta contro a te Diose.

San Mateo 7:15

“Tsajtaya me abaic yu'un te mach'atic lotil j'alwanejetique. Scuyoj sbaic ta chijetic yilel, ja'uc me to, pajalic soc jti'awal ja'mal ts'i'etic.

Miqueas 2:11

Teme ay mach'a ya sle ta yo'tan lot te jich ya yal: “Jo'on ya calbey sc'oplal vino soc tulan uch'balil”, teme xie, ja' me j'alwanej te ya smulanic te lum abi —xi' te Cajwaltique.

Isaías 30:10

Ya yalbeyic ta stojol te mach'atic ay bila ya yilique: —Ma me ayuc bila ya awilic-ya yutic. Soc ya yalbeyic ta stojol j'alwanejetic: —Ma me ayuc ya awalbotic te bila smelelil te ac'bilex ana'ic stojole. C'oponawotic ta lequil c'op, ma me x'apojbotic te bila ay ta co'tantic.

Jeremías 5:31

Te bila ya yalbey sc'oplal te j'alwanejetic ta sc'opique, lotil; te sacerdoteetic ja' ya yaq'uic ta pasel te bila ya smulanique. ¡Te lum cu'une jich nix ya sc'anic! Ja'uc me to, “¿bi ya apasic ja'ex c'alal ya xc'ot te slajibal c'aale?” uta me —xi' te Cajwaltique.

San Juan 7:7

Te mach'a ayic ta balumilal ma ba ya sp'ajex. Yan te jo'one ya sp'ajonic scaj te ya calbey ta jamal te amen te yat'elique.

Romanos 16:18

Melel te mach'atic jich yo'tanique, ma ja'uc yac'oj sbaic ta abatinel yu'un te Cajwaltic Jesucristoe. Ja' nax baem ta yo'tanic sleel te sbaal xch'ujt'ique. Bin nax yutsil ya xc'opojic, soc xcholchon nax yu'unic ta alel. Jich ya slo'laybey yo'tanic a te mach'atic ma sna'ic stsajtayel te aiyeje.

Proverbios 27:21

Te oro soc te plata ya yich'ic pasel prueba ta c'ajc'; ja' nix jich te ants-winiquetic ja' prueba ta stojolic teme lec sc'oplal yu'un te yantique.

San Lucas 6:25

“¡Ya me awil awocolic ja'ex te nojel ach'ujt'ic ta ora to, melel ya me awaiyic wi'nal! ¡Ya me awil awocolic ja'ex te ya stse'en awo'tanic ta ora to, melel ya me x'oq'uex yu'un te mel-o'tane!