San Lucas 6:25 - Bible in Tzeltal de Oxchuc y Tenejapa

²⁵ “¡Ya me awil awocolic ja'ex te nojel ach'ujt'ic ta ora to, melel ya me awaiyic wi'nal! ¡Ya me awil awocolic ja'ex te ya stse'en awo'tanic ta ora to, melel ya me x'oq'uex yu'un te mel-o'tane!

Nuevo Testamento Tzeltal de Amatenango

²⁵ Oꞌol me abaik jaꞌex te nojel achꞌujtꞌik te ora to yuꞌun ya me awilik wiꞌnal. Oꞌol me abaik jaꞌex te ya stseꞌnex te ora to, yuꞌun ya me xba okꞌanik yuꞌun te ajtal-oꞌtane.

Bible in Tzeltal Bachajón

²⁵ ¡Ay me awocolic ha'ex te nojel ach'uhtic ta ora ini! como ya me xwi'najex. ¡Ay me awocolic ha'ex te yacalex ta tse'ej ta ora ini! como ya me amel-awo'tanic soc ya me x'oq'uex.

San Lucas 6:25 Referans Kwoze

Isaías 65:13

Jich yu'un te Cajwaltic ya yal: —Te abatetic cu'un ay me swe'elic, yan te ja'ex ya xwoclajex ta wi'nal; te abatetic cu'un ay me ja' ya yuch'ic, yan te ja'ex ya xwoclajex ta taquinti'il; te abatetic cu'un bin nax me yo'tanic, yan te ja'ex ya xjilex ta q'uexlal;

Santiago 4:9

Mela awo'tanic soc oq'uetaya abaic. Te atse'ejique ac'a c'atp'ujuc ta oq'uel; te sbujts' awo'tanique ac'a c'atp'ujuc ta mel-o'tan.

Proverbios 14:13

Ay mach'a spasoj nax tulan ta tse'ej, ja'uc me to ay ta mel-o'tan; teme c'ax te yutsil yo'tane, ya xtal xan mel-o'tan ta stojol.

Apocalipsis 3:17

Melel te ja'ate jich ya awal: “C'ulejon te jo'one. Ju'ix cu'un tsobel bayal te jc'ulejale. Xujt' ma'yuquix jwocol”, te xaate. Ja'uc me to, ma x'ana' te ay bayal awocol soc te bayal yo'bolil aba ta q'uinale, xujt' ma'yuc bila ay awu'un te ma'sitate soc te t'analate.

1 Tesalonicenses 5:3

Yu'un te c'alal ay jich ya yalic te ants-winiquetique: “Lamal q'uinal, ma'yuc bi chican”, te xiic ta yalele, ja'uc me to, ajc' nax ora ya xtal lajel ta stojolic, jich te bit'il ajc' nax ora ya xjajch' swocol jtul ants yu'un te ya x'ayinix te yale. Jich ma xju' ya scoltay sbaic loq'uel tey a.

Efesios 5:4

Ma me xawalic bol c'op, soc te jowil c'ope, soc te bila ma ich'biluc swentail ta alele. Ja' lec bajt'uc me ta awo'tanic yalel wocol ta stojol te Diose.

San Lucas 13:28

Tey me ya awoq'uetay abaic a soc ya me ajets'ulay aweic yu'un te bit'il ya awilic te Abrahame, te Isaaque, te Jacobe, soc spisil te namey q'uinal j'alwanejetic te ochemic ta banti ay ta ajwalinel te Diose. Yan te ja'exe, ayex ta fuera atuquelic.

San Lucas 12:20

Jich albot yu'un te Diose: “Winic, ma x'ana' q'uinal. Ja' in ajc'ubal to ya me jc'anbat ach'ulel. Spisil te bila q'uejbil awu'une, ¿mach'a me ya yich'bat jilel?”, xi' te Diose.

San Lucas 8:53

La stse'layic te Jesuse, melel sna'ojic stojol te jc'axel lajemix te ach'ixe.

Nahúm 1:10

Melel jichic me te bit'il ch'ixetic te sts'otoj sbae, jich bit'il taquin ac, ya me xc'ajq'uic ta jc'axel.

Amós 8:10

Te q'uinetic ya jc'atp'un ta oq'uel yu'un te animaetique; soc te c'ayoj ya jc'atp'un ta oq'uel ta swenta sna'el te animae. Ya me cac' te ya alapic ch'ixal pac'; soc ya me at'axan ta joxel ajolic ta seña xc'uxul mel-o'tan. Jich me oq'uel ya spasic yu'un te bit'il mach'a ch'ayem te jip jtul snich'ane; spisilic me ya xwoclajic yu'un xch'aal mel-o'tan —xi'.

Isaías 28:7

Ay yantic sts'eunaj ta beel yu'un te vino soc ya xchuc sba yacan yu'un te tulan uch'balil, ja' te sacerdoteetic soc te j'alwanejetique, ya spasic ts'eunajel ta scaj te tulan uch'balil. Ya xbolobic yu'un te vinoe; ma xtojob ta beel yu'un te tulan uch'balil. Mero sts'eunajic a te c'alal ay bila ya x'ac'bot yilique, ayic ta yacubel te c'alal ya yaiyic chajbanwaneje.

Isaías 8:21

Te ants-winiquetic chican nax bay ya xbajt'ic ta juju-jmech', tenbilic me ta woclajel soc ta wi'nal; ta scaj te wi'nale, ya me yac' sc'ajc'al yo'tanic. Ya me yalbey bol sc'oplal te muc' ajwalil yu'unic soc te yajcananique. Ya me stoy moel yelawic ta toyol,

Eclesiastés 7:6

Te stse'ej te mach'atic ma sna'ic q'uinal ja' pajal soc te sc'op ch'ix c'alal yac ta c'ajq'uele, mero tojol nax ta jyalel.

Eclesiastés 7:3

Ja' lec te oq'uele; ma ja'uc lec te tse'eje. Manchuc me ya xbolob quelawtic yu'un oq'uel, pero xjamet ya xbajt' co'tantic yu'un.

Eclesiastés 2:2

Jich la jna' te jowil nax c'oem te tse'eje; soc ma'yuc swentail c'oem te smulanel yutsilal te q'uinale.

Proverbios 30:9

Melel teme ya spas sobrail, repente ya xch'ayat ta co'tan yu'un, ya niwan cal te ma jna'bat abae. Yan teme ayon ta wi'nal, ya niwan caiy elec' yu'un; soc jich ya jbolc'optaybat te ach'ul-biile.

Salmos 49:19

pero ya me sta yorail te ya xlaje, te ma'yuc bi ora ya yilix saquil q'uinale.

1 Samuel 2:5

Te mach'atic ay sobra swe'elic ta neelal to, yo'tic ya xbajt'iquix ta le-at'el swenta jxejt' pan; yan te mach'atic ay swi'nal ta neelal to, yo'tic ma'yuquix swi'nalic. Te ants te ma ba la yac' yal ta neelal to, yo'tic ac'botix tsobol yalatac yu'un Dios; yan te mach'a ay bayal yalatac, yo'tic ma'yuquix yutsil q'uinal ya yaiy.

San Lucas 6:24

“Yan te ja'ex te jc'ulejexe ¡ya me awil awocolic, melel muc'ubenix q'uinal ya awaiyic atuquelic!

San Lucas 6:26

“¡Ya me awil awocolic ja'ex te lec nax ac'oplalic yu'un spisil te ants-winiquetique, melel te namey q'uinal me'il-tatiletic awu'unique jich nix lec sc'oplal la yalbeyic te lotil j'alwanejetique!