San Lucas 6:23 - Bible in Tzeltal de Oxchuc y Tenejapa

²³ Binuc nax me awo'tanic yu'un te c'alal ya xc'ot ta pasel ta atojolique. Bayaluc me sbujts' q'uinal ya awaiyic yu'un, melel ya me xc'o awich'ic bayal awutsilalic ta ch'ulchan yu'un. Melel te namey q'uinal me'il-tatiletic yu'un in ants-winiquetic to, jich nix la spasbeyic te j'alwanejetic yu'un te Diose.

Nuevo Testamento Tzeltal de Amatenango

²³ Benuk me jun awoꞌtanik te kꞌalal ya xkꞌot ta pasel ta atojolike. Ben bujtsꞌanuk me kꞌinal ya awaꞌiyik yuꞌun. Porke ya me xkꞌo awichꞌik amajtanik ta chꞌulchan yuꞌun. Yuꞌun te antibo smeꞌ-statik te genteetik to jicha spasbeyik te jꞌalwanejetik yuꞌun te Diose.

Bible in Tzeltal Bachajón

²³ Bayeluc me yutsil awo'tanic yu'un ta hich ora soc tse'eluc me awo'tanic yu'un, como muc' te mahtanil awu'unic ta ch'ulchan; como hich la spasbeyic te jalwanejetic te sme'statique.

San Lucas 6:23 Referans Kwoze

Apocalipsis 21:7

Te mach'a ya xju' yu'un tsalawe, ya me cac'bey yu'unin spisil in to. Ja' Dios ya xc'oon yu'un, soc ja' jnich'an ya xc'ot stuquel.

Apocalipsis 3:12

Te mach'atic ya xju' yu'unic tsalawe, ja' me yoyalic ya xc'ot cu'un ta templo yu'un te Dios cu'une. Xujt' ma xloq'uic sbajt'el q'uinal tey a. Soc ya me jts'ibubey ta bay spatic te sbiil te Dios cu'une soc te sbiil te muc'ul lum yu'un te Dios cu'une, ja' te yach'il Jerusalén te ya xcoj tel ta ch'ulchan ta bay stojol te Dios cu'une. Soc ya me jts'ibubey ta bay spatic uuc te yach'il jbiile.

Apocalipsis 3:5

Te mach'atic ya xju' yu'unic tsalawe, ya me x'ac'bot slapic saquil sc'u'-spaq'uic, soc ma ba ya jtup'bey sbiilic ta bay te libro swenta cuxinele. Soc ya me calbey ta jamal sbiilic ta stojol te Jtate soc ta stojol uuc te ch'ul abatetic yu'une.

Hechos 5:41

Te jpuc-c'opetic loq'uic tel ta stojol te Muc'ul Tsobleje. Bayal sbujts' yo'tanic yu'un te bit'il Dios la yac' c'otuc ta swentaic te ya xc'ax swocolic ta uts'inel ta swenta te Jesuse.

San Mateo 5:12

Binuc nax me awo'tanic yu'un, soc ayuc sbujts' awo'tanic yu'un, te melel ya me x'ac'botex muc' amajt'anic ta ch'ulchan yu'un. Melel jich nix lajic ta uts'inel uuc te j'alwanejetic yu'un Dios te neel c'axemic ta q'uinale.

Apocalipsis 2:26

Te mach'atic ya xju' yu'unic tsalawe soc te ya yat'elinic spasel ja' to c'alal ta slajibal c'aal te bila ya sc'an co'tane, ya me cac'bey yich' yat'elic ta stojol te nacionetique,

Apocalipsis 2:17

Te mach'a ay xchiquine, ac'a me yaiy stojol te bila ya yal te Espíritu ta stojol te jch'uunjeletique. Te mach'a ya xju' yu'un tsalawe, ya cac'bey swe' te maná-waj te nac'bile. Soc ya cac'bey jp'ij saquil ton te ts'ibubil tey a te yach'il sbiil te ma'yuc mach'a ya sna' jtuluque. Ja' nax ya sna' stuquel te mach'a ya yich'e —xi'.

Apocalipsis 2:7

Te mach'a ay xchiquine, ac'a me yaiy stojol te bila ya yal te Espíritu ta stojol te jch'uunjeletique. Te jayeb mach'a ya xju' yu'un tsalawe, ya me cac'bey slo' te sit te' swenta cuxinel sbajt'el q'uinal, te ay ta bay yolil te yawal-sts'unub te Diose —xi'.

1 Pedro 4:13

Jich yu'un bayaluc me sbujts' awo'tanic yu'un uuc te bit'il ayex ta woclajele, jich bit'il woclaj stuquel te Cristoe. Jich me c'axem to xan ya xbujts'naj awo'tanic yu'un te c'alal ya xchicnaj tel soc yutsilal ya awilique.

Santiago 1:2

Quermanotac, ya sc'an te ay bayal sbujts' awo'tanic yu'un te c'alal ay bayal ta jchajp awocolic te ya xc'axex ta q'uinale.

Hechos 3:8

Te winique wil jajch'el ta ora, soc jajch' ta beel. Jich la sjoin ochel ta templo te Pedro te Juane. Yac ta beel ta wilel, soc yac ta yalel wocol ta stojol te Diose.

2 Crónicas 36:16

Ja'uc me to, la yich' stse'luyel te j'alwanejetic yu'un te Diose, la yilayic te bila albotic yu'une. La slabanic te j'alwanejetic yu'un, ja' to c'alal toy te yilimba Cajwaltic ta stojol te lum yu'une, jich ma'yuquix xpoxil c'ot smul te lume.

2 Samuel 6:16

Te c'alal c'ot yu'unic ta Lum-yu'un-David te cajón yu'un Cajwaltic, te Mical, te yantsil-nich'an Saúl, la yil ta ventana. C'alal la yil te muc' ajwalil David te yac ta wilel soc yac ta beel ajc'ot ta stojol te Cajwaltic, mero ma lecuc yo'tan yu'un.

Hebreos 11:26

La snop te ja' mero sc'ulejal ya xc'ot te bolc'optayel ya yich' te mach'atic tsabil yu'un te Diose. Ma ja'uc la sna'bey yutsil sc'ulejal te lum Egiptoe; ja' bajt' ta yo'tan te majt'anil ya x'ac'bot yu'un te Diose.

Hebreos 11:6

Ma xju' te lec yo'tan Dios cu'untic, ja' to teme ay xch'uunjel co'tantique. Melel ja' to ya xju' ya xnoptsajotic ta stojol Dios a teme jch'uunejtic te ay te Diose soc teme jch'uunejtic te ya yac'bey smajt'an te mach'atic ya xleot yu'unique.

2 Timoteo 2:12

Teme ts'ijc' cu'untic te jwocoltique, ya me join jbatic ta ajwalil soc. Teme la jmuc ta co'tantique, ya me smucotic ta yo'tan uuc.

Colosenses 1:24

Ta ora to ay sbujts' co'tan yu'un te bit'il yac ta c'axel jwocol ta awentaique. Yu'un jich me ya jts'actes xan ta jbaq'uetal ta bay ay to sc'an te ya xc'ax swocol Cristo yu'un te jch'uunjeletic, te ja' sbaq'uetale.

2 Corintios 12:10

Jich yu'un bin nax co'tan yu'un te ma'yuc quipe, soc te ayon ta bolc'optayele, soc te ma xwejt' te bila ya xtuun cu'une, soc te ayon ta uts'inele, soc te bit'il bayal ayon ta wocol ta swenta te Cristoe. Melel te c'alal ma'yuc quipe, ja' bayal bila ya xju' cu'un a.

Romanos 5:3

Soc ma jipuc nax a. Ja' nix jich toyoluc me co'tantic yu'un uuc te uts'inele, melel jna'ojtic stojol teme ay te uts'inele, tey ya xchicnaj a teme ya sts'ijc' cu'untique.

Hechos 14:10

Jich tulan la sc'opon: —Jajch'an. Toj xtec'lat soc te awacane —la yut. Te winique wil jajch'el ta ora. Jajch' ta beel.

San Lucas 6:35

Yan te ja'exe, c'ux me xawaiy ta awo'tanic te mach'atic ya scontroninexe. Pasbeyaic bila lec soc ac'beya smajanbat te bila ay awu'unique. Ma me x'ac'anbey sjol. Jich me bayal awutsilal ya awich'ic yu'un, soc jich me yal-snich'an ya xc'oex te ch'ul Dios te ay ta ch'ulchane. Melel ya xc'uxtay te mach'atic ma sna'ic yalel wocole soc te mach'atic amen yo'tanique.

San Lucas 1:44

Yu'un te c'alal la caiy stojol te jul apatbon co'tane, bayal sbujts' yo'tan la stij sba ta jch'ujt' te cale.

San Lucas 1:41

C'alal patbot yo'tan te Elisabete, la stij sba te alal te ay ta xch'ujt'e soc noj ta yo'tan te Ch'ul Espiritue.

Jeremías 2:30

Tojol la cac'bey castigo te anich'nabic, melel ma ba p'ijubic yu'un te p'ijubtesele. Ja'ex nix te jichex te bit'il c'ajc'al león-chojetic, la amilbonic te j'alwanejetic cu'un te c'opoj ta atojolique.

Isaías 35:6

Te mach'atic sicuben yacan ya me xcajic ta wilawetel, jichuc ja'mal chijetic; soc te mach'atic uma'etic ya me x'awunic. Te jochol taquin q'uinal ya me xt'om loq'uel tel ja', te tulan ya x'oquin.

Nehemías 9:26

“Pero la xc'axintayic te mandaliletic awu'une, la stoy sbaic ta atojol, la xch'ayic te mandaliletic awu'une. Soc la smilic te j'alwanejetic awu'une, te jamal albot smulic yu'une, te albot yu'un te yacuc sujt'ic xan ta atojole. Jich mero muc' bi la spasic ta atojol, jich la yaq'uic ilinuc awo'tan yu'un.

2 Reyes 6:31

Te muc' ajwalil jich la yal: —¡Ac'a yac'bon tulan castigo te Diose, teme ma ba ya jbojbey loq'uel sjol yo'tic te Eliseo snich'an Safat! —xi'.

1 Reyes 22:27

Albeyaic te jo'on ya cal mandal te ya yaq'uic ta chucjibal, soc ac'a yac'beyic swe' taquin waj soc jteb nax ja', ja' to te c'alal buen lec ayon a ya sujt'on tale —xi'.

1 Reyes 22:8

Te muc' ajwalil yu'un Israel jich la yalbey te Josafat: —Ay jtul xan te ya xju' ya sjojc'obotic ta stojol te Cajwaltique, ja' te Micaías te snich'an Imla. Mero ma jmulanbey sc'op, melel ma'yuc bi ora ya yalbon te bila leque, puro ma lecuc te bila ya yalbone —xi'. Pero jich albot yu'un te Josafat: —Ma xawal jich —xi' sc'oplal.

1 Reyes 21:20

Te Acab la sjac'bey te sc'op Elías: —¿Ja'at bal jiche te jcontroat te la ataone? —xi'. Te Elías jich la yal: —Jich, la jtaat. Melel puro amen bi ya apas ta sit te Cajwaltique.

1 Reyes 19:14

La sjac': —Mero bayal ac'oplal ya caiy ta co'tan, Cajwal te Diosat te Spisil ya xju' awu'une. Melel te jlumal israeletic la xch'ayix ta yo'tanic te bila chapal awu'un soque. La sbusq'uiniquix ta jinel te scajtijib ta chiq'uel amajt'ane, soc la smiliquix ta puñal te j'alwanejetic awu'une. Jtuquel xanix jilemon, pero ya sleonic yu'un ya smilonic uuc —xi'.

1 Reyes 19:10

La sjac' te Elías: —Mero bayal ac'oplal ya caiy ta co'tan, Cajwal Dios te Spisil ya xju' awu'une. Melel te jlumal israeletic la xch'ayix ta yo'tanic te bila achapoj soque. La sbusq'uiniquix ta jinel te scajtijib amajt'an te banti ya yich' chiq'uele, soc la smilic ta puñal te j'alwanejetic awu'une. Jtuquel xanix jilemon, pero ya sleonic yu'un ya slajinbonic jcuxlejal uuc —xi' te Elías.

1 Reyes 19:2

Te Jezabel la sticun ta alel te Elías: “Teme ja'at Eliasat, te jo'on Jezabelon. Ac'a yac'bon tulan castigo te diosetic, teme pajel ta jichilan ora te ma jichuc ya jpasbat uuc te bit'il la apasbey te j'alwanejetique”, xi'.

1 Reyes 18:4

Te c'alal te Jezabel jajch' smil te j'alwanejetic yu'un Cajwaltic, te Abdías la snac' ta cheb nailch'en jo'winic (100) ta jtul j'alwanejetic, cha'chajp la yac', lajlajuneb yoxwinic (50) ta jtul ta jujun nailch'en, la yac'bey swe'elic te bay c'alal tuun yu'unique.

Salmos 58:11

Ja' yu'un jich me ya yal: “Mero jich nix ya sc'an a te jun co'tantic ta stojol Dios ya x'ainotique, melel ay Dios te mero stojil ya xchajbanwan ta q'uinale”, xi' me.

Malaquías 4:1

Te Cajwaltic te Spisil ya xju' yu'un ya yal: —Yaquix ta talel sc'aalelal te xpulpon ta tilel jichuc sc'aal horno; spisil te toybaetic soc te mach'a amen yo'tanic, ya me xtilic jichuc ac ta yawil c'ajc'. Te bi c'aalil ya xtale ya me jchic'; ma'yuc jtuluc ya xjil ta jyalel.