San Lucas 6:21 - Bible in Tzeltal de Oxchuc y Tenejapa

²¹ “Bin nax me awutsilic ja'ex te ayex ta wi'nal ta ora to, te melel ya me xnoj ach'ujt'ic. “Bin nax me awutsilic ja'ex te yacalex ta oq'uele, te melel ya me stse'en awo'tanic.

Nuevo Testamento Tzeltal de Amatenango

²¹ Ben me tsaꞌam alekilik jaꞌex te ayex ta wiꞌnal te ora to, ben jun awoꞌtanik ya smakꞌlinelex. Ben me tsaꞌam alekilik jaꞌex te yipalex ta okꞌel te ora to, ta patil ya me stseꞌnex.

Bible in Tzeltal Bachajón

²¹ Bayel me awutsilic ha'ex te ayex ta wi'nal ta ora ini, como ya me xnoj ach'uhtic. Bayel me awutsilic ha'ex te yacalex ta oq'uel ta ora ini, como ya me stse'ejinex.

San Lucas 6:21 Referans Kwoze

San Juan 6:35

Jesús jich la yalbey: —Jo'on wajon yu'un te cuxlejale. Te mach'a ya xtal ta jtojole xujt' ma xwi'naj yo'tan; soc te mach'a ya xch'uunone, xujt' ma xtaquej yo'tan.

San Mateo 5:6

“Bin nax me yutsil te mach'atic ayic ta wi'nal soc te taquin yo'tanic yu'un te bila toj ta pasele, te melel ya me xnojesbot ta yo'tanic te bila leque.

Santiago 1:12

Bin nax yutsil te mach'a jun yo'tan ya xts'ijc' yu'un te swocole. Yu'un teme cujch' yu'un te swocole, ya me yich' corona swenta cuxlejal, ja' bi ja' te yaloj Dios te ya yac'bey spisil te mach'atic c'ux ta yo'tanic te Diose.

San Lucas 1:53

Te mach'atic ayic ta wi'nale, la snojesbeyix xch'ujt'ic ta lequil we'elil; yan te jc'ulejetique, jochol sc'abic la sticunix bael.

San Mateo 5:4

“Bin nax me yutsil te mach'atic ayic ta oq'uel, te melel ya me xmuc'tesbot q'uinal yaiyic yu'un te Diose.

Apocalipsis 7:16

Ma ba ya xc'axix swocolic ta wi'nal soc ta taquinti'il. Soc ma ba ya yaiybeyiquix xc'uxul te c'aale, soc ma ba ya xwoclajiquix yu'un te xq'uixnale.

San Lucas 6:25

“¡Ya me awil awocolic ja'ex te nojel ach'ujt'ic ta ora to, melel ya me awaiyic wi'nal! ¡Ya me awil awocolic ja'ex te ya stse'en awo'tanic ta ora to, melel ya me x'oq'uex yu'un te mel-o'tane!

1 Corintios 4:11

Xjajch'ibal to tel caiyojtic wi'nal soc taquinti'il, soc ma'yuc jc'u'-jpac'tic. Te jo'otique pac'bilotic ta majel, soc ma'yuc bay junajem jnatic ta lec.

San Juan 4:10

Te Jesús la yalbey: —Te lajuc ana' stojol te majt'anil yu'un te Diose, soc te lajuc ana'bey sba te mach'a la sc'anbat ja'e, ja'at la ac'anbon te jichuque. Jich me ya cac'bat te ja' te cuxul stuquele —xi'.

Jeremías 31:9

Ya me xtal sc'opononic soc oq'uel. Jo'on ya quic' bael ta beja'etic soc ta pamal be, ta bay ma sc'ojch'in te yacanique. Melel jo'on Staton te Israele, soc te jnich'an Efraín, te ja' banquilale.

Isaías 30:19

Lum Sión te nainemex ta Jerusalén, ma ba ya x'oc'atix. Te Cajwaltic ya sna'bat yo'bolil aba c'alal ya yaiybat awaw ta sc'anel coltayel yu'une, ora nax ya sjac'bat teme c'ot ta stojole.

Salmos 107:9

Melel ja' ya yajts'esbey yo'tanic te mach'atic taquin yo'tanic, soc ya yac'bey bayal swe'elic te mach'atic ay swi'nalique.

Salmos 17:15

Yan te jo'one jamal ya cal ta melel: tic' a te bit'il ya quilbey jba jsitic, te ya quilat te c'alal ya xwijc' te jsite.

Génesis 21:6

Jich la yal ta yo'tan te Sara: “Dios la yac' tse'enucon yu'un, soc jich me ya xbujts'naj yo'tanic spisil mach'atic ya yaiyic stojol te ayix ch'in alal cu'une.

Génesis 17:17

Te Abraham la stinan sba coel c'alal ta lum ta stojol te Diose. Jajch' ta tse'ej yu'un, jich la yal ta yo'tan: “¿Ban c'an taluc xan snich'an te mach'a mamalixe, te ayix jo'winic (100) ya'wilale? Soc ¿bit'il c'an alajuc te Sara, te lajuneb yo'winic (90) ya'wilale?”, xi' ta yo'tan.

Apocalipsis 21:3

Soc la caiy stojol te ay mach'a tulan c'opoj tel ta ch'ulchan te jich la yale: “Aiya awaiy stojol, Dios nainemix ta yolil te ants-winiquetique. Ayix sna ta yolilic. Ja' me lum yu'un Dios ya xc'otic, soc ja' nix Dios ya xc'ot yu'unic te Diose.

2 Corintios 12:10

Jich yu'un bin nax co'tan yu'un te ma'yuc quipe, soc te ayon ta bolc'optayele, soc te ma xwejt' te bila ya xtuun cu'une, soc te ayon ta uts'inele, soc te bit'il bayal ayon ta wocol ta swenta te Cristoe. Melel te c'alal ma'yuc quipe, ja' bayal bila ya xju' cu'un a.

2 Corintios 11:27

C'axix jwocol ta lubel ta at'el ta jc'ab. Ay ma wayon xujt'uc. Ay c'ax jwocol ta wi'nal soc ta taquinti'il. Bayal buelta la jcom jwe'el. Soc ay c'ax jwocol ta sic yu'un ma ba wejt' lec te jc'u'-jpaq'ue.

2 Corintios 6:10

Manchuc teme ay mel-o'tan ta co'tantique, ja'uc me to, ay sbujts' co'tantic spisil ora. Manchuc teme me'baotique, ja'uc me to, ay tsobol mach'atic jc'ulejetic ya xc'ot cu'untic. Manchuc teme ma'yuc bila ay cu'untique, ja'uc me to, spisil cu'uninejtic.

San Juan 11:35

Oc' te Jesuse.

Ezequiel 9:4

jich la yalbey: —Beentaya te Jerusalén, ac'beya seña ta sti'ba te mach'atic ya smel yo'tanic yu'un, te bitic ilaybil sba te yac ta c'oel ta pasel yu'un te slumalique —xi'.

Ezequiel 7:16

Manchuc me ay ya xcolic ta anel ta witstiquil, jich te bit'il ya xbajt' ta anel ta witstiquil yu'un xiwel te stsumutetique, pero spisil me ya xlajic ta scaj te smulique.

Jeremías 31:25

Ya me cac'bey bayal swe'el yuch'elic te mach'atic lubenic soc te ma'yuquix yipique —xi'.

Jeremías 13:17

Teme ma x'awaiybeyic stojole, ya me x'oc'on ta muquen ta scaj te atoybailique; ya me x'oquin te ya'lel jsite, melel ya yiq'uic bael ta mosoil te jtsojp chijetic yu'un te Cajwaltique.

Jeremías 9:1

Te ja'uc sloq'uibja' te jsite, te jichuque, tulan ya x'oquin te ya'lel jsit, ta swenta yoc'tayel c'aal ajc'ubal te animaetic yu'un te jlumale.

Isaías 66:10

Binuc nax me awo'tanic soc Jerusalén, nojuc me yutsil awo'tanic yu'un, ta apisilic ja'ex te c'ux ya awaiyique; jun nax me ya awac' abaic yu'un te yutsil awo'tanic ta apisilic, ja'ex te ay oq'uemex yu'une.

Isaías 25:6

Ta wits Sión te Cajwaltic te Spisil ya xju' yu'un ya me xchajbanbey spisil te nacionetic, te buen muc' we'elil soc vinoetic te ayix c'aal pasbile, te buen bujts'anic te we'elile, soc te mero tsabilic te lequil vinoetique.

Salmos 143:6

Ya jtoy moel jc'ab ta atojol; taquejemix co'tan yu'un te ma jtaate, jich c'oemonix ya caiy te bit'il taquin lume.

Salmos 119:136

Pajalix soc yocja' te ya'lel jsit yac ta loq'uel, yu'un ma x'ich'ot ta muc' te p'ijubtesel awu'une.

Salmos 65:4

Bin nax me yutsil te ants-winic te ya atsa soc te ya awic' bael ta nainel ta ats'eel tey ta banti templo awu'une. Nojesa co'tantic a te bila bayal yutsil ta ana, ja' te ch'ul templo awu'une.

Salmos 28:7

Te Cajwale ay yu'el soc ja' jmajq'uil stuquel; jelawen to xan la smuc'ulin co'tan, jich la scoltayon. Bin nax co'tan yu'un; ya jc'ajintay soc ya calbey wocol yu'un te Cajwale.

San Lucas 6:20

Te Jesús la yilbey sit te jnopojeletic yu'une, jich la yal: —Bin nax me awutsilic ja'ex te me'baexe, te melel ya me x'ochex tey a ta banti ay ta ajwalinel te Diose.

San Lucas 6:22

“Bin nax me awutsilic ja'ex teme ayex ta ilayel yu'un te ants-winiquetique, soc teme ya stenex loq'uele, soc teme ya sbolc'optayexe, soc teme ya sp'ajex te bit'il amenex ta sc'opic ta scaj te Nich'anile.