Biblia Todo Logo
Bib sou entènèt

- Piblisite -




San Lucas 6:20 - Bible in Tzeltal de Oxchuc y Tenejapa

20 Te Jesús la yilbey sit te jnopojeletic yu'une, jich la yal: —Bin nax me awutsilic ja'ex te me'baexe, te melel ya me x'ochex tey a ta banti ay ta ajwalinel te Diose.

Gade chapit la Kopi

Nuevo Testamento Tzeltal de Amatenango

20 Te Jesuse la skꞌeluy te jnopojeletik yuꞌune, jich a yaltalanbe: —Ben me tsaꞌam alekilik jaꞌex te meꞌbaꞌexe, porke jaꞌ ajwalilix awuꞌunik te Diose.

Gade chapit la Kopi

Bible in Tzeltal Bachajón

20 Jesús la shach sit, la yil bahel te jnopojeletic yu'un, hich la yal: Bayel me awutsilic ha'ex te pobrehex, como ha awu'unic te cuentahinel yu'un Dios.

Gade chapit la Kopi




San Lucas 6:20
35 Referans Kwoze  

Quermanotac te bayal c'uxex ta co'tane, aiya awaiyic stojol in to: ¿Ma bal ja'uc tsabilic yu'un Dios te mach'atic me'ba ayic li'to ta balumilale? Melel ja' sc'ulejalic ya xc'ot te ay xch'uunjel yo'tanique, soc te ya x'ac'bot ainuquic tey a ta bay ay ta ajwalil te Diose, jich te bit'il yalojbey sc'oplal spisil te mach'atic c'ux ya yaiyic ta yo'tanic te Diose.


Melel ana'ojiquix te bit'il ay yutsil yo'tan te Cajwaltic Jesucristoe. Manchuc teme ay sc'ulejale, ta swenta xc'uxul yo'tan awu'unic te la sc'atp'un sba ta me'ba, swenta yu'un jich me ya yac'beyex ac'ulejalic ta swenta bit'il la yac' sba ta me'ba stuquel.


“Ma me xiwex ja'ex te chijex cu'un te ma tsoboluquexe. Melel te Jtatique bin nax yo'tan ya yaq'uex tey a ta banti ay ta ajwalinel te Diose.


“Jich yu'un te muc' ajwalile ya me yalbey te mach'a ayic ta swa'el sc'abe: “La'ic te ja'exe te bin nax awutsilic ta stojol te Jtate. Ochanic, u'uninaic te utsilal te chajbanbil ta awentaic ta xjajch'ibal to tel balumilal.


Jo'on quilojbat spisil te awat'ele. Soc quiloj te bit'il ayat ta uts'inele, soc te ma'yuc bi ay awu'une. (Ja'uc me to, ay ac'ulejal.) Soc te ayat ta toybac'optayel yu'un te mach'atic scuyoj sbaic ta judioe, ja'uc me to, ma ja'uquic, melel ja' nainbil yo'tanic yu'un te Satanase.


Manchuc teme ay mel-o'tan ta co'tantique, ja'uc me to, ay sbujts' co'tantic spisil ora. Manchuc teme me'baotique, ja'uc me to, ay tsobol mach'atic jc'ulejetic ya xc'ot cu'untic. Manchuc teme ma'yuc bila ay cu'untique, ja'uc me to, spisil cu'uninejtic.


Ya quijq'uitaybat jilel mach'atic peq'uel yac'oj sbaic, te ma'yuc bila ay yu'unic, te ya smuc'ulinon yo'tanique.


Te mach'atic peq'uelic ya me xcha'bujts'naj bael yo'tanic ta stojol te Cajwaltique; te mach'atic me'baetic ya me xbujts'naj yo'tanic ta swenta te Ch'ul Dios yu'un Israel.


Bin nax yutsil te mach'a jun yo'tan ya xts'ijc' yu'un te swocole. Yu'un teme cujch' yu'un te swocole, ya me yich' corona swenta cuxlejal, ja' bi ja' te yaloj Dios te ya yac'bey spisil te mach'atic c'ux ta yo'tanic te Diose.


Ja' in to ja' ya yac' ta ilel te bit'il stojil te chajbanel yu'un te Diose, melel ya yac' x'ainex tey a ta banti ay ta muc' ajwalil te Diose. Ja' swentail te ay awocolic ta ora to.


Te ja'exe la anopbotic te co'tantic, soc la anopbeyic yo'tan uuc te Cajwaltique. La awich'ic ta muc' te Sc'op Diose, manchuc teme la ata bayal awocolic ta controinel yu'une, soc la ataic bayal sbujts' awo'tanic yu'un ta swenta te Ch'ul Espiritue.


Ay bayal sbujts' yo'tanic, manchuc teme c'axix bayal yaiyjibal yo'tanic ta controinele. Soc manchuc teme mero me'ba ayique, ja'uc me to, c'ax bayal la stsobic te coltayele, jich c'oem te bit'il ay sc'ulejalic yilele.


Te banti c'axique, la yac'bey yip yo'tanic te jnopojeletique, soc la yalbey yaiyic te jc'axel ac'a yac' xch'uunjel yo'tanic. Soc la yalbeyic te puersa me ya xc'ax jwocoltic ta jpisiltic te ya x'ochotic ta banti ay ta ajwalinel te Diose.


Ay jtul winic te pajal nacal ta mesa soc te Jesuse te c'alal la yaiy stojol te bila la yale, jich la yal: —Bin nax me yutsil te mach'a ya x'ic'ot ta we'el ta banti ay ta ajwalinel te Diose —xi'.


Tey me ya awoq'uetay abaic a soc ya me ajets'ulay aweic yu'un te bit'il ya awilic te Abrahame, te Isaaque, te Jacobe, soc spisil te namey q'uinal j'alwanejetic te ochemic ta banti ay ta ajwalinel te Diose. Yan te ja'exe, ayex ta fuera atuquelic.


“Te Espíritu yu'un te Cajwaltique julix ta jtojol, yu'un tsabilon yu'un ta yalel te lec yach'il c'op ta stojol te me'baetique. Ticunbilon tel ta scoltayel te mach'atic ay swocolic ya yaiyic ta yo'tanique, soc te ya calbey yaiyic te bit'il ya xcolic ta libre te mach'atic ayic ta chuquele, soc te ya jambey sitic te ma'sitetique, soc te ya jcoltay ta libre te mach'atic mosoinbilique,


Cholbeya yaiy te yac ta jamel sit te ma'sitetique, soc te yacalic ta lecubel te coxoetique, soc yacalic ta lecubel sbaq'uetal te jc'a'el-chameletique, soc yacalic ta jamel xchiquin te jcojq'uetique, soc yacalic ta cha'cuxel te animaetique, soc yaquix ta cholel ta stojol me'baetic te lec yach'il c'ope.


Jich sc'aalelal jin jilel te trato. Te jmanbajeletic yu'un chijetique, ya yilonic, la sna'ic te ja' nix te Cajwaltic yac ta c'op c'oem tey a te bila yacon ta spasele.


Jo'on jpasoj spisil te bitic aye, jich a chicnajic jajch'el. Jo'on Ajwalilon tulan ya cal. “Te mach'a yacon ta sna'el, ja' te me'ba te ay swocole, te yich'ojbon ta muc' te jc'ope.


Manchuc me me'baotic, teme lec te co'tantique; ja' ma lecuc teme ma jna'tic q'uinal, soc teme jle-c'opotique.


Ja' lec pajal peq'uel ya cac' jbajtic soc te mach'atic me'baetique; ma lecuc teme ya jpucbey jbajtic spojbil c'ulejalil te mach'atic jtoybaetique.


Dios ya stam ta lum te me'bae, c'alal ta xch'ayjibal c'a'pal ya sjaches te mach'a ay ta wocole, soc ya yac' snajc'an sba ta yolil te mach'atic muc' sc'oplalic, ya yac'bey ta yawil te mach'atic ich'bilic ta muq'ue. Melel te Cajwaltic ja' yu'un te bit'il ipajem te lumq'uinale, tey la snajc'an a te balumilale.


“Te Abrahame la yal: “Jnich'an, na'a te lec nax c'axat ta q'uinale. Yan te Lázaro, ay bayal swocol c'ax ta q'uinal stuquel. Ta ora to, ma'yuquix swocol li'to. Yan te ja'ate, ayatix ta tulan castigo atuquel.


Manchuc me jtebuc nax sbiluc te mach'a lec yo'tane, pero buen lec me stuquel; yan te bayal sc'ulejal te mach'atic amen yo'tanique, ma'yuc swentail stuquel.


Jesús la yil te ay bayal te ants-winiquetique. Jich mo bael ta wits. Tey c'o najc'ajuc a. Jich la stsob sbaic tel ta stojol te jnopojeletic yu'une.


Swiv nou:

Piblisite


Piblisite