San Lucas 5:38 - Bible in Tzeltal de Oxchuc y Tenejapa

³⁸ Jich yu'un te yach'il vinoe ya sc'an ya yich' pulel ta ach' nujc'ul. Jich me ya xtuun ta xchebalic.

Nuevo Testamento Tzeltal de Amatenango

³⁸ Por eso ya skꞌan te achꞌ nujkul ya yichꞌ pulel a te achꞌ binoe. Jich me ya xtuun ta xchebal a.

Bible in Tzeltal Bachajón

³⁸ Te yach'il vino ya sc'an ya yich' pulel ta yach'il nuhcul, hich lec ya xhil schebal.

San Lucas 5:38 Referans Kwoze

2 Corintios 5:17

Jich yu'un, te mach'a jun nax c'oemix soc te Cristoe, yach'il ants-winiquix. Jilemix spisil te spocol cuxlejale. Ta ora to, la yich'ix ach'ubtesel ta spisil.

Ezequiel 36:26

Ya me cac'beyex yach'il awo'tanic, ya me cac'beyex yach'il acuxlejalic. Ya me jloq'uesbeyex te awo'tanic te pajal soc tulanil ton, ya me cac'beyex awo'taninic c'unil-o'tanil.

Apocalipsis 21:5

Soc jich la yal te mach'a nacal ta muc'ul nactijibale: “Ila me awilic, ya jpasix ta yach'il spisil te bitic aye”, xi' la caiy. Soc jich la yalbon: —Ts'ibuya ta jun te bila la cale. Ja' in to, ja' te smelelil c'op te ya xju' ya xch'uun awo'tane —la yuton.

1 Timoteo 4:8

Melel ma'yuc lec swentail teme ay bila ya c'ajtes jbaq'uetaltic ta spasele. Yan teme ya c'ajtes jbatic ta xch'uunel te Diose, ja' ay bayal sc'oplal stuquel, te melel ya me xcuxinotic yu'un li'to ta balumilal soc ta sbajt'el q'uinal.

Gálatas 2:4

Ay lotil quermanotactic te jich nax ochic tel ta coliltic te banti ayotique, yu'un talemic ta tsajtaywanej tey a ta banti jtsoboj jbajtic. Yo'tanuc te yacuc yac'otic xan ta mosoil te bit'il libre colemotic ta swenta bit'il jun ayotic soc te Cristo Jesuse.

San Mateo 9:17

Ja' nanix jich ma'yuc mach'a ya spul yach'il vino ta pocol snujc'ulel chambalam te ts'isbile. Teme jich ya yich' pasele, ya me xt'om te nujc'ule. Jich me tojol ya xch'ay te vino soc te pocol nujc'ule. Jich yu'un ya sc'an te yach'il nujc'ul ya yich' pulel te yach'il vinoe. Jich ay stuul ta xchebalic ya xc'ot —xi' te Jesuse.

San Lucas 5:37

Soc ja' nanix jich ma xju' ya yich' pulel ach' vino ta pocol snujc'ulel chambalam te ts'isbile. Teme jich ya yich' pasele, te ach' vinoe ya xt'om yu'un te pocol nujc'ule. Jich ma xtuunix ta xchebalic.

San Lucas 5:39

Soc te mach'a c'aem ta yuch'el te pocol vinoe, ma smulan yuch'el te yach'ile. Yu'un ya yal te ja' lec stuquel te pocol vinoe —xi' te Jesuse.