San Lucas 5:35 - Bible in Tzeltal de Oxchuc y Tenejapa

³⁵ Ja'uc me to, ya nax sta yorail ya x'ic'ot loq'uel ta yolilic te winic te nujbinixe. Ja' to me ya xjajch' spasulayic ayuno abi —xi'.

Nuevo Testamento Tzeltal de Amatenango

³⁵ Pero ya me sta yorail te ya xꞌikꞌot lokꞌel te machꞌa nujpunixe. Jaꞌto me ya xlijk skomilan sweꞌelik a —xchi.

Bible in Tzeltal Bachajón

³⁵ Pero ya me sta yorahil ya xpojbotic bahel te mach'a nuhpune, ta hich ora ya scom swe'elic, xchi.

San Lucas 5:35 Referans Kwoze

San Lucas 17:22

Soc la yalbey te jnopojeletic yu'une: —Ya me sta yorail te awo'tanuc yacuc awilic te Nich'anile manchuc teme ja' nax jun c'aale, ja'uc me to, ma ba ya awilic.

2 Corintios 11:27

C'axix jwocol ta lubel ta at'el ta jc'ab. Ay ma wayon xujt'uc. Ay c'ax jwocol ta wi'nal soc ta taquinti'il. Bayal buelta la jcom jwe'el. Soc ay c'ax jwocol ta sic yu'un ma ba wejt' lec te jc'u'-jpaq'ue.

1 Corintios 7:5

Ma me wocoluc xawac'bey abaic. Ja' nax teme ay ya achap ac'opic ta achebalic te jayeb c'aal te ma ba ya ac'opon abaique, swenta yu'un jich me ya awat'elinic sc'oponel te Diose. Teme loq'uix te jich yipal c'aal te la achapique, joina me abaic ts'iin, swenta yu'un ma me teyuc ya xlajex ta lo'layel yu'un a te Satanás, te bit'il ma xju'ix awu'unic te ya acom abaique.

Hechos 14:23

Soc la sleic jilel te mach'atic la yac'beyic yat'el ta ancianoil ta bay juju-jtsojp jch'uunjeletique, soc la spasic ayuno ta sc'oponel Dios. Jich te Pablo soc te Bernabé la yaq'uic jilel ta sc'ab te Cajwaltic te xch'uunejiquixe.

Hechos 3:21

Ya sc'an te ya to x'ain xan ta ch'ulchan te Jesucristoe, ja' to teme la sta yorail yu'un Dios te ya xchajban ta yach'il spisil te bitic aye, melel jich nix yalojix ta swenta sti' te ch'ul j'alwanejetic yu'un te namey c'axic ta q'uinale.

Hechos 1:9

Te c'alal laj yo'tan ta yalel in to, la yilic ic'ot moel ta ch'ulchan. Potsol bael ta tocal, tup' bael ta sitic.

San Juan 16:28

Loc'on tel ta stojol te Jtate, talon ta balumilal. Yan buelta ya quijq'uitayix te balumilale, ya sujt'onix bael ta stojol te Jtate —xi' te Jesuse.

San Juan 13:33

Cal-jnich'nab, ma ba jalix c'aal te ya joinexe. Ya aleonic, ja'uc me to, jich nix ya calbeyex te bit'il la calbey te judioetique, ma xju' ya xbaex tey a ta bay ya xboone.

San Juan 12:8

Melel te me'baetique spisil ora ay ta awolilic stuquelic, yan te jo'one, ma spisiluc ora te ya joinexe —xi'.

Zacarías 13:7

Te Cajwaltic te Spisil ya xju' yu'un jich ya yal: —Puñal, jajch'an ta swenta scontroinel te jcanan cu'une, swenta scontroinel te abat cu'une. Mila te jcanane, te chijetic ya me xpujq'uic bael, te jo'one ya me x'ochon ta scontroinel te alal chijetique.

Daniel 9:26

C'alal ya xc'ax te cheb xchanwinic (62) semana, ya me smilic te ch'ul jwentainwaneje. Te Jerusalén ya me yich' lajinel soc ya me yich' lajinel uuc te templo, ja' me ya slajin te swinictac te muc' ajwalil ya xtale. Te slajibale ora me ya xc'ot ta pasel, jich me ya xtal te bit'il snojel ja'; ja' to me c'alal slajibal te guerra soc te jinele, ja' te chapal nix sc'oplal ae.

Isaías 22:12

Te bi c'aalil ya cale, te Cajwaltic te Spisil ya xju' yu'une, la yiq'uex ta oq'uel soc ta mel-o'tan, te ya ajox loq'uel stsotsil ajolique, soc te ya alapic te ch'ixal paq'uetic.

San Mateo 9:15

La yal te Jesuse: —¿Ya bal xju' ya smel yo'tan te mach'atic ic'bilic ta il-nujbinel teme sjoinej to sbaic soc a te winic ya xnujbine? Ja'uc me to, ya me sta yorail te ya x'ic'ot loq'uel ta yolilic te winic te nujbinixe. Ja' to me ya xjajch' spasic ayuno abi.

San Marcos 2:20

Ja'uc me to, ya me sta yorail te ya x'ic'ot loq'uel ta yolilic te winic te nujbine. Ja' to me ya xjajch' spasulayic ayuno abi.

San Lucas 5:34

Te Jesús jich la yalbey yaiyic: —¿Ya bal xju' ya awac'bey spasic ayuno te mach'a ic'bil ta il-nujbinele, teme sjoinej to sba soc te winic ya xnujbine?

San Lucas 5:36

Soc jajch' yalbey seña-c'op: —Ma'yuc mach'a ya set' loq'uel xejt'uc ach' c'u'ul te ya spac'antay te pocol c'u'ule. Teme jich ya spase ya yac' ch'ayuc te ach' c'u'ule. Ja' nanix jich te xejt'elul ach' paq'ue, ma snujp'in sba soc te pocol c'u'ule.