San Lucas 5:33 - Bible in Tzeltal de Oxchuc y Tenejapa

³³ La sjojc'obeyic te Jesuse: —Te jnopojeletic yu'un te Juane, bayal buelta la spasic ayuno ta sc'oponel te Diose. Soc ja' nanix jich uuc te jnopojeletic yu'un te fariseoetique. Yan te jnopojeletic awu'une, ¿bi yu'un te ma spasic ayuno stuquelic? —xiic.

Nuevo Testamento Tzeltal de Amatenango

³³ La yalbeyik xan te Jesuse: —Te jnopojeletik yuꞌun te Juane talel bael ya skomilan sweꞌelik ta skꞌoponel te Diose, y jich euk te jnopojeletik yuꞌun te fariseoetike. Pero te jnopojeletik awuꞌune ya xweꞌ-xꞌuchꞌajik ya kiltik —xchiik.

Bible in Tzeltal Bachajón

³³ Ha yu'un hich la yalic: ¿Bin yu'un te jnopojeletic yu'un Juan bayel buelta ya scom swe'elic soc ya sc'oponic Dios, soc ha nix hich ya spasic te jnopojeletic yu'un te fariseohetic, yan te jnopojeletic awu'un ya xwe' x'uch'ic stuquelic? xchihic.

San Lucas 5:33 Referans Kwoze

San Lucas 20:47

Soc ya spojbey sna sbiluc te me'ba antsetique. Ja'uc me to, jal ya sc'oponic Dios ta comonsitil, yu'un jich me ya xcuyotic ta lec. Ja'ic te c'axem to xan castigo ya x'ac'botique —xi' te Jesuse.

San Lucas 18:12

Te jo'one ya jcom jwe'el cheb buelta jujun semana soc ya cac'bat jun ta slajunebal te bila ya jtae”, xi'.

Hechos 9:11

Jich albot yu'un te Cajwaltique: —Jajch'an, baan ta bay Toj Calle xi' te sbiile. Baan lea ta bay sna Judas jtul winic te Saulo sbiil te talem ta lum Tarso. Tey yac ta sc'oponel Dios ya xc'o ata,

San Juan 3:25

Te jnopojeletic yu'un te Juane, jajch' c'op yu'unic soc te jwolwanej-judioetique ta swenta te bit'il ay sc'oplal te utstesele.

San Juan 1:35

Ta yan xan c'aal tey nanix ay a te Juane. Sjoinej te cheb jnopojeletic yu'une.

San Lucas 11:1

Ay jun buelta te c'alal laj yo'tan ta sc'oponel Dios te Jesuse, ay jtul jnopojel te jich la yal: —Cajwal, p'ijubtesawotic ta sc'oponel Dios uuc jich bit'il te Juan la sp'ijubtes te jnopojeletic yu'une —xi'.

San Marcos 12:40

Soc ya spojbeyic sna sbiluc te me'ba antsetique. Ja'uc me to, jal ya sc'oponic Dios ta comonsitil, yu'un jich me ya xcuyotic ta lec. Ja'ic me te c'axem to xan castigo ya x'ac'botique —xi' te Jesuse.

San Mateo 23:13

¡Ya me awil awocolic jts'ibojometic, fariseoetic te cha'lam awo'tanique! Melel amacojiquix ta llave c'oem te sti'il ta banti ay ta ajwalinel te Dios te ay ta ch'ulchane. Ma ba ya x'ochex tey a te ja'exe, soc ma xawaq'uic ochel te mach'atic ya sc'an ya x'ochic tey a. [

Zacarías 7:6

melel te c'alal ya xwe'-x'uch'exe, ja'ex nix ya apasic ta swenta awutsil-alequilic”, uta me —xi'.

Isaías 1:15

Te c'alal ya atoy ac'abic ta ac'oponbelone, ya jq'uej bael jsit ta atojolic; manchuc me bayal ya xc'opojex, ma ba ya caiybeyex stojol. Ts'ilajem ac'abic yu'un ch'ich'.

Proverbios 28:9

Te mach'a ma sc'an xch'uunbey smandal te Diose, ma stsacbot sc'op te c'alal ya sc'opone.

San Lucas 2:37

Ayix chane'yo'winic (84) ja'wil ya'wilal te jilem ta me'ba antse. Spisil ora ay ta templo. C'aal ajc'ubal la spas ayuno ta sc'oponel te Diose.

San Lucas 5:32

Melel ma ja'uc tal quic' te mach'atic tojique. Ja' tal quic' te jmulawiletic te ya sujt'es yo'tanic ta stojol te Diose —xi'.

San Lucas 5:34

Te Jesús jich la yalbey yaiyic: —¿Ya bal xju' ya awac'bey spasic ayuno te mach'a ic'bil ta il-nujbinele, teme sjoinej to sba soc te winic ya xnujbine?