San Lucas 5:32 - Bible in Tzeltal de Oxchuc y Tenejapa

³² Melel ma ja'uc tal quic' te mach'atic tojique. Ja' tal quic' te jmulawiletic te ya sujt'es yo'tanic ta stojol te Diose —xi'.

Nuevo Testamento Tzeltal de Amatenango

³² Ma jaꞌuka tal kikꞌ te machꞌatik lek ayik ta skꞌopike. Jaꞌa tal kikꞌ te jmulawiletike yuꞌun ya sujtes yoꞌtanik yuꞌun te smulike —xchi.

Bible in Tzeltal Bachajón

³² Ma ba tal quic' te mach'atic tojic ta winiquil, ha tal quic' te mach'atic jmulawiletic yu'un ya suhtes yo'tanic yu'un te smulique, xchi.

San Lucas 5:32 Referans Kwoze

San Lucas 19:10

Melel te Nich'anile tal sle soc tal scoltay te mach'atic ch'ayeme —xi' te Jesuse.

San Lucas 15:10

Ya calbeyex te jich nix bin nax yo'tanic te ch'ul abatetic yu'un Dios ta ch'ulchan teme ya sujt'es yo'tan yu'un smul te jtul jmulawile —xi' te Jesuse.

San Lucas 15:7

Jich yu'un ya calbeyex, te c'ax jich ay sbujts' yo'tanic te mach'atic ayic ta ch'ulchan te c'alal ya sujt'es yo'tan yu'un smul te jtul jmulawil, te bit'il balunlajuneb yo'winic (99) ta jtul te toj yo'tanic ta stojol Dios, te ma yejt'aluc ya sujt'es yo'tanic yu'un te smulique.

Hechos 3:19

Jich yu'un sujt'esa awo'tanic ta stojol te Diose, soc ch'uunaic. Jich me ya stup'beyex te amulique. Jich me ya sta yorail te ya yac'beyex xan yip awo'tanic te Diose

San Lucas 24:47

Soc ja' ta swenta te ya yich' alel ta bay chajbalchajp nacionetic te ya sujt'es yo'tanic yu'un te smulique, swenta yu'un jich me ya spasbotic perdón yu'un. Tey me neel ya xjajch' ta alel ta bay Jerusalén.

Hechos 17:30

Te Diose, ma'yuc bila la yal yu'un te jich yipal c'aal ayiquix tel te ants-winiquetic te bit'il ma la sna'ic stojole. Yan ta ora to, ya spasix ta mandal spisil ants-winiquetic ta bayuc te ya sujt'es yo'tanique.

2 Pedro 3:9

Ma yu'unuc jal c'aal xan ma xc'ot sc'op yaloj te Cajwaltique, jich bit'il ay mach'atic te jich scuyojique. Scaj nax yu'un te ya smaliyotique, melel ma sc'an teme ay mach'a ch'ayel ya xbajt'e. Ja' ya sc'an te yacuc sujt'es yo'tanic ta stojol te Diose.

Hechos 2:38

La yal te Pedroe: —Sujt'esa awo'tanic ta stojol Dios, soc ac'a abaic ta ich'ja' juju-jtulex ta swenta sbiil te Jesucristoe. Jich me ya spasbeyex perdón yu'un te amulique, soc jich me ya yac'beyex te Ch'ul Espiritue.

Hechos 20:21

Jamal la calbey yaiy te judioetique soc te jyanlumetique, te ya sc'an ya sujt'es yo'tanic ta stojol Dios soc te ya yac' xch'uunjel yo'tanic ta stojol te Cajwaltic Jesucristoe.

Hechos 3:26

Te Dios la stsa te Yabate, soc la sticun tel ta atojolic, Dios la xcha'cuxes tel swenta yu'un ya yac'botic te bendicione, ja' te ya yac'botic quijq'uitaytic spasel te bila amene —xi' te Pedroe.

San Mateo 18:10

“Tsajtaya me abaic. Ma me ayuc jtuluc te ma'yuc sc'oplal ta awo'tanic te mach'atic peq'uel ayique. Ya calbeyex te spisil ora ayic ta canantayel yu'un ch'ul abatetic yu'un te Jtat te ay ta ch'ulchane. [

Hechos 5:31

Dios la yaq'uix ta ich'el ta muc' ta swa'el sc'ab yu'un la yaq'uix ta Ajwalil soc ta Coltaywanej, swenta yu'un ya me yac'bey sujt'es yo'tanic ta stojol Dios te israeletique. Jich me ya spasbey perdón yu'un te smulique.

San Marcos 15:10

Yu'un sna'oj stojol te Pilato te lab-o'tantaybil yu'unic te Jesuse, ja' swentail te ac'ot ta c'abal yu'un te jwolwanej-sacerdoteetique.

Isaías 57:15

Melel te Mach'a toyole, ja' te mach'a stalel cuxule, te Ch'ul Dios, xi' sbiil, jich ya yal: —Jo'on nainemon ta jun toyol awilal te ch'ultesbile; ja'uc me to, joinej te mach'a peq'uel soc te mach'a ay swocol ta mel-o'tane. Ya cac'bey sbujts' yo'tan soc ya xjam q'uinal yaiy.

San Marcos 15:7

Ay jtul winic Barrabás sbiil te pajal ayic ta chuquel soc te sjo'taque te la yaiyic milaw ta scontrainel te ajwalile.

San Mateo 9:13

Baan, nopaic te bi ya yal te Sjun Diose: “Ja' ya jc'an te ya awaiyic c'uxtaywaneje. Ma ja'uc ya jc'an te milbil majt'anile”, te xie. Melel ma ja'uc tal quic' te mach'atic tojique. Ja' tal quic' te jmulawiletic te ya sujt'es yo'tanic ta stojol te Diose —xi' te Jesuse.

San Marcos 2:17

Te c'alal la yaiy stojol te Jesuse, jich caj yalbey yaiyic: —Te mach'atic bujts'an q'uinal ya yaiyique, ma xtuun yu'unic te jpoxtaywaneje. Ja' nax ya xtuun yu'unic jpoxtaywanej te mach'atic ayic ta chamele. Melel ma ja'uc tal quic' te mach'atic tojique, ja' tal quic' te jmulawiletique —xi' te Jesuse.

San Lucas 5:31

Jesús la yalbey yaiyic: —Te mach'atic bujts'an q'uinal ya yaiyique, ma xtuun yu'unic te jpoxtaywaneje. Ja' nax ya xtuun yu'unic jpoxtaywanej te mach'atic ayic ta chamele.

San Lucas 5:33

La sjojc'obeyic te Jesuse: —Te jnopojeletic yu'un te Juane, bayal buelta la spasic ayuno ta sc'oponel te Diose. Soc ja' nanix jich uuc te jnopojeletic yu'un te fariseoetique. Yan te jnopojeletic awu'une, ¿bi yu'un te ma spasic ayuno stuquelic? —xiic.