San Lucas 5:29 - Bible in Tzeltal de Oxchuc y Tenejapa

²⁹ Patil te Leví la spas q'uin ta swenta Jesús. Jich la yic' tel ta we'el ta sna tsobol jc'an-patanetic soc yantic te pajal nacal ta mesa soc te Jesuse.

Nuevo Testamento Tzeltal de Amatenango

²⁹ Patil la spas mukꞌul kꞌin ta skuenta te Jesuse. Jich a yikꞌ tal ta weꞌel ta sna bayal jkꞌan-tojemaletik sok yan genteetik te pajal nakajtik ta mesa sok te Jesuse.

Bible in Tzeltal Bachajón

²⁹ Te Leví la spasbe bayel lequil we'el ta sna, soc joquimbil yu'un bayel jc'an-patanetic soc yantic te ayic ta mesa soque.

San Lucas 5:29 Referans Kwoze

San Lucas 15:1

La stsob sbaic tel spisil te jc'an-patanetique soc te yantic jmulawiletique, tal yaiybeyic stojol sc'op te Jesuse.

1 Corintios 10:27

Soc teme ay ya yiq'uex ta we'el te mach'a ma ba xch'uunej te Diose, ya xju' xbaex teme jich awo'tanique. Ti'a me te bila ya xpajchanbotat tele. Ma me x'ajojc'oy, swenta yu'un ma me xjajch' ta aiyej awo'tan yu'un.

San Juan 12:2

La xchajbanic we'elil tey a swenta yu'un ya sjoin sbaic ta we'el soc te Jesuse. Ja' la yac' sba ta jmac'linwanej te Martae. Tey ay a te Lázaro soc te yantic te la sjoin sbaic ta we'el ta mesa soc te Cajwaltique.

San Marcos 2:15

Ta patil bajt' ta sna Leví te Jesuse. Tey la sjoin ta we'el ta mesa tsobol jc'an-patanetic soc jmulawiletic. Soc tey ayic uuc a te jnopojeletic yu'un te Jesuse, melel tsobol te mach'atic la sts'aclinic ta beele.

San Mateo 9:10

Te c'alal yac ta we'el ta na soc te jnopojeletic yu'un te Jesuse, ay jc'an-patanetic soc jmulawiletic te tal sjoinic ta we'el te Jesuse.

San Mateo 5:46

Melel teme jip nax c'ux ya awaiyic te mach'atic c'ux ya yaiyexe, ¿bila amajt'an ya x'ac'botex yu'un a te Diose? Melel jich ya spasbey sbaic uuc te jc'an-patanetique.

San Mateo 9:9

Loc' bael Jesús tey a ta bay te lume. Tey la yil jtul winic te Mateo sbiile, nacal ta banti ya yich' tojel spatanul te biluque. Te Jesús la sc'opon: —La', ts'aclinawon —la yut. Jich a jajch' te Mateoe. La sts'aclin bael.

San Mateo 11:19

Patil tal te Nich'anile te ya xwe'-x'uch'aj ta leque. Jich ya awalic te toyol ya xwe'-x'uch'aje soc te ya sjoin jmulawiletic soc te jc'an-patanetique. Ja'uc me to, te sp'ijil yo'tan te Diose, ja' me ya xchicnaj ta swenta te bila ya yac' c'otuc ta pasele —xi' te Jesuse.