San Lucas 5:24 - Bible in Tzeltal de Oxchuc y Tenejapa

²⁴ Ja'uc me to, ya me cac'beyex awilic te bit'il tulan yat'el yich'oj ta xch'ayel mulil ta balumilal te Nich'anile —xi'. Soc la yalbey te winic te xujt' ma stij sba te yoc-sc'abe: —Ya calbat te ja'ate, jajch'an, q'uecha bael acajcante'. Baan ta ana —xi'.

Nuevo Testamento Tzeltal de Amatenango

²⁴ Pero ya me kaꞌbeyex awilik te tutꞌil tulan yaꞌtel yichꞌoj te Nichꞌanil ta spasel perdon yuꞌun mulil ta balmilal —xchi. Jich a yalbe te machꞌa kꞌolbil xchial yok-skꞌabe: —Ya kalbeyat te jaꞌate, jajchan, ichꞌa bael te akꞌabalteꞌale. Baan ta ana —xyut.

Bible in Tzeltal Bachajón

²⁴ Pero scuenta yu'un yac ana'ic te ha yich'oj ya'tel ta spasel perdón yu'un mulil ta bahlumilal te Nich'anil ay ta scuenta winic (hich la yalbe te mach'a chamen schihal yoc sc'ab): Ya calbat: Hahchan, q'uecha bahel te achahchamte'el, bahan ta ana, xchi sc'oblal.

San Lucas 5:24 Referans Kwoze

Apocalipsis 1:13

Soc la quil ta yolil te jucch'ix xtuchtijib c'ajc' te ja' pajal yilel soc te Nich'anile. C'alal ta lum te snajt'il c'u' slapoje. Te xchujq'uil xch'ujt'e pasbil ta oro soc chucul c'alal ta yo'tan.

Isaías 53:11

Te c'alal c'axix yu'un a te bayal swocole, ya me yil te saquil q'uinale, soc bin nax me yo'tan yu'un. Te tojil abat yu'un Cajwaltic, bayal mach'atic ya yac' ta libre, melel ja' ya scuchbey smulic stuquel.

Hechos 14:10

Jich tulan la sc'opon: —Jajch'an. Toj xtec'lat soc te awacane —la yut. Te winique wil jajch'el ta ora. Jajch' ta beel.

Hechos 9:40

Te Pedro la sticun loq'uel ta spisilic. Jich la squejan sba ta sc'oponel Dios, soc la sujt'es sba ta yilel te animae. Jich la yalbey: —Tabita, jajch'an —xi'. Jich wijc' sit te antse. La yil te tey ay a te Pedroe. Jich la snajc'an sba.

Hechos 9:34

Te Pedro la yalbey: —Eneas, ya scoltayat te Jesucristoe. Jajch'an, chajbana jilel te awayibe —la yut. Ora tejc'aj jajch'el te Enease.

Hechos 5:31

Dios la yaq'uix ta ich'el ta muc' ta swa'el sc'ab yu'un la yaq'uix ta Ajwalil soc ta Coltaywanej, swenta yu'un ya me yac'bey sujt'es yo'tanic ta stojol Dios te israeletique. Jich me ya spasbey perdón yu'un te smulique.

San Juan 17:2

Melel la awac'beyix yich' tulan yat'el ta stojol spisil ants-winiquetic swenta yu'un jich me ya yac' xcuxinuc sbajt'el q'uinal spisil te mach'a jayeb awac'ojbey ta sc'abe.

San Juan 11:43

Te c'alal la yal jich in to, tulan c'opoj: —¡Lázaro, la', loc'an tel! —la yut.

San Juan 5:27

Soc ac'bot yich' yat'el ta chajbanwanej te Nich'anile.

San Juan 3:13

“Ma'yuc mach'a moem bael ta ch'ulchan. Ja' nax stuquel te mach'a coem tel ta ch'ulchane, ja' te Nich'anil te talem ta ch'ulchane.

San Lucas 8:54

Te Jesús la stsacbey sc'ab. Tulan c'opoj: —Ach'ix, jajch'an tel —la yut.

San Lucas 7:14

Jich noptsaj bael te Jesuse. La spicbey scajcante'al te animae. In te mach'atic sq'uechojique la stejc'an sbaic. Te Jesús la yalbey te animae: —Querem, ya calbat, jajch'an —la yut.

San Lucas 5:13

Te Jesuse, la scajanbey sc'ab ta sjol. Jich la yalbey: —Jichuc. Ya xcolat ta chamel —xi'. Te c'alal jich la yal te Jesuse, ch'ay sc'a'el-chamel ta ora te winique.

San Mateo 28:18

Te Jesús noptsaj tel tey a ta banti ayique. Jich la yal: —Spisil ac'botonix tulan cat'el ta swentainel ch'ulchan soc balumilal.

San Mateo 26:64

La sjac' te Jesuse: —Jich te bit'il la awale. Soc ya calbat, ta ora bael to ya me awil te Nich'anil nacal ta swa'el sc'ab Dios te ay yu'ele, soc te ya xtal ta tocal ta sjamalul ch'ulchan —xi'.

San Mateo 25:31

“Te c'alal ya xtal soc yutsilal te Nich'anile, ya me sjoin tel te ch'ul abatetique. Ya xjul snajc'an sba ta bay yutsilal te smuc'ul nactijibe.

San Mateo 16:13

Te Jesús c'ot ta bay te q'uinal te Cesarea Filipo. Tey la sjojc'obey yaiy a te jnopojeletic yu'une: —¿Bi ya yalic awaiy te ants-winiquetique? ¿Mach'a ta sc'opic te Nich'anile? —xi'.

San Mateo 9:6

Swenta yu'un ya me ana'ic te Nich'anil yich'oj tulan yat'el ta balumilal ta spasel perdón yu'un mulil —xi' te Jesuse. Soc jich la yalbey te winic te chamen xchial yoc-sc'abe: —Ya calbat te ja'ate, jajch'an. Q'uecha bael te acajcante'e. Baan ta ana —la yut.

Daniel 7:13

“Tey yacon ta yilel a te bitic la quil ta ajc'ubale. Ora nax la quil ay mach'a tal ta tocal, pajal soc te Nich'anile, toj bael ta banti ay te Mamale. Te Mamal la yac' noptsajuc bael ta sts'eel.

San Mateo 4:24

Pujc' sc'oplal ta spamal sq'uinal Siria te Jesuse. La yiq'uic tel ta stojol Jesús spisil te mach'atic ayic ta chamele, chican bila chameliluc te yich'ojique soc chican te bila toyol xc'uxul ya yaiyic ta sbaq'uetalique. Ay mach'atic ay pucuj ta yo'tanic, soc ay mach'atic ayic ta tujp'ul ic', soc ay mach'atic lajem xchial te yoc sc'abique. Spisil lecub yu'un te Jesuse.

San Lucas 5:18

Ay winiquetic te sq'uechojic tel ta cajcante' jtul winic te chamen xchial yoc-sc'abe. C'an yiq'uic ochel ta yutil na ta banti ay te Jesuse.

San Lucas 5:23

¿Bila wocol ta alel? ¿Ja' bal wocol te “Pasbilatix perdón yu'un te amule”, te ya cute? O ja' bal wocol ya awaiy te “Jajch'an, beenan”, teme ya cute?