San Lucas 5:22 - Bible in Tzeltal de Oxchuc y Tenejapa

²² Te Jesús la sna' stojol te bila yacalic ta yalel ta yo'tanique. Jich la yalbey yaiyic: —¿Bi yu'un te jich ya awal ta awo'tanique?

Nuevo Testamento Tzeltal de Amatenango

²² Pero te Jesuse la snaꞌ te tut yipalik ta yalel ta yoꞌtanike, y la sjojkꞌolanbe: —¿Tut yuꞌun te jich ya awal ta awoꞌtanike?

Bible in Tzeltal Bachajón

²² Pero te Jesús la sna' bin ay ta yo'tanic, hich la yalbe: ¿Bin yu'un te hich yaquex ta snopel?

San Lucas 5:22 Referans Kwoze

San Lucas 24:38

Jesús la yalbey yaiyic: —¿Bi yu'un te ayex ta xiwele? ¿Bistuc te wocol ya xch'uun awo'tanique?

Hechos 5:3

Te Pedro caj yalbey: —Ananías, ¿bi yu'un te Satanás la snojesbat awo'tan ta spasel ta lot te Ch'ul Espíritu te bit'il la awijq'uitay jilel olil te stojol aq'uinale?

San Marcos 8:17

Te Jesús la sna' stojol te bila la yalbey sbaique. Jich la yal: —¿Bistuc ya awalbey abaic te ma'yuc waj awich'ojique? Yu'un ma to c'oemuc ta awo'tanic, soc ma to x'ana'ic stojol. Tulanajem te awo'tanique.

San Mateo 12:25

Jesús la sna' stojol te bila la yaan yo'tanique. Jich caj yalbey yaiyic: —Te mach'atic jtul nax muc' ajwalil ay yu'unique, teme ya xat sbaique soc teme ya xjajch' scontroin sbaique, tey ya sjin sbaic ta spisilic a. Ja' nanix jich uuc te mach'atic jun nax lum ayique, o te mach'atic jun nax na ayique, teme ya xat sbaique ma ba ya xjalajic ta q'uinal yu'un.

San Mateo 9:4

Te Jesús la sna' stojol te bila ay ta yo'tanique. Jich la yalbey: —¿Bi yu'un te amen te bila la yaan awo'tanique?

Salmos 139:2

ja'at ana'oj spisil te bitic ya jpase; manchuc me c'ubul ayon, pero ana'ojix a te bi ya yal te co'tane.

Apocalipsis 2:23

Soc ya me quejch'entes ta lajel te yalataque. Jich me ya sna'ic stojol spisil jch'uunjeletic te jna'oj te bila snopoj ta sjolic soc ta yo'tanic. Jich me ya cac'bey stoj juju-jtul, chican bi yilel te yat'elique.

Hebreos 4:12

Melel cuxul te sc'op Diose, soc bayal yip ya x'at'ej. C'ax jich ya xlajinwan a te bit'il puñal te cha'jejch' ay yee. Najt' ya x'och c'alal ta banti ay te co'tantique soc te jch'uleltique, tey to c'alal a ta banti ay te xchinamil jbaqueltique. Ya xchicnantes ta jamal spisil te bila jnopoj ta co'tantique soc te bila baem co'tantic ta sna'el juju-jtule.

1 Crónicas 28:9

Te ja'at Salomón, te jnich'anate, ma me xch'ay ta awo'tan te Dios yu'un te atate. Ac'a aba ta abatinel ta stojol ta spisil awo'tan. Junuc me awo'tan ta stojol, melel te Cajwaltic ya sna'botic ta lec te co'tantique, ya sna'botic bitic ya snop co'tantic soc bitic ay ta co'tantic. Jich yu'un teme jun awo'tan ya ale, jich me ya yac'bat te ya ata ta leele. Yan teme ya ach'ay ta awo'tane, ya me sloq'uesat ta jc'axel ta sbajt'el q'uinal.

Ezequiel 38:10

La yal xan te Cajwaltic ta stojol Gog: —Jo'on Ajwalilon te jich ya cale: Te c'aal in to, ya me xtal ta awo'tan bila amenic.

Proverbios 15:26

Te Cajwaltic ma smulan bitic chapal yu'un te mach'atic amen yo'tanique; ja' bin nax yo'tan yu'un te c'opetic te ma amenuque.

San Mateo 12:15

C'alal la sna' stojol te Jesuse, loc' bael tey a. Tsobol ants-winiquetic la sts'aclinic bael. La scoltay spisil te jchameletique.

San Lucas 5:21

Jich te jts'ibojometique soc te fariseoetique jajch' yal ta yo'tanic: “¿Mach'a winiquil in to te yac ta stoybac'optayel te Diose, melel ja' nax stuquel te Dios te ya xju' yu'un xch'ayel te mulile”, xiic.

San Lucas 5:23

¿Bila wocol ta alel? ¿Ja' bal wocol te “Pasbilatix perdón yu'un te amule”, te ya cute? O ja' bal wocol ya awaiy te “Jajch'an, beenan”, teme ya cute?