San Lucas 5:19 - Bible in Tzeltal de Oxchuc y Tenejapa

¹⁹ Ja'uc me to, ma la staic te bay ya x'ochic baele, yu'un bayal te ants-winiquetique. Jich yu'un moic bael ta yamac'ul sba te nae. La sjambeyic te smajq'uile. Tey la yaq'uic coel soc scajcante'al a te jchamel ta bay yolil te ants-winiquetique. Jich c'ot ta stojol te Jesuse.

Nuevo Testamento Tzeltal de Amatenango

¹⁹ pero ma staik ba ya xꞌochik yuꞌun ben bayal te genteetike. Jicha laj mo bael ta sba te nae. La sjambeyik te xtexaule, sok la slijkanik koel te jchamele sok te skꞌabalteꞌe ta yolil te genteetike te ba ay te Jesuse.

Bible in Tzeltal Bachajón

¹⁹ Pero c'alal ma ba hu' yu'unic ta scaj te ipal ants-winiquetic, mohic bahel ta ba na, la sloq'uesbeyic te stejahul, tey la sjihpanic cohel ta ohlil ta banti ay te Jesús.

San Lucas 5:19 Referans Kwoze

San Marcos 2:4

Ma pas te toj ya xc'axic bael ta bay te Jesuse, ta scaj te bayal te ants-winiquetique. Jich yu'un la sjamic te ba na ta ba ay te Jesuse. Tey la sliq'uic coel a soc scajcante'al te mach'a chamen xchial yoc sc'ab ta bay stojol ay te Jesuse.

San Mateo 10:27

Te bila la calbeyex awaiyic ta ijc' q'uinale, ja' me ya awalic ta saquil q'uinal; soc te bila la awaiyic stojol ta achiquinique, ja' me ya acholic ta jamal ta aw ta sba te nae.

Deuteronomio 22:8

“Te c'alal ay mach'a ya spas yach'il sna, ya me sc'an te ya yac'bey sts'ajc'ul ta sjoyobal ta sba te snae, teme ay mach'a ya xch'ay coel tey a. Teme ch'ay coele, teme toj lajel yu'une, ya me sta smul tey a te mach'atic yu'un te nae.

San Mateo 24:17

Teme ay mach'a moem ta yamac'ul sba te snae, teme coj tele, ma me x'och xan ta sna ta yich'el loq'uel te sbiluque.

Jeremías 19:13

Te nanatic ta Jerusalén, te muc'ul naetic yu'un te muc' ajwaliletic ta Judá soc te sba nanatic te bay la yac'beyic pom te c'aal, u, eq'uetic ta ch'ulchan, soc te bay la smalbeyic majt'anil vino te lotil diosetique, ilaybil me ya xc'ot spisilic, jich bit'il Tófet’, xi' te Cajwaltique”, uta me —xi'.

2 Samuel 11:2

Ta jun mal c'aalil jajch' ta swayib te David, och ta comcom beel ta yamaq'uil sba na. Tey la sta ta ilel jtul buen t'ujbil ants a, yac ta atimal. Lajel to xchajbanbel sba ta stojol Dios yu'un te xchamel swenta jujun u. Te David la sticun ta jojc'oyel te mach'a a te antse. Albot yaiy te Betsabé sbiil te antse, yantsil-nich'an Eliam, yinam Urías, ja' te hitita-winique. Te David la sticun abatetic yu'un ya x'ic'bot tel, way soc, patil sujt' bael ta sna.

1 Samuel 9:25

C'alal sujt'ic coel tel ta toyol ch'uunjibal, te Saúl c'o xchajbanbeyic swayib ta yamac'ul ba na ta jamalal.