San Lucas 5:17 - Bible in Tzeltal de Oxchuc y Tenejapa

¹⁷ Jun c'aal te c'alal yac ta p'ijubteswanej te Jesuse, ay fariseoetic soc jts'ibojometic te nacalic tey a te talemic ta lumlumtic ta sq'uinal Galilea soc ta sq'uinal Judea soc ta lum Jerusalén. Chican ta ilel te bit'il ta swenta yu'el Dios te yac ta slamantesel jchameletic te Jesuse.

Nuevo Testamento Tzeltal de Amatenango

¹⁷ Jun kꞌaal te Jesuse yipal ta pꞌijuteswane, teꞌ nakajtik ekꞌa te fariseoetike sok te maestroetik yuꞌun te mantaliletike. Teꞌ talemik ta jtejklumetik ta estado Galilea, sok ta estado Judea, sok ta jtejklum Jerusalen. Te spoder te Diose ya xchiknaj ta skuenta te Jesuse te ya slekutes te jchameletike.

Bible in Tzeltal Bachajón

¹⁷ Ay jun c'ahc'al c'alal yac ta p'ijubteswanej a te Jesús, soc tey huhcajtic a te fariseohetic soc maestrohetic yu'un te Ley te hahchemic tal ta jujun tut pueblohetic yu'un Galilea, Judea soc Jerusalén, te Jesús cuentahimbil yu'un te yu'el Dios ta slecubtesel jchameletic.

San Lucas 5:17 Referans Kwoze

San Lucas 6:19

Toyol yo'tanic spisilic te yacuc spiquic te Jesuse. Jich la scoltay ta yu'el spisil te jchameletique.

San Lucas 8:46

Jesús la yal: —Ay nax mach'a la spicon, melel chican la caiy te ay loc' bael te cu'ele —xi'.

Hechos 19:11

Dios la spas jchajp at'eliletic ta swenta te Pabloe.

San Mateo 11:5

Cholbeya yaiy te yac ta jamel sit te ma'sitetique, soc te yacalic ta lecubel te coxoetique, soc yacalic ta lecubel sbaq'uetal te jc'a'el-chameletique, soc yacalic ta jamel xchiquin te jcojq'uetique, soc yacalic ta cha'cuxel te animaetique, soc yaquix ta cholel ta stojol me'baetic te lec yach'il c'ope.

Hechos 4:30

Soc ta swenta awu'el ac'a coluc jchameletic soc pasuc señailetic soc jchajp at'eliletic ta swenta te Ach'ul-nich'an Jesús —xiic ta sc'oponel te Diose.

San Marcos 7:1

Ay talemic c'alal ta Jerusalén fariseoetic soc jts'ibojometic. La stsob sbaic tel ta stojol te Jesuse.

San Marcos 5:30

Te Jesús la yaiy te ay loc' bael te yu'ele. Jich la sujt'es sba ta yilel te ants-winiquetique. Jich la yal: —¿Mach'a la spicbon te jc'u'e? —xi'.

San Mateo 15:1

Ay fariseoetic soc jts'ibojometic te talic c'alal lum Jerusalén te jul sc'oponic te Jesuse. La sjojc'obeyic:

San Juan 3:21

Yan te mach'atic ya spas te bila smelelile, ya xtalic ta bay te saquil q'uinale. Jich ya xchicnaj ta ilel te bit'il ja' ta swenta Dios spisil te yat'elic yacalic ta spasele.

San Lucas 2:46

Yoxebal to c'aal la staic ta templo, nacal ta yolilic te jts'ibojometique. Yac ta yaiyel stojol te bila ya yalique, soc ay bila ya sjojc'obeyic ta stojolic.

San Lucas 15:2

Ja'uc me to, te fariseoetic soc te jts'ibojometic caj smuquen-ayanic. Jich la yalic: —Ja' in winic to, jun yo'tan sba soc te jmulawiletique, melel ya sjoin ta we'el —xiic ta smuquen-ayanel te Jesuse.

San Lucas 7:30

Yan te fariseoetic soc te jts'ibojometic te ma ba ac'bot yich'ic ja' yu'un te Juane, la sp'ajic te bit'il c'an yich'ic c'uxtayel yu'un te Diose.

San Lucas 5:30

Jich yu'un te fariseoetique soc te jts'ibojometique jajch' ayanbeyic sc'oplal te jnopojeletic yu'un te Jesuse. Jich ba yalbeyic: —¿Bistuc ya ajoinic ta we'el-uch'ajel te jc'an-patanetic soc te jmulawiletique? —xiic.

San Lucas 5:21

Jich te jts'ibojometique soc te fariseoetique jajch' yal ta yo'tanic: “¿Mach'a winiquil in to te yac ta stoybac'optayel te Diose, melel ja' nax stuquel te Dios te ya xju' yu'un xch'ayel te mulile”, xiic.

San Marcos 16:18

soc ya me stsac ta sc'abic jti'awal chanetic, soc ya me yuch'ic te bila miljibale, ja'uc me to, ma ba ya xlajic yu'un, soc ya me scajanbey sc'abic ta sjol te jchameletic, jich me ya xcolic —xi' te Jesuse.

San Marcos 3:22

Talic ta Jerusalén uuc te jts'ibojometique. Jich la yalic: —Ja' in winic to, ay Beelzebú ta yo'tan, ja' te mero ajwalil yu'un te pucujetique. Ja' ta swenta te ya sloq'ues te pucujetique —xiic.

San Marcos 1:45

Jich bajt' te winique. Ora jajch' spucbey sc'oplal te bila c'oem ta pasel ta stojole. Ja' swentail te ma ju' yu'un te ya x'och bael ta lumlumtic te Jesuse. Tey been ta bay jochol q'uinal, ja'uc me to, bayal mach'a tal ta ilel yu'un ta bayuc.

San Juan 3:10

La yal te Jesuse: —Te ja'ate maestroat yu'un te lum Israel, ja'uc me to, ¿ma x'ana' stojol te bila ya calbate?

Hechos 5:34

Ja'uc me to, ay jtul fariseo ta Muc'ul Tsoblej, te Gamaliel sbiil, te maestro yu'un te mandalile soc te ich'bil ta muc' yu'un te lume. Ja' tejc'aj jajch'el ta c'op. La yac' ta ticunel loq'uel ajc'uc te jpuc-c'opetique.