San Lucas 5:15 - Bible in Tzeltal de Oxchuc y Tenejapa

¹⁵ Jich c'axem to xan pujc' sc'oplal te Jesuse. Tsobol ants-winiquetic tal yaiybeyic te sc'ope soc la yaq'uic ta lamantesel te xchamelique.

Nuevo Testamento Tzeltal de Amatenango

¹⁵ Jicha pujk ta mas skꞌoplal te Jesuse. Bayal genteetik a laj tal yaꞌibeyik te skꞌope, sok la yakꞌik ta lekutesel te xchamelike.

Bible in Tzeltal Bachajón

¹⁵ Pero puhc xan ta halel te sc'oblale; tsobol mach'atic talic yu'un ya ya'iybeyic sc'op soc yu'un ya xlecubtesotic ta chamel yu'un.

San Lucas 5:15 Referans Kwoze

San Lucas 12:1

Jich ora la stsob sbaic tel ta stojol Jesús bayal ta jmil ants-winiquetic, stenten nax sbaic ta stojol. Jich te Jesuse, neel la yalbey te jnopojeletic yu'une: —Tsajtaya me abaic ta swenta te levadura yu'un te fariseoetique, ja' bi, ja' te bit'il cha'lam te yo'tanique.

San Marcos 1:45

Jich bajt' te winique. Ora jajch' spucbey sc'oplal te bila c'oem ta pasel ta stojole. Ja' swentail te ma ju' yu'un te ya x'och bael ta lumlumtic te Jesuse. Tey been ta bay jochol q'uinal, ja'uc me to, bayal mach'a tal ta ilel yu'un ta bayuc.

San Mateo 9:26

Ta spamal te q'uinale pujc' sc'oplal te bila c'ot ta pasel ta swenta te Jesuse.

San Marcos 1:28

Ora pujc' sc'oplal te Jesús ta spamal sq'uinal Galilea.

San Juan 6:2

Bayal ants-winiquetic la sts'aclinic bael te Jesuse, yu'un la yilic te señailetic la spasbey ta stojol te jchameletique.

San Lucas 14:25

Ay tsobol ants-winiquetic la sts'aclinic ta beel te Jesuse. La sujt'es sba sc'opon:

San Marcos 3:7

Te Jesús bajt' ta ti'mar soc te jnopojeletic yu'une. Bayal ants-winiquetic la sts'aclinic bael te talemic ta spamal sq'uinal Galilea.

Proverbios 15:33

Te mach'a yich'oj ta muc' te Cajwaltique, yac ta p'ijubtesel ta swenta te p'ijil-o'tanil; teme ya x'och ta ich'el ta muq'ue, neel ya sc'an ya spejc'an sba.

1 Timoteo 5:25

Ja' nanix jich uuc ay ya xchicnaj ta comonsitil ta ora te bila lec ya spasique. Soc manchuc teme ma xchicnaj ta orae, ma xju' ta naq'uel.

San Mateo 9:31

Ja'uc me to, loq'uelic to nax bael a te caj spucbeyic sc'oplal ta spamal q'uinal te bila pasbotic yu'un te Jesuse.