San Lucas 5:12 - Bible in Tzeltal de Oxchuc y Tenejapa

¹² Te c'alal c'otix ta bay jpam lum a te Jesuse, tal jtul winic ta stojol. Scojt'ol sbaq'uetal yich'oj c'a'el-chamel. C'alal la yil te Jesuse, jul stinan sba coel ta lum ta stojol. Caj yalbey wocol: —Cajwal, te yacuc ac'ane, ya xju' awu'un te ya alecubtesone —xi'.

Nuevo Testamento Tzeltal de Amatenango

¹² Ay jun kꞌaal laj kꞌot ta jun jtejkꞌum te Jesuse, tal jtul winik ta stojol te skojtol yichꞌoj kꞌaꞌel-chamele. Kꞌalal la yil te Jesuse, te winike jul skejan sba ta stojol. Lijk skꞌambe pawor: —Kajwal, te jichuk skꞌan awoꞌtan ya alekutesbon te jchamele —xchi.

Bible in Tzeltal Bachajón

¹² C'alal ay ta jun pueblo a, tal jtuhl winic te scohtol yich'oj c'a'elchamel. C'alal la yil te Jesús, tal spahcan sba c'alal ta lum ta stojol, la yalbe bayel wocol: Cajwal, te yacuc ac'an, ya xhu' yac alecubteson, xchi.

San Lucas 5:12 Referans Kwoze

Salmos 50:15

C'oponawon te c'alal ayat ta wocole; jo'on me ya jcoltayat, ja'at me ya awich'on ta muc'”, xi' te Cajwaltique.

San Lucas 17:16

Jul stinan sba coel c'alal ta lum ta stojol te Jesuse. La yalbey wocol ta stojol. In te winique samaria-winic stuquel.

San Mateo 9:28

Te c'alal och ta na te Jesuse, noptsajic tel ta stojol. Te Jesús la sjojc'obey: —¿Ach'uunejic bal te ya xju' cu'un spasel in to? —xi'. La yalic: —Jch'uunejtic, Cajwal —xiic.

Hebreos 7:25

Jich ya xju' ya scoltay sbajt'el q'uinal te mach'atic ya xnoptsajic ta stojol Dios ta swentae, melel ya xju' ya xc'opoj yu'unic spisil ora stuquel te bit'il cuxul ay sbajt'el q'uinal.

Salmos 91:15

Te c'alal ya sc'oponon, ya me caiybey sc'op; C'alal ay swocol ya me xtalon ta sts'eel. Ya me cac' ta libre; ya me cac'bey yutsilal ta ich'el ta muc'.

San Mateo 26:6

Ay ta Betania te Jesús ta sna Simón jc'a'el-chamele.

Éxodo 4:6

Yo'tic ac'a ochel ac'ab ta yutil ac'u' ta atan —xi' te Cajwaltique. Te Moisés la yac' ochel sc'ab ta yutil sc'u' ta stan. Te c'alal la sloq'ues tel, yich'ojix loq'uel tel c'a'el-chamel ta snujc'ulel, mero sac nax jichuc toib.

Génesis 18:14

Ma'yuc bi wocol ta pasel yu'un te Diose. C'alal ya sta yorail, ya me sujt'on tel ta atojol. Ja' me yorail ya x'ayin yal a te Sara —xi'.

1 Crónicas 21:16

C'alal la stoy sit te David, la yil ay ta yolil ch'ulchan te ch'ul abat yu'un te Cajwaltic, sloq'uesej ta sna te spuñal stsacoj ta sc'ab, ja' stojlinej bael te Jerusalén. Jich yu'un te David soc te mamaletic slapojic ch'ixal pac', la stinan sba coel c'alal ta lum.

2 Reyes 5:1

Ay jtul winic Naamán sbiil. Te Naamán ja' capitán yu'un te soldadoetic yu'un te muc' ajwalil ta Siria. Buen c'uxtaybil, buen ich'bil ta wenta yu'un te muc' ajwalil yu'une, melel te Cajwaltic la yac' yaiy tsalaw te siriaetic ta swenta Naamán. Pero te Naamán yich'oj c'a'el-chamel.

1 Reyes 18:39

C'alal la yilic te bi c'ot ta pasel, spisilic te mach'atic tey ayic a, la stinan sbaic coel c'alal ta lum, jich la yalic: —¡Ja' Dios te Cajwaltic, melel ja' nix Dios stuquel a te Cajwaltique! —xiic.

Josué 5:14

—Ni ya joinat, ni ya jcontroinat. Ja' nax talon ta jtsobwanej yu'un soldadoetic ta swenta te Cajwaltique —xi' te winique. Jich yu'un te Josué la stinan sba coel c'alal ta lum, la sjojc'obey: —¿Bi mandal ya awalbon, Cajwal, jo'on te awabatone? —xi'.

Deuteronomio 24:8

“Teme ay ya xtaot ta c'a'el-chamel te ants-winiquetique, jun me awo'tan xach'uunic spasel spisil te bila ya yalbeyex apasic te sacerdote-levitaetique. Jich xapasic te bit'il calojbey mandale.

Levítico 9:24

Loc' c'ajc' ta stojol te Cajwaltique, la slajin ta jc'axel te chambalam te yac ta c'ajq'uele, soc nix te xepuil ayic ta scajtijib ta chiq'uel smajt'an te Diose. C'alal la yilic, ta spisil te israeletic tulan awunic ta swenta yutsil q'uinal yaiyic, la stinan sbaic coel c'alal ta lum te sti'baique.

San Marcos 5:23

La yalbey bayal wocol: —Te cantsil-nich'ane lajelix. Ya calbat wocol te yacuc xba awac'bon ac'ab ta sjol, swenta yu'un ya xcol soc ya xcuxin —xi'.

2 Reyes 7:3

Ja' nix ta yorail a, ay chantul c'a'el-chameletic te ayic ta yochibal te lume. Jich la yalbey sbaic: —¿Bi ya jpastic te li' nacalotic ta smaliyel bi ora ya xlajotic?

2 Reyes 5:27

Ja' yu'un yo'tic te sc'a'el-xchamel te Naamán, ja'at me ya xc'ot ta anujc'ulel, soc te patil alnich'anetic awu'un ta sbajt'el ora —xi' sc'oplal. Te c'alal te Giezi loc' bael ta stojol Eliseo, mero scojt'ol ayix a te c'a'el-chamel ta snujc'ulele, scojt'ol sacubenix jichuc toib a.

Levítico 13:16

“Teme ay bi ora cha'sacub xan yan buelta te yejch'en te ay ya'lel, te mach'a ay ta chamel, ya me xbajt' ta stojol sacerdote,

San Lucas 5:13

Te Jesuse, la scajanbey sc'ab ta sjol. Jich la yalbey: —Jichuc. Ya xcolat ta chamel —xi'. Te c'alal jich la yal te Jesuse, ch'ay sc'a'el-chamel ta ora te winique.