San Lucas 4:6 - Bible in Tzeltal de Oxchuc y Tenejapa

⁶ Te pucuje la yal: —Ya cac'bat tulan awat'el ta swentainel spisil ta jchajp in lumetic to soc te yutsilale. Melel ochem ta jwenta spisilic, chican co'tan jtuquel te mach'a ya cac'beye.

Nuevo Testamento Tzeltal de Amatenango

⁶ Te pukuje la yal: —Ya kaꞌbeyat ta akuenta spisil te stsaꞌamul skꞌulejal te balmilale, porke joꞌon ay ta jkuenta spisil. Joꞌon chikanon jtukel te machꞌa ya kaꞌbeye.

Bible in Tzeltal Bachajón

⁶ Hich la yal te pucuje: Ha'at ya ca'bat spisil te yipic ta cuentahinwanej soc te yutsilalique, como ho'on a'bibilon ta jcuenta, soc chican mach'a ya ca'be ta scuenta.

San Lucas 4:6 Referans Kwoze

Efesios 2:2

Melel c'aemex ta mulil ta neelal to. Ja' la anopic te bila ay ta pasel ta swenta nax in balumilal to, soc ja' la apasbeyic sc'anjel yo'tan te pucuje te yich'oj yat'el ta sjamalul q'uinal soc te yac ta at'el ta yo'tanic te jc'axintayej-mandaletique.

San Juan 14:30

“Ma spasix te bayal bi ya calbeyex xane, melel jtalelix te ajwalil yu'un in balumilal to. Ma'yuc bi xju' yu'un te ya spasbon ta jtojole.

San Juan 12:31

Melel la staix yorail te ya x'ich'bot sc'op yu'un smulic te mach'atic ayic ta balumilale. Soc la staix yorail te ya xch'ojotix loq'uel uuc te ajwalil yu'un te balumilale.

1 Juan 5:19

Jna'ojtic stojol te yu'unotic te Diose. Yan te balumilale, spisil ay ta sc'ab te pucuje.

Apocalipsis 13:7

Soc ac'bot permiso te ya spas guerra soc te mach'atic ch'ul lum yu'un te Diose, ja' to teme la stsale. Soc ac'bot yich' yat'el ta stojol spisil ta jchajp sts'umbal te ants-winiquetique soc spisil ta jchajp lum te yanyantic sc'opique soc te yanyantic nacionetique.

Apocalipsis 13:2

Te muc'ul chambalam te xi'bantic sbae pajal yilel soc te leopardo-choje. Te yacane jich yilel te bit'il yacan te osoe. Te yee jich yilel te bit'il ye te león-choje. Te muc'ul chan te xi'bantic sbae la yac'bey yu'el soc la yac'bey snactijibin te smuc'ul nactijibe soc la yac'bey yich' tulan yat'el.

Apocalipsis 12:9

Jich la yich' ch'ojel loq'uel ta fuera te muc'ul chan te xi'bantic sbae. Ja' te namey q'uinal muc'ul chan te Pucuj sbiil soc Satanás sbiil te ya slo'lay spisil te mach'atic ainemic ta balumilale. Te Pucuje soc te abatetic yu'une, la yich'ic ch'ojel coel ta balumilal.

1 Pedro 1:24

Melel jich ts'ibubil jilel ta Sjun te Diose: “Spisil ants-winiquetic jich c'oemic te bit'il wamale; soc spisil te yutsilalique, jich c'oem te bit'il snich te wamale. Te wamale ya xtaquej, jich ya xlubaj te sniche.

2 Corintios 11:14

Tojol teme q'uejel nax q'uinal ya caiytic yu'un te bila ya spasique, melel jich uuc te Satanase, ya scuy sba ta ch'ul abat yu'un saquil q'uinal.

San Juan 8:44

Te ja'exe, ja' atatic te pucuje, soc ya sc'an awo'tanic ya apasic te bila ya sc'an yo'tane. Te pucuje milawal ta xjajch'ibal to tel stuquel. Ma'yuc stuul ta yo'tan te bila smelelile, yu'un ma'yuc bila melel te ay ta yo'tane. Te c'alal ya spas lote, ja' ya yal te bila stalel ay ta yo'tane. Melel jpas-lot nanix stuquel a, soc ja' static spisil te jpas-lotetique.

Isaías 23:9

Te Cajwaltic te Spisil ya xju' yu'un, ja' la xchap, swenta yu'un ya spejc'an spisil te mach'a cajal yac'oj sba, soc limil ta lum ya xjil spisil te mach'atic ay yipic ta q'uinale.

Isaías 5:14

Jich c'oem te bit'il jti'awal chambalam te muquenale, ya sjam ye, ma p'isbiluc ya sjam sba, swenta yu'un ya sbic' bael te lum soc te ajwaliletic yu'une, ja' te ants-winiquetic te cuxulic ta puro yacubel soc te bitic bujts'an yo'tanic yu'une.

Ester 5:11

La yalbey sc'oplal te bayal sc'ulejale, soc te snich'nab te mero bayalixe, soc te bit'il mero toyesbot sc'oplal yu'un te muc' ajwalile, te ma pajaluc sc'oplal soc te yantic j'at'eletic soc te yantic abatetique te bit'il ja' mero toyol yat'el c'ot ta stojol ta spisil te yantique.

San Lucas 4:7

Jich yu'un teme ya aquejan aba soc teme ya awich'on ta muq'ue, awu'un ya xc'ot spisil —xi'.