San Lucas 4:28 - Bible in Tzeltal de Oxchuc y Tenejapa

²⁸ C'alal la yaiyic stojol te jich la yal te Cajwaltique, ilinic yu'un spisil te mach'atic ayic ta sinagogae.

Nuevo Testamento Tzeltal de Amatenango

²⁸ Kꞌalal la yaꞌiybeyik sluwar te jich a yal te Kajwaltike, laj ilin yuꞌun spisil te machꞌatik ayik ta sinagogae.

Bible in Tzeltal Bachajón

²⁸ C'alal la ya'iyic te hich la yal, ilinic yu'un spisil te mach'atic ayic ta sinagoga.

San Lucas 4:28 Referans Kwoze

Hechos 7:54

Te c'alal la yaiyic stojol te bila la yal te Estebane, mich'ot yo'tanic yu'un ta c'axem to xan. La xc'ux yeic yu'un ta scontroinel.

Hechos 5:33

Te c'alal la yaiyic stojole, la smich' sba yo'tanic yu'un. C'an smilic.

San Lucas 6:11

Te mach'atic stsoboj sbaique, bayal ilinic yu'un. Jajch' sjojc'obey sbaic te bila ya yutic te Jesuse.

Jeremías 38:6

Jich och ta sc'abic te Jeremías. La yaq'uic coel ta taquin pozo yu'un Malquías te snich'an muc' ajwalile, te ay ta amac' yu'un soldadoetic. La scojt'esic ta lazo. Te bit'il ma'yuc ya'lel te pozo, ja' nax ay ajch'al tey a, jich yu'un te Jeremías ts'ajpaj c'oel yacan ta ajch'al.

2 Crónicas 16:10

Te Asa bayal c'ajc'ub yo'tan ta stojol te j'alwaneje, la yal mandal ta chuquel. Ja' yorail a te laj yutsil yo'tan te Asa, soc jajch' yuts'in te lume.

San Mateo 2:16

Te Herodese la sna' ta yo'tan te laj ta lo'layel yu'un te p'ijil winiquetique. C'axem to xan ilin yu'un. La yal mandal te ya xba yich' milel spisil te alalqueremetic te che'cheb ja'wil ya'wilalique soc uuc te ma to xloc' cheb ja'wil yu'unic te ayic ta spamal lum Belén soc ta sjoylejal. Ja' la sna' te bi ora chicnaj te ec' te la yalic te p'ijil winiquetique.

San Lucas 4:27

Ja' nanix jich te c'alal ay ta j'alwanej te Eliseoe. Tsobol mach'atic ayic ta c'a'el-chamel ta sq'uinal Israel. Ja'uc me to, jtul ma'yuc mach'a la yich' lecubtesel, ja' nax te Naamán te talem ta sq'uinal Siria —xi' te Jesuse.

San Lucas 4:29

Caj stenic loq'uel ta ti'lum te Jesuse. La yiq'uic bael ta bay mero toyol coel te witse, yu'un ta ba wits ay te lume. Tey c'an scotp'inic coel a.