San Lucas 4:23 - Bible in Tzeltal de Oxchuc y Tenejapa

²³ Te Jesús jajch' yalbey yaiyic: —Ay wan jich ya awalic te bit'il ay ta alele: “Te bit'il jpoxtaywanejate, poxtaya aba atuquel”, xaex me. Soc jich ya awalic uuc: “Te bila la apas ta Capernaúm, jich nix me xapas li'to ta bay alumal”, ya niwan awutonic —xi' te Jesuse.

Nuevo Testamento Tzeltal de Amatenango

²³ Te Jesuse lijk yaltalanbe: —Jich me ya awalbikon ta puersa: “Te tutꞌil ya akuy aba ta jpoxtawaneje, poxtaya aba atukel”, xchaex me. “Te tut la apas ta Capernaum te la kaꞌitike, jich me xꞌapas euk liꞌ ba alumale”, ya me awutikon —xchi te Jesuse.

Bible in Tzeltal Bachajón

²³ Hich halbotic yu'un te Jesús: Ay yac awalbonic te hich ay ta halel: Jpoxtaywanej, poxtaya aba. Te bintic la apas ta Capernaum ya ca'iycotic, hich ni me xapas li' ta alumali, xchi.

San Lucas 4:23 Referans Kwoze

San Marcos 6:1

Loc' bael tey a te Jesuse. Bajt' ta slumal. La sjoin bael te jnopojeletic yu'une.

San Mateo 4:13

Ja'uc me to, ma ba jalaj ta bay lum Nazaret. Jich ba ainuc ta lum Capernaúm te ay ta ti'mare, ja' te sq'uinal te sts'umbal Zabulón soc te sts'umbal Neftalí.

2 Corintios 5:16

Jich yu'un, te jo'otique ma jichuc jnopojtic te bit'il ay te yantique, jich te bit'il ya yalic te mach'atic ayic ta balumilale. Manchuc teme jich jnopojbeytic sc'oplal Cristo jich te bit'il ya yalique, ta ora to ma jichuc c'oemix ta co'tantic te bit'il ya yalique.

San Juan 4:28

Te antse la yijq'uitay jilel te sq'uibe. Och bael ta lum ta yalel sc'oplal. Jich c'o yal:

San Lucas 6:42

¿Bit'il ya xju' awu'un te ya awalbey te awermanoe: “Quermano, ac'bon jloq'uesbat te ch'in ac te ochem ta asite”, teme xaate? Melel ay muc'ul ts'amte' te c'atal ta asit atuquele. Te ja'ate cha'lam awo'tan. Loq'uesa neeluc te muc'ul ts'amte' te c'atal ta asite. Jich ya xju' awu'un sloq'uesel te ch'in ac te ochem ta sit te awermanoe.

San Lucas 4:16

Te Jesús bajt' ta lum Nazaret te banti ch'ie. Ta sc'aalelal cux-o'tan bajt' ta sinagoga, jich te bit'il c'aem ta spasele. La stejc'an sba ta yilel te Sjun Diose.

San Mateo 13:54

C'ot ta slumal. Och yaiy p'ijubteswanej tey a ta bay te sinagoga yu'unique. Jchajp nax la yilic a te ants-winiquetique. Jich la yalbey sbaic yu'un: —¿Banti la sta te sp'ijile? ¿Bit'il ya xju' yu'un spasel te jchajp at'eliletique?

San Mateo 4:23

Been ta spamal sq'uinal Galilea te Jesuse. La yaiy p'ijubteswanej ta sinagogaetic te banti c'ax ta beele. Soc la xcholbey yaiyic te lec yach'il c'op yu'un te bit'il ay ta ajwalinel te Diose. Soc la slamantesbey spisil te bitic chamelil te ay ta sbaq'uetalic te ants-winiquetique soc spisil ta jchajp te bila c'ux ta aiyele.

San Lucas 2:39

Te bit'il la spasiquix ta templo spisil te bila ya yal te mandalil yu'un te Cajwaltique, sujt'ic bael ta Galilea ta bay slumalic, ja' te lum Nazarete.

San Lucas 2:51

Te querem Jesús la sjoinic sujt'el ta Nazaret. Jun yo'tan la xch'uun mandal ta stojolic. Te sme'e la sna'ulay ta yo'tan spisil te bila c'ot ta pasele.

San Lucas 4:31

Te Jesús co bael ta Capernaúm te ay ta sq'uinal Galilea. Tey la yaiy p'ijubteswanej ta stojol te ants-winiquetic ta sc'aalelal cux-o'tan.

San Lucas 4:35

Jesús la scom ta c'op te pucuje: —¡Ma xc'opojat! ¡Loc'an tel ta yo'tan te winique! —la yut. Te winic jipot ta lum yu'un te pucuj ta bay yolilic. Jich a loc' ta yo'tan. Ma'yuc yejch'en jilel.