San Lucas 4:22 - Bible in Tzeltal de Oxchuc y Tenejapa

²² Spisilic lec bajt' sc'oplal yu'unic te Jesuse, soc bayal ayan yo'tanic yu'un te bit'il buen t'ujbil la yaiybeyic te sc'ope. La sjojc'obey sbaic: —¿Ma bal ja'uc snich'an José in winic to? —xiic.

Nuevo Testamento Tzeltal de Amatenango

²² Spisilik lek skꞌoplal yuꞌunik te Jesuse, sok toj cham a yaꞌiyik yuꞌun te ben tsaꞌam te skꞌope. Sok la sjojkꞌobe sbaik: —¿Me ma wan jaꞌuk te xnichꞌan Jose te winik to? —xchiik.

Bible in Tzeltal Bachajón

²² Spisilic la yalbeyic lec sc'oblal soc xcham yo'tanic yu'un te yutsil sc'op te la yale. Hich la yalic: ¿Ma bal ha'uc te snich'an José? xchihic.

San Lucas 4:22 Referans Kwoze

San Juan 6:42

Jich la yalic yu'un: —¿Ma bal ja'uc snich'an José te Jesuse, te ya jna'beytic sba te sme'-state? ¿Bit'il ay a te coem tel ta ch'ulchan ya yale? —xiic.

Salmos 45:2

Ja'at c'axem jich at'ujbilal a te bit'il yantic winiquetique; ma ba wocol ya xloc' t'ujbil c'opetic ta awe. Melel spisil ora yac'ojbat bendición te Diose.

Proverbios 16:21

Te mach'a ay sp'ijile, “p'ij yo'tan”, xi' sc'oplal; te lequil c'ope, ya xlecub o'tanil yu'un.

Tito 2:8

Ja' me xawal te lequil c'op te ma xju' ta controinele. Tey me ya xq'uexawic a te mach'atic ya scontroinexe, te melel ma xwejt' yu'unic te bila ya yac'beyex amulinique.

Hechos 6:10

Ja'uc me to, ma ju' yu'unic te la stsalic ta c'ope, melel ac'bot bayal sp'ijil yo'tan yu'un te Ch'ul Espíritu te c'alal yac ta c'ope.

San Juan 7:46

La yalic te policiaetique: —Xujt' ma'yuc mach'a jich ya xc'opoj a te bit'il te winique —xiic.

San Lucas 21:15

Melel te jo'one, ya me cac'beyex p'ijil c'op soc ya me cac'beyex te bila ya awalic te ma xju' yu'un sujt'esel te acontroique, soc te ma xju' ta controc'optayel yu'unique.

Isaías 50:4

Te Cajwaltic la yac'bonix p'ijubtesel swenta yu'un ya jmuc'tesbey q'uinal yaiyic te mach'atic lubenique, ja' te c'opetic te ya xjam q'uinal yaiyic yu'une. Ta jujun sab ya yac'bon cat'elin yaiyel stojol, lamal co'tan ta yaiyel.

Cantares 5:16

Te ye, mero buen bujts'an xchi'il. Ta scojt'ol stec'lejal mero t'ujbil soc mulantic sba ta ilel. Antsetic ta Jerusalén, jich me ay stuquel te mach'a mero mulanbil cu'une, jich ay te mach'a mero smulanej te co'tane.

Proverbios 25:11

Te jp'al c'op ya xloc' tel ta yorail te ya sc'an alel, jich c'oem te bit'il sloc'omba manzana pasbil ta oro te ch'albil ta plata.

Proverbios 10:32

Te mach'a toj yo'tan, bujts'an te bitic ya yale; yan te mach'a amen yo'tane, ya yal bol c'opetic.

Salmos 45:4

Ta swenta smuc'ul awutsilal beenan ta tsalaw. Ja' ay ta awo'tan te bila melele; ja' ay ta awo'tan te bila stojil ya yich'ic pasbeyel te mach'atic peq'uele. Te awa'elc'abe ya me spas bitic xiweltic sba ta ilel.

San Lucas 2:47

Spisil te mach'atic la yaiyic stojol sc'op te Jesuse, jchajp nax la yilic te bit'il ay sp'ijil sjol ta sujt'esel te aiyeje.

Eclesiastés 10:12

Te sc'op te mach'a ay sp'ijile, ya x'ac'bot yutsil q'uinal yaiy yu'un; yan te sc'op te mach'a ma sna' q'uinale, ja' nix ya xjinot yu'un te sc'ope.

San Lucas 2:48

Te sme'-state yan nax q'uinal la yaiyic yu'un te c'alal la yilique. La yal te sme'e: —Querem, ¿bistuc jich la apasbotic? Bayal ayon ta mel-o'tan ta jlebelat soc te atate —xi'.

San Lucas 4:21

Jajch' yal te Jesuse: —Ja' in c'aal to, ja' c'otix ta pasel ta atojolic te bi la ts'ibubil jilel ta Sjun Dios —xi'.

San Juan 1:45

Te Felipe la sta sba soc te Natanaele, jich la yalbey: —La jtatiquix te mach'a ts'ibubil jilel sc'oplal yu'un Moisés ta sjunal mandalil soc te ts'ibubil jilel sc'oplal yu'un te j'alwanejetique. Ja' te Jesús te snich'an José te talem ta lum Nazarete —xi'.