San Lucas 4:15 - Bible in Tzeltal de Oxchuc y Tenejapa

¹⁵ La yaiy p'ijubteswanej ta bay sinagogaetic ta juju-jpam lum. Spisilic bin nax yo'tanic yu'un ta bayuc.

Nuevo Testamento Tzeltal de Amatenango

¹⁵ Nojpeswan ta sinagoga ta jujun jtejklum, y spisilik ben jun yoꞌtanik yuꞌun.

Bible in Tzeltal Bachajón

¹⁵ La ya'iy p'ijubteswanej ta sinagogahetic yu'unic, spisilic buen lec sc'oblal yu'unic.

San Lucas 4:15 Referans Kwoze

San Mateo 4:23

Been ta spamal sq'uinal Galilea te Jesuse. La yaiy p'ijubteswanej ta sinagogaetic te banti c'ax ta beele. Soc la xcholbey yaiyic te lec yach'il c'op yu'un te bit'il ay ta ajwalinel te Diose. Soc la slamantesbey spisil te bitic chamelil te ay ta sbaq'uetalic te ants-winiquetique soc spisil ta jchajp te bila c'ux ta aiyele.

San Mateo 9:8

C'alal la yilic te ants-winiquetique, xiw yo'tanic yu'un. Jajch' yalbeyic wocol Dios yu'un te bit'il yich'oj tulan yat'el ta scoltayel te ants-winiquetique.

San Lucas 13:10

Te Jesús ba yaiy p'ijubteswanej ta bay sinagoga ta sc'aalelal cux-o'tan.

San Marcos 1:45

Jich bajt' te winique. Ora jajch' spucbey sc'oplal te bila c'oem ta pasel ta stojole. Ja' swentail te ma ju' yu'un te ya x'och bael ta lumlumtic te Jesuse. Tey been ta bay jochol q'uinal, ja'uc me to, bayal mach'a tal ta ilel yu'un ta bayuc.

San Marcos 1:39

Jich te Jesús been ta spamal sq'uinal Galilea. La yal te lec yach'il c'op ta bay te sinagoga ta juju-jpam lum, soc la sloq'uesbey te pucujetic ta yo'tanic te ants-winiquetique.

San Marcos 1:27

Spisilic jchajp nax la yilic a, soc caj sjojc'obey sbaic: —¿Bila a in to? ¿Bila yach'il nopjibal in to? Tulan yat'el yich'oj soc yu'el ta spasel ta mandal te pucujetique, soc ya xch'uunbot sc'op yu'unic —xiic.

San Mateo 13:54

C'ot ta slumal. Och yaiy p'ijubteswanej tey a ta bay te sinagoga yu'unique. Jchajp nax la yilic a te ants-winiquetique. Jich la yalbey sbaic yu'un: —¿Banti la sta te sp'ijile? ¿Bit'il ya xju' yu'un spasel te jchajp at'eliletique?

San Mateo 9:35

Te Jesús la yocliy spisil te muc'ul lumetique soc te ch'in lumetique. La yaiy p'ijubteswanej ta sinagogaetic ta juju-jpam lum. La xcholbey yaiyic te lec yach'il c'op te bit'il ay ta ajwalinel te Dios te ay ta ch'ulchane. Soc la slamantesbey biluc nax chameliluc te ay ta sbaq'uetalique, soc spisil ta jchajp te bila ay xc'uxule.

Isaías 55:5

Te ja'ate ya me awic' tel te lumetic te ma na'biluc sbaique; te lumetic te ma sna'bat aba, animal nax ya xbajt'ic ta atojol. Melel ya me cac'at ta ich'el ta muc', jo'on Awajwalon, te Ch'ul Dioson yu'un Israel —xi'.

San Lucas 4:16

Te Jesús bajt' ta lum Nazaret te banti ch'ie. Ta sc'aalelal cux-o'tan bajt' ta sinagoga, jich te bit'il c'aem ta spasele. La stejc'an sba ta yilel te Sjun Diose.