San Lucas 3:9 - Bible in Tzeltal de Oxchuc y Tenejapa

⁹ Pajal c'oemex soc te'etic te chapalix yechejul ta ts'etele. Melel spisil ta pejt' te' te ma xyac' lec site, ya me yich' ts'etel soc ya me yich' chiq'uel ta c'ajc' —xi' te Juane.

Nuevo Testamento Tzeltal de Amatenango

⁹ Pajal kꞌoemex sok te teꞌetik te chapalix yechejul ta tsꞌetele. Spisil ta jwol teꞌ te ma tsaꞌamuk sit ya yakꞌe ya me yichꞌ tsꞌetel sok ya me yichꞌ chikꞌel ta kꞌajkꞌ —xchi te Juane.

Bible in Tzeltal Bachajón

⁹ Soc chapalix te echej te ya sbojbe slohp' te te'etique. Ha yu'un spisil te'etic te ma lecuc sit ya yac', ya me yich' ts'etel soc ya me yich' ch'ojel ochel ta c'ahc', xchi.

San Lucas 3:9 Referans Kwoze

San Mateo 7:19

Spisil te' te ma lecuc site, ya yich' ts'etel. Ya me yich' chiq'uel ta c'ajc'.

San Juan 15:6

Te mach'a ma x'ain ta jtojole ya me yich' ch'ojel loq'uel ta fuera; jich te bit'il sc'ab te ts'usube, teme taqueje, ya yich' tsobel soc ya yich' chiq'uel ta c'ajc'.

San Lucas 13:9

Jich wan ya yac' sit. Teme ma la yac' site, ya me xju' ta bojel loq'uel”, xi' me —xi' te Jesuse.

San Lucas 13:7

Jich la yalbey te jcanan-awalts'unubile: “Aiya awaiy stojol, yoxebalix ja'wil te ya xtalon ta yilulayel te higo-te'e. Xujt' ma'yuc sit ya jtabey. Jich yu'un, boja loq'uel. Yu'un tojol smacoj q'uinal”, xi' soc.

San Mateo 3:10

Pajal c'oemex soc te'etic te chapalix yechejul ta ts'etel c'alal ta yisim. Melel spisil ta pejt' te' te ma xyac' site, ya me yich' ts'etel soc ya me yich' ch'ojel ochel ta c'ajc'.

Hebreos 12:29

Melel te Dios cu'untique, jich ay te bit'il c'ajc' te ya xju' ya xlajinwane.

Daniel 4:23

La awil te ay j'il-q'uinal ch'ul abat te yac ta coel tel ta ch'ulchane, te jich yac ta yalele: “Ts'etaic te te' soc lajinaic ta jc'axel, pero ijq'uitayaic ta lumq'uinal stuquel te xchumante'el soc te yisime. Chucaic jilel ta cadena pasbil ta hierro soc ta bronce, ijq'uitayaic ta yolil ja'maltic. Ac'a c'otuc ts'ujul ta sba, soc ac'a scomon lo'ic wamal soc chambalametic ta ja'maltic juqueb ja'wil”, te xie.

Daniel 4:14

jich yac ta yalel ta tulan: ‘Ts'etaic te te'e, set'beyaic te sc'abc'abe; tulbeyaic te yabenale, soc pucbeyaic te site. Ac'a anuquic bael te chambalametic te yac ta antayel yaxinal yu'une, soc nix te mutetic ayic ta sc'abc'abe.

Ezequiel 31:18

Ma'yuc junuc te'etic ta Edén pajal soc ta swenta smuc'ul soc ta swenta stoyolil. Pero pajal me ya xco bael soc yantic te'etic yu'un Edén tey ta lum ta ye'tal balumilale, swenta yu'un ya me sjoin ta nainel c'oem yantic mach'atic ma ba xch'uunejic Dios, soc nix te mach'atic lajic ta guerra. Te muc'ul te'e, ja'at me faraón soc ta spisil te alumale. Jo'on Ajwalilon te jich caloje”, uta me —xi' te Cajwaltique.

Hebreos 10:28

Teme ay mach'a ya xc'axintay te mandalil yu'un te Moisese soc teme ay cheb o oxeb testigoetic yu'un te bila amen spasoje, jich ya x'ac'ot ta lajel yu'un soc ma'yuc mach'a ya xcoltayot yu'un.

San Lucas 13:6

Albot yaiyic yu'un Jesús in seña-c'op to: —Ay jtul winic sts'unoj jpejt' higo-te' ta yawal-sts'unub. Tal yil teme ay site, ma'yuc sit la stabey.