San Lucas 24:47 - Bible in Tzeltal de Oxchuc y Tenejapa

⁴⁷ Soc ja' ta swenta te ya yich' alel ta bay chajbalchajp nacionetic te ya sujt'es yo'tanic yu'un te smulique, swenta yu'un jich me ya spasbotic perdón yu'un. Tey me neel ya xjajch' ta alel ta bay Jerusalén.

Nuevo Testamento Tzeltal de Amatenango

⁴⁷ Sok te joꞌon ta jkuenta te ya xlijk ta alel kꞌalal ta Jerusalen sok ta spisil nasionetik te ya sujtes yoꞌtanik ta stojol Diose, yuꞌun jich me ya spasbot perdon yuꞌun a te smulike.

Bible in Tzeltal Bachajón

⁴⁷ soc ya me yich' puhquel ta halel ta scuenta sbihil ta spisil nacionetic sc'oblal te suhtesel-o'tanil soc te perdón yu'un mulil, ha ya xhahch bahel ta Jerusalén.

San Lucas 24:47 Referans Kwoze

Hechos 5:31

Dios la yaq'uix ta ich'el ta muc' ta swa'el sc'ab yu'un la yaq'uix ta Ajwalil soc ta Coltaywanej, swenta yu'un ya me yac'bey sujt'es yo'tanic ta stojol Dios te israeletique. Jich me ya spasbey perdón yu'un te smulique.

Isaías 49:6

Jich ya yalbon: —Ma tic'uc a te ja' nax cabat yu'un te ya anajc'an xan te jayeb ta jchajp sts'umbal Jacob, soc te ya apas te ya sujt' xan tel te mach'atic cuxulic xan ta Israel. Jo'on ya jpas te ya sacub q'uinal awu'un ta stojol te nacionetique, ja' te ya awich'bon bael te colel cu'un ja' to ta bay c'ubul q'uinal bael yu'un te balumilale —xi'.

Hechos 2:38

La yal te Pedroe: —Sujt'esa awo'tanic ta stojol Dios, soc ac'a abaic ta ich'ja' juju-jtulex ta swenta sbiil te Jesucristoe. Jich me ya spasbeyex perdón yu'un te amulique, soc jich me ya yac'beyex te Ch'ul Espiritue.

Hechos 20:21

Jamal la calbey yaiy te judioetique soc te jyanlumetique, te ya sc'an ya sujt'es yo'tanic ta stojol Dios soc te ya yac' xch'uunjel yo'tanic ta stojol te Cajwaltic Jesucristoe.

Hechos 13:46

Jich te Pabloe soc te Bernabé, jajch' yalbey yaiyic ta jamal: —Te ja'ex te judioex atuquelique, puersa neel albotex awaiyic te sc'op Diose, ja'uc me to, la ap'ajiquix soc ma x'ac'anic te ya awich'ic acuxlejalic sbajt'el q'uinale. Jich yu'un ta ora to, tey me ya xbootic ta stojol te jyanlumetique.

San Mateo 28:19

Jich yu'un, baanic, soc albeyaic te ya x'ochic ta jnopojel cu'un spisil ta jchajp te nacionetic, soc ac'beya yich'ic ja' ta swenta te Tatile, soc ta swenta te Nich'anile, soc ta swenta te Ch'ul Espiritue.

Malaquías 1:11

Ta spisil nacionetic ta balumilal ay mach'atic te yich'ojonic ta muq'ue; ta bayuc ta spisil ya xchiq'uic pom ta swenta quich'jibal ta muc', soc ya yac'bonic majt'aniletic te lequique.

Hechos 11:18

Te c'alal la yaiyic stojol spisil in to te mach'atic la stijic ta c'op te Pedroe, ch'abic ta c'op yu'un soc la yalbeyic jelawen yutsil sc'oplal te Diose. Jich la yalic: —¡Dios la yac'beyix sujt'es yo'tanic yu'un smulic te jyanlumetique, swenta yu'un jich me ya xcuxinic sbajt'el q'uinal uuc! —xiic yu'un.

Hechos 26:18

Yu'un ya me xc'o ajambey sitic, swenta yu'un ya yijq'uitayic te ijc' q'uinale, jich me ya xbeenic ta saquil q'uinal. Soc swenta yu'un ma me ayuc xan ta sc'ab te Satanase, ja' me ya yac' sbaic ta sc'ab te Diose. Jich me ya xch'uunonic, soc ya me jpasbey perdón yu'un te smulique, soc ya me yac' ainuquic tey a ta banti ainemic te mach'atic ch'ultesbilique”, xi' ta yalbelon te Jesuse.

Daniel 9:24

“Ya me xc'ax lajuneb xchanwinic (70) semana ta stojol te alumal soc te ch'ul lum awu'une, ja' to me ya sta yorail ya xlaj a te toybail soc te mulile, ja' to me ya sta yorail te perdón yu'un te bila amen yich'oj pasele. Sbajt'el me q'uinal ja' ya yich'ix pasel a te bila stojile, soc swenta yu'un jich ya xc'otix ta pasel a te bila chicnajem ta aiyele, soc nix te bila albil ta alwanej-c'ope, soc te ya yich' ch'ultesel xan te Mero Ch'ul Awilale.

Jeremías 31:34

Ma'yuquix mach'a ya xp'ijubtesot yu'un sjo'tac ni spat-xujc' ta swenta sna'belonic jba, melel spisilic me, bay muc'-biq'uit, ya me sna'bonic jba. Ya jpasbey perdón te bila amen spasoje, soc ma ba ya jna'bey xan te smulique. Jo'on Ajwalilon, jich ya cal —xi' te Cajwaltique.

Salmos 86:9

Cajwal, ja'at la apas spisil te nacionetic; ya me xtalic ta atojol swenta yu'un ya xch'uunat soc swenta yu'un ya yalbat yutsil ac'oplal.

San Mateo 3:2

Tey jajch' yalbey ta stojol spisil te ants-winiquetique: —Sujt'esa awo'tanic ta stojol te Diose, yu'un nopol ya xjajch'ix te bit'il ay ta ajwalinel te Diose —xi' te Juane.

Oseas 2:23

Jich me ya jts'un ta q'uinal c'oem te lum cu'un, te ja' nax mero cu'un jtuquele; ya me jna'bey yo'bolil sba te Lo-ruhama, te Lo-ami ya calbey: “Ja'at lumat cu'un”, ya cut, soc jich me ya yalbon: “Ja'at Diosat cu'un”, xi' me —xi' te Cajwaltique.

Salmos 22:27

Ja'ex te sts'umbalex spisil ta jchajp ants-winiquetic, ja'ex ta apisilic te ayex ta spamal te balumilale, na'aic me te Cajwaltic. La'ic me, quejana abaic ta stojol.

Génesis 12:3

Ya me cac'bey bendición mach'a jayeb te lec yo'tan awu'un. Te mach'a jayeb ma lecuc yo'tan awu'une, boloben me sc'oplal cu'un ya xc'ot. Ja'at me ta awenta te ya cac' bendición ta stojol spisil ants-winiquetic ta balumilal —xi' sc'oplal yu'un te Diose.

1 Juan 2:12

Cal-jnich'nab, jich la jts'ibubeyex in to, yu'un ch'aybilix amulic yu'un Dios ta swenta sbiil te Jesucristoe.

Colosenses 1:27

Jich la sc'an yo'tan Dios te ya yac'botic jna'tic in c'op to te muquen aye, ja' te c'op te jelawen yutsil ta aiyel stojol yu'un spisil te jyanlumetique: Ja' te bit'il ya x'ain ta awo'tanic te Cristoe, swenta yu'un jun awo'tanic ta smaliyel te ya awich'ic ta patil te yutsilal te Diose.

Hechos 10:43

Soc ja' te mach'a la yalbeyic sc'oplal ta neelal to te j'alwanejetic yu'un te Diose, te bit'il ja' ta swenta sbiil Jesús te ya spasbot perdón yu'un smulic spisil te mach'atic ya xch'uunique —xi' te Pedroe.

Hechos 4:12

Ma'yuc yan te mach'a ay colel ta swenta, melel ma'yuc yan ta spamal balumilal te yac'ojbotic sbiil te Diose te ya xju' ya xcolotic ta swentae —xi' te Pedroe.

Hechos 3:19

Jich yu'un sujt'esa awo'tanic ta stojol te Diose, soc ch'uunaic. Jich me ya stup'beyex te amulique. Jich me ya sta yorail te ya yac'beyex xan yip awo'tanic te Diose

Miqueas 4:2

Ya xtal bayal ta jchajp nacionetic, jich me ya yalbey sbaic: —La'ic, ya xmootic bael ta wits yu'un te Cajwaltique; ya xmootic ta templo yu'un te Dios yu'un Jacob. Ja' me ya yac'botic quiltic te beetic yu'une; jich me ya xju' xbeenotic ta bay ch'in beetic yu'une —xi'. Melel ta Sión ya xloc' tel te p'ijubtesjibal yu'un te Cajwaltique; ta Jerusalén ya xtal te sc'ope.

Isaías 52:15

Ja' nix jich bayal nacionetic jchajp nax me q'uinal ya yaiyic; te muc' ajwaliletic, te c'alal ya yilique, ma me xwejt' bi ya yalic yu'un. Melel ya yilic, soc ya xc'ot ta yo'tanic te bi jc'axel ma'yuc bay yaiyojic stojole.

Isaías 52:10

Te Cajwaltic la yaq'uix ta ilel te yu'el ta sit spisilic te nacionetique. Spisil ants-winiquetic ta spamal balumilal ya me sna'ic te la scoltayotiquix te Dios cu'untique.

Efesios 3:8

Te jo'one peq'uel ayon yu'un spisil te mach'atic ch'ul lum yu'un te Diose. Ja'uc me to, ya jcholbey yaiyic te jyanlumetic te lec yach'il c'ope, ja' te sc'oplal te jelawen to xan ay yutsil yo'tan te Cristoe.

Efesios 1:6

Swenta yu'un ya jc'ajintaybeytic yutsilal te Diose, yac'ojbotic bayal bendición ta swenta te Snich'an te bayal c'ux ta yo'tane.

Romanos 5:20

Melel te mandalile, la yac' toyuc xan yip te mulile. Jich toy xan te mulile. Ja'uc me to, c'axem to xan la yac' ta ilel te yutsil yo'tan te Diose.

Hechos 28:28

Na'aic me stojol jiche: Ja' me ya xc'ot ta swentaic te jyanlumetic te bit'il ay colel yu'un te Diose. Ja' me ya yaiyic stojol stuquelic —xi' te Pabloe.

Hechos 26:20

Ja' sbabial la cal ta lum Damasco, soc ta patil ta lum Jerusalén, soc ta spamal sq'uinal Judea, soc ta stojol te jyanlumetique. La calbey te ya sc'an te ya yijq'uitayic te smulique, soc te ya sujt'es yo'tanic ta stojol te Diose, soc te ya sc'an xyanaj xcuxlejalic ta stojol te Diose, soc te ya sc'an ya xchicnaj ta yat'elic te bit'il sujt'emix yo'tanic ta melele.

San Lucas 13:34

“¡Jerusalén, Jerusalén! C'aemat ta smilel te j'alwanejetic yu'un te Diose soc c'aemat ta xch'ojel ta ton te mach'atic ticunbilic ta c'op yu'une. Bayal buelta te c'an jtsobeyex te awal-anich'nabe, jich bit'il ya stsob yalatac ta yanil xic' te me'mute. Ja'uc me to, ma la ac'anic.

San Mateo 9:13

Baan, nopaic te bi ya yal te Sjun Diose: “Ja' ya jc'an te ya awaiyic c'uxtaywaneje. Ma ja'uc ya jc'an te milbil majt'anile”, te xie. Melel ma ja'uc tal quic' te mach'atic tojique. Ja' tal quic' te jmulawiletic te ya sujt'es yo'tanic ta stojol te Diose —xi' te Jesuse.

Oseas 11:8

“¿Bit'il c'an quijq'uitayat ta co'tan, Efraín? ¿Bit'il c'an ch'ayucat ta co'tan, Israel? ¿Jich bal c'an jinat te bit'il la jin te lum Adma, jich bal ya jpasbat ta atojol te bit'il la jpasbey te lum Zeboim? Bayal ya xc'opoj co'tan awu'un; ta spisil co'tan ya jna'belat yo'bolil aba.

Isaías 49:22

Te Cajwaltic ya yal: —Ya me jpas ta mandal te nacionetic, ya cac'bey seña yilic te lumetique, swenta yu'un ya spetbeyex tel te anich'nabic, soc te awantsil-nich'nabique ya me scajanic tel ta snejq'uelic.

Isaías 11:10

Te bi c'aalil ya xc'ot ta pasele, ya xpulin te slojp' te' Isaí sbiil, te spul ya me xchicnaj jajch'el jichuc bandera, ta swenta señail ta stojol te lumetique. Te nacionetic ya me xba sleic; te awilal te banti aye, ay me yutsilal tey a.

Isaías 5:4

¿Ay to bal bila pasel ya sc'an xan ta bay te ts'usubiltic cu'une? ¿Ay bal bi ma jpasojuc? La jmaliy te chi'uc la yac' sit te ts'usubetique, ¿bi yu'un te paj la yaq'uic te site?

Salmos 67:7

Ac'a yac'botic bendición te Diose. Ac'a ich'otuc ta muc' yu'un te ants-winiquetic ta spamal balumilal.