San Lucas 24:44 - Bible in Tzeltal de Oxchuc y Tenejapa

⁴⁴ La yalbey yaiyic ts'iin: —Te bila c'ot ta pasel ta jwentae, ja' te la calbeyex awaiyic te c'alal joinejex to a. Puersa jich c'ot ta pasel spisil te bila ts'ibubil jilel jc'oplal ta mandalile yu'un te Moisés soc ta sjun te namey q'uinal j'alwanejetic yu'un te Diose soc ta salmoetic —xi'.

Nuevo Testamento Tzeltal de Amatenango

⁴⁴ Te nax a la yaltalanbe: —Te tuti kꞌot ta pasel ta jkuentae, jaꞌ te la kalbeyex ta kꞌalal joyinejex to ae. Te puersa jich ya xkꞌot ta pasel spisil te tut tsꞌibabil jilel ta mantaliletik yuꞌun te jMoisese sok ta sjun te jꞌalwanejetik yuꞌun te Diose sok ta salmoetik —xchi.

Bible in Tzeltal Bachajón

⁴⁴ Patil hich la yalbe: Hich ay te bin la jcalbeyex te c'alal joquex to a, te ya sc'an te ts'acal ya xc'oht ta pasel te bin ya yalbon jc'oblal te ts'ihbabil ta Ley yu'un Moisés, ta shun jalwanejetic soc ta salmohetic, xchi.

San Lucas 24:44 Referans Kwoze

Zacarías 12:10

“Ya me jnojesbey ta yo'tanic yutsil-o'tanil ta sc'oponel Dios, te patil alnich'anetic yu'un David soc te mach'atic nainemic ta Jerusalén. Jich me ora ya yilic te mach'a la slowique. Ya me smel yo'tanic yu'un, ya me x'oq'uic yu'un, jich me ta yo'tanic te bit'il laj te jip jtul snich'an, o teme ja' te ba alale.

Zacarías 9:9

¡Binuc nax me awo'tan, lum Sión! ¡C'ajinanic swenta yutsil q'uinal awaiyic, yajwal Jerusalén! Te muc' Ajwalil awu'un ya me xtal ta atojol, buen toj yo'tan, soc ju'em yu'un tsalaw stuquel. Pero peq'uel yac'oj sba, cajal ta jcojt' burro, ta yal me' burra.

Hechos 13:33

Melel Dios la yac' c'otuquix ta pasel ta jtojoltic, jo'otic te patil alnich'anotique, te c'alal la xcha'cuxes tel ta bay animaetic te Jesuse, jich bit'il ts'ibubil jilel ta bay salmo número dos: “Te ja'at jnich'anat. Nax to nax ayinat cu'un”, te xie.

San Lucas 9:22

Soc la yal: —Te Nich'anile puersa ya xc'ax bayal swocol soc xujt' ma'yuc sc'oplal ya xc'ot ta yo'tanic te principaletique soc te jwolwanej-sacerdoteetique soc te jts'ibojometique. Ya me x'ac'ot ta lajel yu'unic, soc ya me xcha'cux tel ta yoxebal c'aal —xi'.

Isaías 7:14

Jich yu'un, ja' nix me te Cajwaltic te ya yac'beyex awilic señail: Te ach'ixe yic'ojix yal, ya me x'ayin jtul squerem-al, Emanuel, sbiil ya xc'ot yu'un.

Apocalipsis 19:10

La jpajc'an jba ta yacan te ch'ul abate, yu'un c'an jlajin jba ta stojol. Ja'uc me to, jich la yalbon: —Ma me xapas jich. Melel te jo'one, yabaton uuc te Diose, jich te bit'ilate soc spisil awermanotac te jun yo'tanic ta xch'uunel te testigo-c'op la yal te Jesuse. Ja' me x'alajin aba ta stojol te Diose —la yuton. Melel te testigo-c'op la yal te Jesuse, ja'ix te ya x'at'ej ta yo'tanic te mach'atic j'alwanejetic yu'un te Diose.

Hebreos 10:1

Melel te mandalile squeawil nax te bila lec, te patil chicnaj ta jamale, melel ma ja'uc ta swenta mandalil te ya jtatic te bila leque. Yu'un te mandalile ma xju' ya yutstes ta jc'axel te mach'atic ya xnoptsajic tel ta stojol Dios ta swenta te chambalametic te ya yich' malel xch'ich'el ta stojol Dios ta jujun ja'wile.

San Juan 5:46

Te yu'unuc ja'uc ach'uunejic te bi la yal te Moisese, ya ach'uunonic te jichuque. Melel te Moisese, ja' nix la sts'ibubon jc'oplal ta jun.

Zacarías 6:12

Jich me xawalbey: “Te Cajwaltic te Spisil ya xju' yu'une, ya yal ta jamal te ay jtul winic te Spul sbiil te ya xpulin loq'uel tel ta atojol, te ya xcha'pas xan te templo yu'un te Cajwaltique.

Isaías 9:6

Melel ayinemix jtul alal cu'untic, Dios la yac'botic jtul nich'anil, ja' te ac'bil yu'el ta mandalteswanej. Ja' me sbiilic ya xc'ot: “Jchajp nax Jtojteswanej”, “Dios te bayal yip”, “Tatil sbajt'el q'uinal”, soc “Ajwalil yu'un lamal q'uinal”.

Isaías 28:16

Jich yu'un ya yal te Cajwaltique: —Ya cac' jp'ij ton ta lum Sión, ja' te jp'ij ton te tsabil, soc te mero bayal yutsile, ja' te mero bayal sc'oplal yu'un spasel na, ja' te ya xtuun yu'un te yiptajibe. Te mach'a ya yac' smuc'ul yo'tan ta stojole, ma ba ya xiw yo'tan.

Salmos 118:22

Te ton te ma lecuc la yilic te jpas-naetique, ja' mero muc' sc'oplal c'oem stuquel.

Zacarías 13:7

Te Cajwaltic te Spisil ya xju' yu'un jich ya yal: —Puñal, jajch'an ta swenta scontroinel te jcanan cu'une, swenta scontroinel te abat cu'une. Mila te jcanane, te chijetic ya me xpujq'uic bael, te jo'one ya me x'ochon ta scontroinel te alal chijetique.

Oseas 3:5

Ta patil te israeletic ya sujt'ic tel, ya xtal sleic te Cajwaltic, te Dios yu'unique, soc te muc' ajwalil yu'unic, ja' te David. Ta slajibal c'aal, ya me xnoptsajic tel ta stojol te Cajwaltique, ya me yich'ic ta muc', soc bin nax me yo'tanic yu'un te lequilal ya yac' stuquele.

Ezequiel 34:23

Ya me cac' chicnajuc xan tel te cabat David, ja' me ya cac' ochel ta jcanan-chij stuquel. Ja' me ya xcanantayotic yu'un, ja' me jcanantaywanej yu'unic ta mero melel stuquel.

Isaías 52:13

Te cabate, lec me ya xc'ot ta loq'uel; ya me xtoyesot jajch'el, muc' me ya xc'ot.

Génesis 22:18

Ta swenta ats'umbal ya x'ac'bot bendición bayal ta jtul ta spamal balumilal, yu'un la ach'uunbon jmandal”, te xie —xi' sc'oplal yu'un.

Hebreos 9:8

Jich ya yac'botic jna'tic stojol te Ch'ul Espiritue te bit'il ma to jamaluc sbelal te Mero Ch'ul Awilale, te jayeb c'aal yac to ta tuunel ta yich'el ta muc' Dios te sbabial nailpac' temploe.

San Juan 5:39

Ya anopilayic ta sp'alap'al te bila ts'ibubil jilel ta Sjune, yu'un ya awalic te tey la ataiquix a te bit'il ya xcuxinex sbajt'el q'uinale, soc ja' ya yalbon jc'oplal,

Zacarías 14:4

Te c'alal ya sta sc'aalelal te Cajwaltic ya me stec' ta yacan te wits yu'un Olivoiltic, snujp'usitayej sba soc Jerusalén ta stojol sloq'uib c'aale. Ya me sjep ta olil te wits yu'un Olivoiltic, jun muc'ul suclej te ya xbajt' ta stojol sloq'uib c'aal soc ta stojol smalib c'aal, cheb me witsetic ya xc'otix a. Te olil wits ya me xbajt' ta stojol norte, te yan olil xane ya me xbajt' ta stojol sur.

Daniel 7:13

“Tey yacon ta yilel a te bitic la quil ta ajc'ubale. Ora nax la quil ay mach'a tal ta tocal, pajal soc te Nich'anile, toj bael ta banti ay te Mamale. Te Mamal la yac' noptsajuc bael ta sts'eel.

Daniel 2:44

Te c'alal ay yat'elic ta muc' ajwalil ae, te Dios ta ch'ulchan ya me yac' ochel jtul jmandalteswanej te sbajt'el q'uinal ma ba ya xlaje, soc te ma'yuc bi ora ya x'u'uninot yu'un yan nación. Ja' me ya slajin ta jyalel te yantic ajwaliletique, ja' nax me muc' ajwalil ya xjil ta sbajt'el q'uinal stuquel.

Ezequiel 17:22

“Jo'on Ajwalilon te jich ya cale: Jo'on uuc ya me jtsacbey te sni'il mero toyol cedro. Ya me jecbey jchexuc spul, ja' me te spul mero unin toe, swenta yu'un jo'on me ya jts'un, ya me jts'un ta mero toyol wits.

Jeremías 23:5

Te Cajwaltic jich ya yal: —Ya me sta sc'aalelal te ya cac'bey tel jtul mero sts'umbal David, ja' me jtul muc' ajwalil te ya xmandalaj soc sp'ijil, soc toj me ya x'at'ej ta chajbanwanej ta stojol te lume.

Números 35:25

Te lum ya me xc'opoj yu'un te mach'a ma ba snopoj ta yo'tan te la yaiy milawe, ma me xyaq'uic te ya sujt'esbey spacol te yermano te mach'a lajeme. Yan te mach'a la yaiy milaw, ya me yich' ticunel sujt'el ta bay lum yu'un anjibal, tey nix ta bay sleoje. Tey me ya xjil a ja' to me c'alal ya xlaj te muc' sacerdote te ochemix ta ch'ul at'ele.

Números 21:8

Te Cajwaltic, jich la yal: —Pasbeya sloc'omba chan te pajal yilel soque, jojc'ana ta najt'il te'. Teme ay mach'a ti'bilix yu'un chan, teme ya stoy moel sit ta yilel te sloc'ombail chan te joc'ol ta te', jich me ya xcol —xi' te Cajwaltique.

Génesis 3:15

Ya me cac' te contro ya awil aba soc te antse, soc te ats'umbale contro ya yil sba soc te sts'umbale. Ja' me ya yejch'entesbat ajol te patil alnich'an yu'une, yan te ja'ate yit nax yacan ya awejch'entesbey atuquel —xi' sc'oplal yu'un.

San Juan 3:14

Soc jich te bit'il la sjijp'an jti'awal chan ta bay jochol taquin q'uinal te Moisese, ja' nanix jich ya yich' jijp'anel uuc te Nich'anile,

San Lucas 24:46

Jich la yalbey yaiyic: —Jich ts'ibubil jilel te puersa ya xc'ax swocol te Cristoe, soc te ya xcha'cux tel ta yoxebal c'aal ta bay te animaetique.

Jeremías 33:14

Te Cajwaltic jich ya yal: —Ya me xc'ot sc'aalelal te ya xc'ot ta pasel cu'un te bendición te la calbey sc'oplal ta stojol te lum Israel soc Judá.

Génesis 49:10

Ma'yuc mach'a ya spojbey yat'el ta muc' ajwalil te Judá, ni ja'uc sbastón te yich'oj ta sc'ab, ja' to ya xtal te mach'a yu'un stuquel te at'ele, ja' te mach'a ya xch'uunbot smandal yu'un te lumetique.

Génesis 14:18

Te muc' ajwalil yu'un Salem, te Melquisedec sbiile, ja' te mach'a yich'oj yat'el ta sacerdoteil yu'un te Dios te toyol ay stuquele, la sloq'ues waj soc vino.

Hebreos 7:1

In te Melquisedeque, ja' namey q'uinal muc' ajwalil yu'un te lum Salem soc sacerdote yu'un te Ch'ul Dios te ay ta ch'ulchane. Te c'alal sujt' tel te Abrahame te xc'otuc stsal jilel ta guerra te muc' ajwaliletique, te Melquisedeque loc' sta ta be te Abrahame. Tey la yac'bey bendición a.

Hebreos 3:5

Jich te Moisese, te abat nax yu'un te Diose, jun nax yo'tan la yac' sba ta abatinel ta bay sna te Diose. Ja' yat'el ac'bot spas tey a te ya yalbey sc'oplal te bila ya yal ta patil te Diose.

Hechos 7:37

Soc ja' nix Moisés te la yalbey te israeletique: “Te Diose ya me yac'beyex jtul j'alwanej te ya xchicnaj ta awolilic jich te bit'il la xchicnanteson ta awolilic te jo'one. Ja' me x'awich'beyic ta muc' te bila ya yalbeyex awaiyique”, te xie.

San Lucas 22:37

Ya calbeyex te puersa ya xc'ot ta pasel te bila ts'ibubil jilel ta bay Sjun te Diose: “La sjoin ta ajtayel te jmulawiletique”, te xie. Ya me xc'ot ta pasel spisil te bit'il ts'ibubil jilel jc'oplale —xi' te Jesuse.

San Lucas 21:22

Yu'un ja' me yorailix te castigo ta stojolique. Jich me ya xc'ot ta pasel spisil te bila ts'ibubil jilel sc'oplal ta Sjun te Diose.

San Lucas 9:44

—Aiya awaiyic stojol ta lec te bila ya calbeyexe: Te Nich'anile ya me x'ochon ta sc'ab te ants-winiquetique —xi'.

San Mateo 26:56

Ja'uc me to, ja' ya xc'otix ta pasel spisil te bila ts'ibubil jilel yu'un te j'alwanejetic yu'un te Diose —xi' te Jesuse. Spisil te jnopojeletic yu'un te Jesuse la yijq'uitayic jilel. Bajt'ic ta anel.

San Mateo 26:54

Ja'uc me to, ¿bit'il ma c'an c'otuc ta pasel te bila ts'ibubil ta Sjun Dios te ya yal te puersa jich ya xc'ot ta jwentae? —xi' te Jesuse.

San Mateo 16:21

Ja' nix yorail a te Jesús caj xcholbey yaiyic te jnopojeletic yu'une te ya xbajt' ta Jerusalén, soc te tey ya xc'ax bayal swocol ta sc'abic te principaletique soc te jwolwanej-sacerdoteetique soc te jts'ibojometique. Soc la yal te bit'il ya x'ac'ot ta lajel, soc te ya yich' cha'cuxesel ta yoxebal c'aal.

Amós 9:11

Ya yal te Cajwaltic: —Ya me sta sc'aalelal te ya jpas ta yan buelta te sna David te jineme. Ya jmacbey te bay jinemic, ya jach te jinem ts'ajq'uetic. Jich nix ya jcha'pas xan te bit'il namey tele,

1 Pedro 1:11

La snopilayic mach'a a, soc te bi ora ya xc'ot ta pasel te bila la yal te Espíritu yu'un te Cristo te sjoinejique. La yalbey sc'oplal te bila woclajel ya yaiy te Cristoe, soc te bila utsilal ya sta ta patile.

Hechos 3:18

Dios la sc'otes ta pasel te bila la yal ta namey q'uinal ta swenta sti' spisil te j'alwanejetic yu'un te ya xc'ax swocol te Cristoe.

San Marcos 9:31

melel yac ta sp'ijubtesel te jnopojeletic yu'une. Jich yac ta yalel: —Te Nich'anile ya me x'ac'ot ta sc'ab te ants-winiquetique. Ya me smilic, ta patil te c'alal lajemix ae, ya me xcha'cux tel ta yoxebal c'aal —xi' te Jesuse.

San Mateo 1:22

Spisil in to c'ot ta pasel swenta yu'un jich me ya xc'ot te bila yaloj te Cajwaltic ta swenta te j'alwanej yu'une:

Hechos 2:27

melel ma ba ya apijt'esbon jilel jch'ulel ta bay te muquenale, soc ma xawac' c'a'uc jbaq'uetal tey a te Ach'ul-nich'anone.

Hechos 13:40

Tsajtaya me abaic jiche, ma me ja'uc ya xc'ot ta pasel ta atojolic te bila la yal jilel te j'alwanejetic yu'un te Diose, te jich la yalique: