San Lucas 24:41 - Bible in Tzeltal de Oxchuc y Tenejapa

⁴¹ Ja'uc me to, ma xna'baj ta ch'uunel yu'unic la yaiyic, ta scaj te ay bayal sbujts' te yo'tanique soc bayal yac ta aiyej te yo'tanique. Jich te Jesuse la sjojc'obey yaiyic: —¿Ay bal we'elil awich'ojic jtebuc? —xi'.

Nuevo Testamento Tzeltal de Amatenango

⁴¹ Pero te to nax ma xchꞌuunik lek a ta skaj te ben bayal sbujts yoꞌtanik yuꞌune sok te yipal ta aꞌabiyej te yoꞌtanike. Jaꞌ yuꞌun te Jesuse la sjojkꞌolanbe: —¿Me ay tut ya aweꞌik chꞌinuk liye? —xchi.

Bible in Tzeltal Bachajón

⁴¹ Te bin ut'il ma to ba la sch'uhunic ta scaj tse'el yo'tanic soc ta scaj te xcham yo'tanic yu'un, hich halbotic yu'un Jesús: ¿Ay bal jtebuc we'elil awu'unic li'i? xchi.

San Lucas 24:41 Referans Kwoze

San Juan 21:5

Te Jesús jich la yal: —Winiquetic, ¿ay bal la atsaquic cojt'uc te chaye? —xi'. La yalic: —Ma'yuc —xiic.

San Juan 16:22

Ja' nanix jich te ja'exe, ayex ta mel-o'tan ta ora to. Ja'uc me to, ya me quilbeyex xan asitic soc ya me xbujts'naj ta lec awo'tanic yu'un. Te sbujts' awo'tanique ma xju' ta pojel.

Job 9:16

Teme ya jc'opon, teme ya sjac'bon te jc'ope, pero ma xju' ya cal te ya yaiybon te jc'ope.

San Marcos 16:11

Jich la yaiyic stojol te bit'il cuxulix te Jesuse, soc te bit'il la yilix te María, ja'uc me to, ma la xch'uunic.

San Marcos 16:13

Te chebique ba yalbey yaiyic te yantique. Ja' nanix jich ma la xch'uunbeyic te sc'opique.

San Marcos 16:14

Ta slajibal la yac' sba ta ilel ta stojol te buluchtul jnopojeletic te c'alal yacalic ta we'ele. La yalbey ta sitic te ma'yuc bi ya sc'an xch'uun yo'tanique soc te tulan te yo'tanique, melel ma la sc'an xch'uunbeyic sc'op te mach'atic la yiliquix te cha'cuxemixe.

San Lucas 24:11

Te jpuc-c'opetique, la scuyic ta jowil c'op nax te bila la yalique. Jich ma la xch'uun yo'tanic. [

San Lucas 24:40

Te c'alal jich la yalbey yaiyique, la yac'bey yilic te sc'abe soc te yacane.]

San Lucas 24:42

Jich la yac'beyic jc'asuc wobil chay soc xejt'uc chab.

Hechos 12:14

Te c'alal la yaiy stojol te ja' sc'op te Pedroe, bin nax yo'tan yu'un, ja'uc me to, ma la sjam te ti'naile. Animal och bael ta yutil na ta yalel yaiy te yantique te ja' teq'uel ta ti'nail te Pedroe.

San Marcos 8:7

Soc ay cha'oxcojt' ch'in chay yich'ojic. Te Jesuse la yalbey wocol Dios yu'un uuc, soc la yac' ta puquel.