San Lucas 24:32 - Bible in Tzeltal de Oxchuc y Tenejapa

³² Jich jajch' yalbey sbaic: —Ja' cati swentail te bayal sbujts' la caiytic ta co'tantic te c'alal yac tel ta aiyej ta be soc te la xcholbotic caiytic te Sc'op Diose —xiic.

Nuevo Testamento Tzeltal de Amatenango

³² Jaꞌ yuꞌun lijk yalbe sbaik: —Jaꞌ mejtik sluwar ben tsꞌaam a kaꞌitik ta koꞌtantik te kꞌalal yipalotik tal ta aꞌabiyej ta bee, sok te ya yalbotik tal sluwaril te skꞌop Diose —xchiik.

Bible in Tzeltal Bachajón

³² Talel c'axel hahch yalbe sbahic: ¿Ma bal ayuc yutsil c'oht ta co'tantic te c'alal la sc'oponotic ta be soc te c'alal la sjam ca'iytic te Shun Dios? xchihic.

San Lucas 24:32 Referans Kwoze

San Lucas 24:45

Soc la sjambey yo'tanic yu'un sna'el stojol te bila ts'ibubil ta Sjun te Diose.

Hebreos 4:12

Melel cuxul te sc'op Diose, soc bayal yip ya x'at'ej. C'ax jich ya xlajinwan a te bit'il puñal te cha'jejch' ay yee. Najt' ya x'och c'alal ta banti ay te co'tantique soc te jch'uleltique, tey to c'alal a ta banti ay te xchinamil jbaqueltique. Ya xchicnantes ta jamal spisil te bila jnopoj ta co'tantique soc te bila baem co'tantic ta sna'el juju-jtule.

Jeremías 20:9

Teme ya cal: “Ma'yuquix ta co'tan te Cajwale, ma ba ya calbeyix sc'oplal”, teme xoone, jich yu'un te ac'op ta yutil co'tan ya xc'atp'uj ta c'ajc'. Jich ya xc'ajc'on ta jc'axel, ya me sol ochel c'alal ta jbaquel. La jnop te c'an jcom jba ta yalel te ac'ope; ja'uc me to, ma ba ju' cu'un.

Salmos 39:3

mero xpulet c'ajc' ta co'tan la caiy. La jna' ta co'tan, jich toy xan c'ajc' ta co'tan, ja' yu'un jich la cal ta tulan:

Jeremías 15:16

C'alal la ac'oponon, la jwe'elinbat te ac'ope; jamal q'uinal la caiy yu'un soc bin nax co'tan yu'un, melel jo'on awu'uninejon, Cajwal, te Diosat te Spisil ya xju' awu'une.

Proverbios 27:17

Te taq'uin ya yich' juxel ye ta yan taq'uin, ja' pajal soc te mach'a ya sta sba ta c'op soc yan.

San Juan 6:63

Ja' ya yac' cuxlejal stuquel te Espiritue; ma'yuc bi ya xju' yu'un stuquel te ch'ich'-baq'uete. Te jc'op te la calbeyexe, ja' yu'un te Espiritue te ya xcuxinex yu'une.

Hechos 28:23

Jich la xchapic te bi c'aalil ya xtal yaiyic stojole. C'alal la sta sc'aalelal, tsobol ta jtul tal stsob sbaic tey a ta banti smajanej na te Pabloe. Sab to jajch' ta c'op, ja' to c'alal malix a te c'aale. Ja' la xcholbey yaiyic te bit'il ay ta ajwalinel te Diose. Yu'un yo'tanuc ya yac' xch'uunic Jesús ta swenta te bila ts'ibubil jilel sc'oplal ta bay te mandalil yu'un te Moisese soc ta bay sjun te j'alwanejetique.

Isaías 50:4

Te Cajwaltic la yac'bonix p'ijubtesel swenta yu'un ya jmuc'tesbey q'uinal yaiyic te mach'atic lubenique, ja' te c'opetic te ya xjam q'uinal yaiyic yu'une. Ta jujun sab ya yac'bon cat'elin yaiyel stojol, lamal co'tan ta yaiyel.

Salmos 104:34

Te ayuc bit'il lec yo'tan Cajwal yu'un te bila ya jnop ta co'tan, melel ja' nax stuquel te tey ya jta sbujts' co'tan ae.

Proverbios 27:9

Te bila ya xbujts'naj co'tantic jtebuc yu'un, ja' te t'ujbil perfume; te bila ya xbujts'naj co'tantic yu'un ta mero melel, ja' te tojtesel yu'un te jpat-jxujc'tique.

San Marcos 4:34

Ma'yuc bay jich nax a c'opoj, puersa la stuuntes seña-c'opetic. Yan te jnopojeletic yu'une jamal la xcholbey yaiyic spisil.