San Lucas 24:26 - Bible in Tzeltal de Oxchuc y Tenejapa

²⁶ ¿Ma bal jichuc la sc'an te puersa ya xc'ax swocol neeluc te Cristo te ma to x'och ta bay te utsilale? —xi'.

Nuevo Testamento Tzeltal de Amatenango

²⁶ ¿Me ma wan puersauk nail ya xkꞌax swokol te Cristoe, antes te ya xꞌoch te ba lekilale? —xchi.

Bible in Tzeltal Bachajón

²⁶ ¿Ma bal hichuc la sc'an te ya xc'ax swocol te Cristo, soc patil ya x'och ta utsilal yu'un?

San Lucas 24:26 Referans Kwoze

1 Pedro 1:11

La snopilayic mach'a a, soc te bi ora ya xc'ot ta pasel te bila la yal te Espíritu yu'un te Cristo te sjoinejique. La yalbey sc'oplal te bila woclajel ya yaiy te Cristoe, soc te bila utsilal ya sta ta patile.

Zacarías 13:7

Te Cajwaltic te Spisil ya xju' yu'un jich ya yal: —Puñal, jajch'an ta swenta scontroinel te jcanan cu'une, swenta scontroinel te abat cu'une. Mila te jcanane, te chijetic ya me xpujq'uic bael, te jo'one ya me x'ochon ta scontroinel te alal chijetique.

Hechos 17:3

Jamal la xcholbey yaiyic te bit'il puersa c'ax swocol te Cristoe, soc te bit'il laje, soc te bit'il cha'cux tele. Soc jich la yalbey yaiyic: —Te Jesús te ya calbeyex sc'oplale, ja'ix te Cristoe —xi' ta yalel.

Hebreos 12:2

Ja' me ya jtojlintic ta ilel te Jesuse te la yac'botiquix quiltic te bit'il ya sc'an ya cac' xch'uunjel co'tantic ta stojol te Diose, soc te ya yac' ju'uc cu'untique. Melel te Jesuse soc sbujts' yo'tan la sts'ic swocol ta milel ta cruz, soc ma'yuc sc'oplal ta yo'tan te sq'uexlal te lajel ta cruz. Yu'un sna'oj stojol teme c'ax swocole, ya me sta bayal sbujts' yo'tan yu'un ta patil, soc la snajc'anix sba ta swa'el smuc'ul nactijib te Diose.

San Lucas 24:46

Jich la yalbey yaiyic: —Jich ts'ibubil jilel te puersa ya xc'ax swocol te Cristoe, soc te ya xcha'cux tel ta yoxebal c'aal ta bay te animaetique.

1 Pedro 1:3

Jelawen yutsil te Diose, te Stat te Cajwaltic Jesucristoe. Yu'un ta scaj nax te bayal xc'uxul yo'tan ta jtojoltic te la yac' cha'ayinucotic xan ta swenta bit'il cha'cux tel ta bay animaetic te Jesucristoe. Jich cuxul spisil ora te smuc'ul co'tantique.

San Lucas 24:44

La yalbey yaiyic ts'iin: —Te bila c'ot ta pasel ta jwentae, ja' te la calbeyex awaiyic te c'alal joinejex to a. Puersa jich c'ot ta pasel spisil te bila ts'ibubil jilel jc'oplal ta mandalile yu'un te Moisés soc ta sjun te namey q'uinal j'alwanejetic yu'un te Diose soc ta salmoetic —xi'.

San Lucas 24:7

te jich la yale: “Ya me x'ac'ot ta sc'ab jmulawiletic te Nich'anile, soc ya me yich' milel ta cruz, soc ta yoxebal c'aal ya me xcha'cux tel”, te xie —xiic.

Daniel 9:26

C'alal ya xc'ax te cheb xchanwinic (62) semana, ya me smilic te ch'ul jwentainwaneje. Te Jerusalén ya me yich' lajinel soc ya me yich' lajinel uuc te templo, ja' me ya slajin te swinictac te muc' ajwalil ya xtale. Te slajibale ora me ya xc'ot ta pasel, jich me ya xtal te bit'il snojel ja'; ja' to me c'alal slajibal te guerra soc te jinele, ja' te chapal nix sc'oplal ae.

San Juan 2:22

Jich yu'un te c'alal cha'cux tel ta bay animaetic te Jesuse, jich jul ta yo'tanic te jnopojeletic yu'un te bit'il jich yaloje. Jich la xch'uunic te bila ts'ibubil ta Sjun te Diose soc te bila la yal te Jesuse.

San Juan 20:9

Melel ma to c'oemuc ta yo'tanic te bit'il ts'ibubil jilel ta Sjun Dios te puersa ya xcha'cux tel ta bay animaetic te Jesuse.

Génesis 22:6

Te Abraham och ta sts'alel te si'il te milbil smajt'an Dios te scojt'ol ya yich' chiq'uele, la yac'bey xcuch bael te snich'an Isaaque. La stuch bael xutunte' soc scuchillo. Jich a bajt' xchebalic.