San Lucas 24:11 - Bible in Tzeltal de Oxchuc y Tenejapa

¹¹ Te jpuc-c'opetique, la scuyic ta jowil c'op nax te bila la yalique. Jich ma la xch'uun yo'tanic. [

Nuevo Testamento Tzeltal de Amatenango

¹¹ Pero te apostoletike la skuyik te jowil kꞌop te ya yalike, y ma skꞌan xchꞌuunik.

Bible in Tzeltal Bachajón

¹¹ Pero ma ba ch'uhumbot sc'opic, cuybot ta howilc'op te bin c'oht yalique.

San Lucas 24:11 Referans Kwoze

San Marcos 16:11

Jich la yaiyic stojol te bit'il cuxulix te Jesuse, soc te bit'il la yilix te María, ja'uc me to, ma la xch'uunic.

San Lucas 24:25

Jich albotic yu'un te Jesuse: —Wocol cati ya xc'ot ta awo'tanic. ¿Bi to ora ya xch'uun awo'tanic spisil te bila yaloj jilel te namey q'uinal j'alwanejetic yu'un te Diose?

Salmos 126:1

C'alal te Cajwaltic la yic'otic sujt'el ta Sión, jich c'ot la caiytic te bit'il yacalotic ta waichejele.

Job 9:16

Teme ya jc'opon, teme ya sjac'bon te jc'ope, pero ma xju' ya cal te ya yaiybon te jc'ope.

Génesis 19:14

Jich loc' bael te Lot, ba sc'opon te queremetic te chapal ya yic' sbaic soc te yantsil-nich'nabe, jich la yalbey yaiyic: —Jajch'anic, loc'anic tel, yu'un ya yich' lajinel yu'un Cajwaltic te lume —la yut. Ja'uc me to, te queremetic la scuyic te ma meleluc.

Hechos 12:9

Jich te Pedro la sts'aclin loq'uel te ch'ul abate. Ma la sna' teme melel te bila yac ta spasel te ch'ul abate. La scuy ta swaich nax.

2 Reyes 7:2

Te yabat te muc' ajwalil te stsacojbey sc'abe, la sjac'bey sc'op te Eliseo: —Manchuc me ya sjambey sventanaul ch'ulchan te Cajwaltique, ma xju' ya xc'ot ta pasel te bi ya awale —xi'. Pero la sjac' te Eliseo: —Ya me awil ta asit, pero ma ba ya awe' —xi'.

San Marcos 16:13

Te chebique ba yalbey yaiyic te yantique. Ja' nanix jich ma la xch'uunbeyic te sc'opique.

San Marcos 16:14

Ta slajibal la yac' sba ta ilel ta stojol te buluchtul jnopojeletic te c'alal yacalic ta we'ele. La yalbey ta sitic te ma'yuc bi ya sc'an xch'uun yo'tanique soc te tulan te yo'tanique, melel ma la sc'an xch'uunbeyic sc'op te mach'atic la yiliquix te cha'cuxemixe.

San Lucas 24:41

Ja'uc me to, ma xna'baj ta ch'uunel yu'unic la yaiyic, ta scaj te ay bayal sbujts' te yo'tanique soc bayal yac ta aiyej te yo'tanique. Jich te Jesuse la sjojc'obey yaiyic: —¿Ay bal we'elil awich'ojic jtebuc? —xi'.