San Lucas 23:50 - Bible in Tzeltal de Oxchuc y Tenejapa

⁵⁰ Ay jtul winic José sbiil te talem ta ch'in lum Arimatea te ay ta sq'uinal Judea. Lec yo'tan soc toj yat'el, soc miembro yu'un uuc te Muc'ul Tsoblej yu'un te judioetique.

Nuevo Testamento Tzeltal de Amatenango

⁵⁰ Ay jtul winik te Jose sbiil te ben lek y toj ta winikil te ay slumal ta Arimatea jun jtejklum yuꞌun te Judeae. Sok yichꞌoj yaꞌtel yuꞌun te juriyoetike,

Bible in Tzeltal Bachajón

⁵⁰ Ay jtuhl winic José sbihil te talem ta Arimatea, jun pueblo te ay ta sq'uinal Judea, ha smohlol te jchahpanwanejetic, lec yo'tan soc toj ta winiquil.

San Lucas 23:50 Referans Kwoze

Hechos 11:24

Melel te Bernabé lec nax yo'tan soc nojel ta yo'tan te Ch'ul Espiritue soc ay bayal xch'uunjel yo'tan ta stojol te Cajwaltique. Jich ay tsobol mach'a la xch'uunic Cajwaltic ta swenta.

Hechos 10:22

La yalic: —Ja' la sticunotic tel te Cornelio te centurión cu'untique te toj ta winiquile, soc te xi'oj te Diose, soc te lec sc'oplal yu'un spisil te judioetique. Ja' albot mandal yu'un te ch'ul abat te ya sticunat ta iq'uel te ya xbaat ta snae, swenta yu'un ya yaiy stojol te bila ya awalbeye —xiic.

Hechos 10:2

Xi'oj te Diose soc jun yo'tan xch'uunej soc spisil te mach'a ay yu'un ta snae. Bayal ya sq'uebanlay staq'uin ta scoltayel te judioetique soc spisil ora ya sc'opon te Diose.

San Lucas 2:25

Ay jtul winic te ainem ta lum Jerusalén te Simeón sbiile. Toj ta winiquil, soc yich'oj ta muc' te Diose. Jun yo'tan yac ta smaliyel te bi ora ya yich' coltayel ta libre te lum Israele. Te Simeone sjoinej te Ch'ul Espiritue.

Hechos 13:29

Te c'alal la sc'otesiquix ta pasel spisil te bila ts'ibubil jilel sc'oplal ta Sjun te Diose, la scojt'esic ta cruz te sbaq'uetale soc la smuquic.