San Lucas 23:5 - Bible in Tzeltal de Oxchuc y Tenejapa

⁵ Ja'uc me to, la yaq'uic puersa ta c'op: —Te p'ijubtesel yu'une, ya sboltesbey yo'tanic a te lume. Ja' to jajch' tel ta sq'uinal Galilea soc ta sq'uinal Judea, ja' to c'alal li'to —xiic.

Nuevo Testamento Tzeltal de Amatenango

⁵ Pero mas xniket lijkel ta kꞌop: —Te tut ya snojpeswan ae ya slikes kꞌop ta spisil te jtejklumetik ta Judeae. Lijk tal ta Galilea, y ta ora to jich ya spas liye —xchiik.

Bible in Tzeltal Bachajón

⁵ Pero la yaq'uic xan fuersa, hich la yalic: Yac shachbel c'op ta pueblo ta scuenta bin ya yac' ta nopel ta spahmal sq'uinal Judea, hahch talel ta Galilea, hulix li' c'alali, xchihic.

San Lucas 23:5 Referans Kwoze

San Juan 2:11

Ja' in to, ja' sbabial yu'un spisil te señailetic te la yac' ta ilel yutsilal a te Jesuse. Tey c'ot ta pasel ta lum Caná te ay ta sq'uinal Galilea. Te bit'il la yilbeyic seña yu'el Jesús te jnopojeletique, jich la xch'uun yo'tanic te mach'a a.

San Juan 1:43

Ta yan xan c'aal la snop te Jesús te ya xbajt' ta sq'uinal Galilea. La sta sba soc te Felipe, jich la yalbey: —La', ts'aclinawon bael —la yut.

San Marcos 1:14

Te c'alal och ta chuquel te Juan J'ac'-ich'ja'e, te Jesús bajt' ta sq'uinal Galilea ta yalel te lec yach'il c'op te bit'il ay ta ajwalinel te Diose.

San Mateo 4:23

Been ta spamal sq'uinal Galilea te Jesuse. La yaiy p'ijubteswanej ta sinagogaetic te banti c'ax ta beele. Soc la xcholbey yaiyic te lec yach'il c'op yu'un te bit'il ay ta ajwalinel te Diose. Soc la slamantesbey spisil te bitic chamelil te ay ta sbaq'uetalic te ants-winiquetique soc spisil ta jchajp te bila c'ux ta aiyele.

Hechos 23:10

Te bit'il c'ax bulan te c'ope, jich jajch' ta xiwel te coronele. Ja' la sna' teme ya xlaj ta sesanel ta milel yu'unic te Pabloe. Jich la sticun coel soldadoetic te ya xba sloq'uesic tel ta yolil tsoblej te Pabloe, soc te ya yiq'uic ochel yan buelta ta bay te cuartele.

Hechos 10:37

Te ja'exe ana'ojic stojol te bila c'ot ta pasel ta spamal sq'uinal te judioetique. Tey jajch' ta sq'uinal Galilea te c'alal lajix yo'tan ta xcholel sc'oplal ich'ja' a te Juane.

Hechos 7:57

Ja'uc me to, la smac xchiquinic soc tulan awunic yu'un. Spisilic la sjumtayic ta tsaquel ta ora te Estebane.

Hechos 7:54

Te c'alal la yaiyic stojol te bila la yal te Estebane, mich'ot yo'tanic yu'un ta c'axem to xan. La xc'ux yeic yu'un ta scontroinel.

Hechos 5:33

Te c'alal la yaiyic stojole, la smich' sba yo'tanic yu'un. C'an smilic.

San Juan 19:15

Cajic ta aw: —¡Bajt'uc ta milel! ¡Bajt'uc ta milel! ¡Mila ta cruz! —xiic ta aw. La yal te Pilatoe: —¿Ya bal stac' ya cac' ta milel ta cruz te muc' ajwalil awu'unique? —xi'. Te jwolwanej-sacerdoteetic la yalic: —Ma'yuc yan muc' ajwalil cu'untic, ja' nax stuquel te Césare —xiic.

San Juan 7:52

La yalbeyic: —¿Ja'at bal Galileaat uuc? Nopa ta lec te Sjun Diose. Tey me ya awil a te ma'yuc jtuluc j'alwanej ya xtal ta Galilea —la yutic.

San Juan 7:41

Te yantique la yalic: —Ja'ix in to te Cristoe —xiic. Ja'uc me to, yan la yalic: —¡Bay xtal! ¿Ya bal c'an taluc ta sq'uinal Galilea te Cristoe?

San Lucas 23:23

Ja'uc me to, tulan awunic xan ta sc'anel te ya x'ac'ot ta lajel ta cruz. Te bit'il la yaq'uic puersa ta aw te lume soc te jwolwanej-sacerdoteetique, jich ju' yu'unic.

San Lucas 11:53

Te bit'il jich la yal te Jesuse, te ts'ibojometic soc te fariseoetic, bayal ilinic ta jc'axel yu'un. Jich jajch' sjojc'obeyic bayal aiyej ta c'axem to xan.

San Mateo 27:24

Te bit'il ma'yuc bi ya xju' yu'un la yil te Pilatoe, soc te bit'il bayal yac ta toyel yawic te lume, jich la sc'an tel ja' spoc sc'ab ta stojolic. Jich la yal ta spoquel te sc'abe: —Ma xju' ya jmulinbey smalel xch'ich'el in winic te toje. Ja'ex me ya amulinic atuquelic —xi'.

Salmos 69:4

Tsobolic te mach'atic ay slab yo'tanic cu'un te tojol naxe, c'ax jich yajtalul a te bit'il stsotsil jole; mero esmajix te jcontrotac, ja'ic te tojol nax ya sc'an ya slajinonique. Ya yac'bonic jsujt'es te bila quelc'anej ta sc'opique, pero ma'yuc bila quelc'anej.

Salmos 57:4

Pacalonix ta lum ya caiy, ayonix ta yolil león-chojetic ya caiy, ja' te león-chojetic ya sti'ic ants-winiquetique; te sbaquel yeique pajal soc lanzaetic, pajal soc yat'ejibal t'imalte'etic, te yeique pajal soc ye puñal.

Salmos 22:16

Jich bit'il ts'i'etic te jtsojp yac'oj sbaic, jc'axel sjoytayejonic ta jyalel te mach'atic amen yo'tanique; la yejch'entesbonic jc'ab soc cacan.

San Mateo 2:1

Ayin Jesús ta lum Belén te ay ta sq'uinal Judea te c'alal ay ta muc' ajwalil a te Herodese. Julic tel ta Jerusalén p'ijil winiquetic te talic ta stojol sloq'uib c'aal.

San Mateo 11:1

Te c'alal laj yo'tan Jesús ta spasel ta mandal te lajchaytul jnopojeletique, loc' bael tey a. Ba yaiy p'ijubteswanej soc ba yal sc'op Dios ta bay te lumlumtic yu'unique.

San Lucas 23:6

Te bit'il jich la yaiy stojol te Pilatoe, la sjojc'o yaiy teme galilea-winic te Jesuse.