San Lucas 23:35 - Bible in Tzeltal de Oxchuc y Tenejapa

³⁵ Spisil te lume, yacalic ta yilel te bila c'ot ta pasele. Soc te jtuuneletic la slabanic te Jesuse. Jich la yalic: —La scoltay yantic. Ta ora to ac'a scoltay sba uuc teme ja' Cristo te tsabil yu'un te Diose —xiic ta slabanel.

Nuevo Testamento Tzeltal de Amatenango

³⁵ Te genteetike teꞌeyik ekꞌa yipalik ta yilel te tut ya xkꞌot ta pasele. Y asta te juꞌeletike ya yikꞌtinik euk te Jesuse. Jich ya yalik: —La skolta te yane. Ora to aꞌ skolta sba kiltik euk, teme batsꞌik jich te jaꞌ Cristo te tꞌujbil yuꞌun te Diose —xchiik ta yikꞌtinel.

Bible in Tzeltal Bachajón

³⁵ Te ants-winiquetic yac yilbelic, soc te principaletic yu'un te pueblo la slabanic te Jesús, hich la yalic: La scoltaylan yantic; ac'a scoltay sba teme ha nix a te Cristo te tsahbil yu'un Dios, xchihic ta slabanel.

San Lucas 23:35 Referans Kwoze

Salmos 22:17

Ya xju'ix ta ajtayel te jbaquele, melel chajalix. Te jcontrotac ma sq'uejic bael sitic ta jtojol;

Isaías 42:1

“Li' ay te cabat, te mach'a ya jwentain, ja' te tsabil cu'une, te mach'a bin nax co'tan yu'une. Cac'ojbey ta stojol te espíritu cu'un swenta yu'un ya me yich' tel te stojil ta chajbanel ta spisil te nacionetique.

1 Pedro 2:4

Noptsajanic tel ta stojol te Cajwaltic te ja' cuxul ton stuquel. P'ajbil yu'unic te ants-winiquetique; yan te Diose, tsabil yu'un stuquel, soc bayal sc'oplal ta yo'tan.

San Lucas 16:14

Te fariseoetique bic'tajem nax yo'tanic yu'un te staq'uinique, jich yu'un te c'alal la yaiyic stojol te bila la yal te Jesuse jajch' slabanic yu'un.

San Mateo 12:18

“Li' ay to te cabat, te tsabil cu'une. C'ux ya caiy ta co'tan soc bin nax co'tan yu'un. Ya me cac'bey ta yo'tan te Espíritu cu'un. Jich me ya spuc ta alel ta stojol jyanlumetic te bila toj ta pasele.

Isaías 53:3

te ants-winiquetique la yilayic, ma la yich'ic ta wenta. Jich yilel sit-yelaw te nojel ta yo'tan te bila c'uxe, c'aem ta woclajel. Jich c'oem te bit'il mach'a ma'yuc ta ilele, la quilaytic, ma la quich'tic ta wenta.

San Mateo 3:17

Soc ay mach'a c'opoj tel ta ch'ulchan: —Ja' in to, ja' te Jnich'an te bayal c'ux ta co'tane, bin nax co'tan yu'un —xi'.

Zacarías 12:10

“Ya me jnojesbey ta yo'tanic yutsil-o'tanil ta sc'oponel Dios, te patil alnich'anetic yu'un David soc te mach'atic nainemic ta Jerusalén. Jich me ora ya yilic te mach'a la slowique. Ya me smel yo'tanic yu'un, ya me x'oq'uic yu'un, jich me ta yo'tanic te bit'il laj te jip jtul snich'an, o teme ja' te ba alale.

Lamentaciones 3:14

Spisil te jlumale ya slabanonic; ta spisil ora jo'on ya staonic ta labanel.

Isaías 49:7

Te Cajwaltic te J'ac'wanej ta libre, ja' te Ch'ul Dios yu'un Israel, ya yalbey te lum te jc'axel yich'ojix ilayele, ja' te yilayejic te jyanlumetique, ja' te yich'oj mosoinel yu'un te j'uts'inwanejetique: —C'alal ya yilex te muc' ajwaliletic soc te biq'uit ajwaliletic, ya me xjajch'ic, soc ya me xtal squejan sbaic ta atojol. Melel jo'on Ajwalilon, te Ch'ul Dioson yu'un Israel, la jtsaat, soc ya me jc'otes ta pasel te jc'ope —xi'.

Salmos 71:11

Jich la yalic ta jtojol: “Nutsa, tsacaic, melel pijt'esotix yu'un Dios, ma'yuc mach'a ya xcoltayotix yu'un”, xiic.

Salmos 69:26

Melel ya snutsic te mach'a la awac'beyix wocol ta stojol; soc ya stse'lubeyic xc'uxul te mach'a ejch'entesbil awu'une.

Salmos 35:15

Yan te c'alal tal wocol ta jtojole, spisilic la stsob sbaic tel ta stse'lubelonic; jich c'oon ta yo'tanic te bit'il jyanlum te ma sna'bonic jbae. Ma la scom sbaic, c'ax bayal la yuts'inonic.

Salmos 4:2

Ja'ex te mero ajwalil acuyoj abaique, ¿Banti c'alal ya aboltesbonic te jc'oplale? ¿Banti c'alal ya ac'anic soc te ya aleic te ma'yuc bila swentail, te ja' nax puro lotil c'ope?

San Lucas 23:13

Te Pilato la sticun ta tsobel tel te jwolwanej-sacerdoteetic, soc te jtuuneletic, soc spisil te lume.

San Lucas 23:39

Te mach'atic jmulawiletic te pajal jipilic ta cruz soc te Jesuse ay jtul te bol-c'opoje, jich la yal: —Teme ja'at te Cristoate, coltaya aba quiltic, soc coltayawotic uuc te jo'otique —la yut.